ПРЫПОВЕСЬЦІ 10:1-8

Прыповесьці Салямона. Мудры сын — радасьць для бацькі, а дурны сын — смутак для маці. Не прыносяць карысьці скарбы бязбожныя, а праведнасьць ратуе ад сьмерці. Не дазволіць ГОСПАД галадаваць душы праведніка, але адкіне жаданьні бязбожнікаў. Лянівая рука робіць бедным, а рука працавітая ўзбагачае. Хто летам зьбірае, той сын разважлівы, а хто сьпіць у жніво — сын ганебны. Дабраславенствы — на галаве праведнага, а вусны бязбожнікаў хаваюць няправасьць. Памяць пра праведніка дабраслаўлёная, а імя бязбожнікаў спарахнее. Мудры сэрцам прыймае прыказаньні, а той, хто мае вусны неразумныя, упадзе.