Pulosay kágad pa Rumián 9
9
Hodáay gechén kortagén mardom
1Masih sháhed ent ke man rásta gwashán o dróga nabandán, mani zamir Pákén Ruhá barkatá é habaray sháhediá dant ke 2maná sóznákén andóh o modámién dardé delá ent. 3Drégatá wati brátáni háterá, hamá ke jesmi hesábá mani hamkawm ant, áyáni háterá man nálat kanag buténán o cha Masihá besesténán. 4Á, Esráili ant o Hodáyá zortag o wati chokk kortagant. Shán o shawkat, ahd o paymán, Sharyat, ebádatay ráh o rahband o Hodáay labz o karár hamáyánig ant. 5Bonpirok hamáyánig ant o Masih ham jesmi hesábá cha hamáyáni naslá ent, Masih ke sajjahénáni Hodá ent. Áiá modám satá o saná bát. Ámin.
6Chosh naent ke Hodáay habar béasar o nákár butag. Chéá ke sajjahén Bani Esráili hakk o delá Esráili naant. 7Ebráhémay har chokk o nomásag imánay hesábá áiay nasl o padréch naent. Bezán ke “tai nasl o padréch cha Esáká hesáb bit.”#9:7 Pédáesh 21:12. 8É chizz pésha dárit ke har jesmi chokk Hodáay chokk hesába nabit, wádah dátagén chokk Ebráhémay nasl o padréch hesába bant. 9Parchá ke wádah o karár chosh at: “Áyókén sálá hamé wahdá man pera tarrán o Sárahá mardénchokké gwarána bit.”#9:9 Pédáesh 18:10. 10Tahná é naat, Rebekkáay járhén chokkáni pet hamá yakkén at, bezán may bonpirok Esák. 11-12Bale cha eshiá pésar ke chokk pédá bebant o nékén yá badén kár bekanant, gón Rebekkáyá gwashag but ke “masterén kasterénay hezmatá kant.”#9:11–12 Pédáesh 25:23. É dhawlá Hodá wat gechéna kant o gón é kárá wati erádahá barjáh dárit. Ensánay kár o kerdá nachárit, wat ensáná gwánka jant. 13Anchosh ke nebisag butag: “Ákub maná dóst at o Issu nádóst.”#9:13 Maláki Nabiay Ketáb 1:2-3.
14Gorhá ché begwashén? Hodá náensáp ent? Hechbar! 15Chéá ke gón Mussáyá gwashit: “Harkasay sará ke maná rahm kanagi ent, rahma kanán o gón harkasá ke maná hamdardi kanagi ent, hamdardia kanán.”#9:15 Darraw 33:19. 16Bezán, é ensánay wáhag o wasay sará nabit, rahm kanag Hodáay dastá ent. 17Parchá ke Pákén Ketábá Hodá gón Perawná gwashit: “Man tará paméshká mazani dátag ke wati zór o wáká#9:17 Wák, bezán zór, tákát. tará pésh bedárán o sajjahén jaháná mani námay jár janag bebit.”#9:17 Darraw 9:16. 18Gorhá bezán, Hodá harkasay sará ke belóthit rahma kant o harkasay delá ke belóthit senga kant.
Hodáay kahr o rahm
19Taw cha man josta kanay: “Gorhá Hodá chéá angat márá mayárbára kant? Áiay erádahay démá kay óshtáta kant?” 20Bale, oo ensán! Taw kay ay ke gón Hodáyá hamjwábia kanay? É sharrén habaré naent ke addh kortagéné wati addh kanóká begwashit: “Taw chéá maná é paymá addh kortag.” 21Záná, kuzagará#9:21 Kuzagar, bezán hamá mardom ke komb o kunzag addha kant. é hakk nést ke cha gelay yakkén chánagá yakk darpé pa hasén káréá o degaré pa ancháén káréá addh bekant?
22Gorhá ché? Harchont ke Hodáyá wati kahr o gazab pésh dárag o wati wák o kodrat záher kanaga lóthet, bale angat gón mazanén sabr o ópáré hamá mardománi bardáshtia kort ke kahr o gazabay chérá atant o pa gár o gomsár bayagá tayár atant. 23Gorhá ché? Balkén áiá chosh kort tánke wati ganjén shán o shawkatá hamá mardomán pésh bedárit ke áyáni sará rahma kant, hamá mardom ke Hodáyá pésará pa wati shán o shawkatá tayár kortagatant. 24Má ham Hodáay gwánk jatagén én, tahná Yahudi na, darkawm ham. 25Anchosh ke Hushá Nabiay Ketábá Hodá gwashit:
“Hamá ke mani kawm naat, man áiá wati kawma kanán,
hamá ke mani dordánag naat man áiá wati dordánaga kanán.” # 9:25 Hushá Nabiay Ketáb 2:23.
26Anchosh ham:
“Hamá molká ke gón áyán gwashag but: ‘Shomá mani kawm naét,’
ódá á, namiránén Hodáay chokk gwashaga bant.” # 9:26 Hushá Nabiay Ketáb 1:10.
27Bale Esráilay bárawá Eshayá nabi jára jant o gwashit:
“Bell toré Bani Esráilay chokk daryáay rékáni kesásá báz bebant,
bale cha áyán tahná kasánén pasht kaptagén bahré rakkit.
28 Chéá ke Hodáwand zeminay sará wati sezáyá pa tézi o mohkamia kárit.” # 9:28 Eshayá Nabiay Ketáb 10:22-23.
29Hamá paymá ke Eshayá nabiá pésará gwashtag:
“Agan lashkaráni Hodáwandá pa má nasl o padréch maeshtén,
gorhá má Sodumay mardománi paymá butagatén,
Gomurahay mardománi paymá.” # 9:29 Eshayá Nabiay Ketáb 1:9.
Esráilay nábáwari
30Nun ché begwashén? Hamá darkawm ke rástáwari o bémayáriay shóházá naatant, rástáwariesh raset, hamá rástáwari ke cha imáná kayt. 31Bale Esráili ke cha Sharyatay ráhá rástáwariay shoházá atant, cha Sharyatay ráhá pa rástáwariá sar nabutant. 32Parchá sar nabutant? Paméshká ke áyáni é shoház bonyád imán naat, kár o kerd at. Áyán mán gisshénókén sengay sará thagal wárt. 33Anchosh ke nebeshtah ent:
“Man Sahyuná sengé # 9:33 Edá seng pa Issá Masihá eshárahé. éra kanán ke mardomána thagalénit,
dhóké ke áyán dawra dant,
harkas ke áiay sará imána kárit sharmendaga nabit.” # 9:33 Eshayá Nabiay Ketáb 8:14; 28:16.
Цяпер абрана:
Pulosay kágad pa Rumián 9: HPKB
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2015-2022, Wycliffe Bible Translators, Inc. and the Balochi Bible Translation Team. All rights reserved.