ႁဵတ်းဝၢတ်ႈ 5
5
ၶိူင်ႈတၢင်းလူႇပုၼ်ႈတၵ်းၽေႇဢပျတ်ႈ
1ဢမုတၢင်းၽိတ်းမဵဝ်းဢၼ်လူဝ်ႇႁဵတ်းတၢင်းလူႇဢၼ်ၽေႇဢပျတ်ႈၼၼ်ႉၸမ်ႉ၊
“ပေႃးသေၵေႃႉၵေႃႉလႆႈၶၢမ်ႇတၢင်းဢၼ်ၽူႈဢၼ်ၸီႇယၢင်ႇတြႃးႁွင်ႉဢဝ်ႁႂ်ႈမၼ်းၶၢမ်ႇသၢၵ်ႈသေႇၼႂ်းလုမ်းသေယဝ်ႉ၊မၼ်းယင်းဢမ်ႇမွၵ်ႇဢမ်ႇလၢတ်ႈလွင်ႈတၢင်းဢၼ်မၼ်းလႆႈႁၼ်၊ဢမ်ႇၼၼ်မၼ်းလႆႈငိၼ်းၼၼ်ႉၸိုင်၊မၼ်းတၵ်းလႆႈၶၢမ်ႇတၢမ်ႇဢပျတ်ႈတုၸရိူၵ်ႈတူဝ်ၸဝ်ႈၵဝ်ႇဢေႃႈ။
2“ပေႃးသေၵေႃႉသေၵူၼ်းယင်းဢမ်ႇထၢင်ႇဢမ်ႇထိူမ်လႄႈတိူဝ်ႉမႅၼ်ႈၶိူင်ႈပိူင်ဢၼ်ဢမ်ႇမူတ်းသႂ်ဢၼ်ပဵၼ်တူဝ်တၢႆတရိၵ်ႈသၢၼ်ႇဢၼ်လဵင်ႉဢိၵ်ႇတင်းတရိၵ်ႈသၢၼ်ႇၼႂ်းထိူၼ်ႇဢၼ်ဢမ်ႇမူတ်းသႂ်ၼၼ်ႉသေယဝ်ႉ၊ယင်းဢမ်ႇႁုလွင်ႈမၼ်းလႄႈႁွတ်ႈထိုင်တၢင်းဢၼ်ဢမ်ႇမူတ်းသႂ်ၼၼ်ႉၸိုင်၊မၼ်းၼၼ်ႉမီးဢပျတ်ႈဢေႃႈ။
3“ပေႃးသေၵေႃႉသေၵူၼ်းယင်းဢမ်ႇထၢင်ႇဢမ်ႇထိူမ်လႄႈတိူဝ်ႉမႅၼ်ႈမဵဝ်းဢၼ်ဢမ်ႇမူတ်းသႂ်ဢၼ်ၸၢပ်ႈသႅင်ႇၵၼ်တင်းၵူၼ်းသေမဵဝ်းမဵဝ်းဢၼ်ၸပ်းတီႈၵူၼ်းၼၼ်ႉၸိုင်၊ၵမ်းလိုၼ်းမိူဝ်ႈဢၼ်မၼ်းႁုလွင်ႈမၼ်းၼၼ်ႉမၼ်းမီးဢပျတ်ႈဢေႃႈ။
4“ပေႃးသေၵေႃႉသေၵူၼ်းယင်းဢမ်ႇႁုဢၵျူဝ်းဢပျတ်ႈလႄႈမဝ်မဝ်မၢင်မၢင်တိူင်ႇၵၢဝ်ႇၵႂၢမ်းၵတိသဵတ်ႈၸႃႇၼႂ်းလွင်ႈမဵဝ်းၵႃႈသင်သေဢမ်ႇဝႃႈ၊ၵမ်းလိုၼ်းမိူဝ်ႈဢၼ်မၼ်းႁုလွင်ႈမၼ်းၼၼ်ႉမၼ်းမီးဢပျတ်ႈဢေႃႈ။
5“ပေႃးမၼ်းႁွတ်ႈထိုင်ဢပျတ်ႈဢၼ်ဝႃႈမႃးၸိူဝ်းၼႆႉသေမဵဝ်းမဵဝ်းၸိုင်၊မၼ်းတၵ်းလႆႈတွင်းပၢၼ်ႇပုၼ်ႈဢပျတ်ႈတၢင်းၽိတ်းမၼ်းဢေႃႈ။- 6ပုၼ်ႈဢၼ်တၵ်းၽေႇဢပျတ်ႈမၼ်းၸိုင်၊မၼ်းတၵ်းလႆႈဢဝ်သူဝ်းမႄႈဢမ်ႇၼၼ်ပႄႉမႄႈသၢၵ်ႈလူႇတီႈထႃႇဝရႃႉၽြႃး၊ဢေႃႈ။ ယဵၸ်ႈပရေႃးႁဵၵ်ႈ#5:6 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈၼၼ်ႉတၵ်းလႆႈႁဵတ်းတၢင်းလူႇဢၼ်ၽေႇဢပျတ်ႈပုၼ်ႈမၼ်းဢေႃႈ။
7“ၵူၺ်းၵႃႈ၊ပေႃးၵေႃႉၼၼ်ႉဢမ်ႇတၢတ်ႈၼိူင်ႇသၢၵ်ႈလူႇသူဝ်းလႆႈၸိုင်၊မၼ်းတၵ်းလႆႈဢဝ်ၼူၵ်ႉတူႈသွင်တူဝ်၊ဢမ်ႇၼၼ်ၵႃၵႄသွင်တူဝ်ပုၼ်ႈဢၼ်တၵ်းၽေႇဢပျတ်ႈမၼ်းတီႈထႃႇဝရႃႉၽြႃး၊ဢေႃႈ။ ၼူၵ်ႉၼၼ်ႉတူဝ်ၼိုင်ႈပဵၼ်တၢင်းလူႇပုၼ်ႈတၵ်းၽေႇဢပျတ်ႈလႄႈတူဝ်ၼိုင်ႈပုၼ်ႈတူဝ်တၢင်းလူႇဢၼ်တုတ်ႇၽႆးဢေႃႈ။- 8မၼ်းတၵ်းလႆႈဢဝ်ၼူၵ်ႉၸိူဝ်းၼၼ်ႉမႃးတီႈယဵၸ်ႈပရေႃးႁဵၵ်ႈလႄႈယဵၸ်ႈပရေႃးႁဵၵ်ႈတၵ်းလႆႈႁဵတ်းတၢင်းလူႇဢၼ်ၽေႇဢပျတ်ႈဢွၼ်တၢင်းဢေႃႈ။ မၼ်းတၵ်းလႆႈလိမ်ႇႁၵ်းၶေႃးၼူၵ်ႉၼၼ်ႉၵူၺ်း၊တၵ်းဢမ်ႇႁႂ်ႈႁူဝ်မၼ်းလႆႈၶၢတ်ႇသေလႄႈ၊- 9ဢဝ်လိူတ်ႈမၼ်းၵမ်ႈၽွင်ႈၽႅတ်းသႂ်ႇတီႈၽႃၶဵင်ႇတၢင်းလူႇဢေႃႈ။ လိူတ်ႈဢၼ်ၵိုတ်းဢၼ်ၵျၢၼ်ႇၼၼ်ႉတၵ်းလႆႈမိပ်ႇသႂ်ႇတီႈတိၼ်ၶဵင်ႇတၢင်းလူႇဢေႃႈ။ ဢၼ်ၼႆႉပဵၼ်တၢင်းလူႇဢၼ်ၽေႇဢပျတ်ႈဢေႃႈ။- 10ၼူၵ်ႉတူႈထႅင်ႈတူဝ်ၼိုင်ႈၼၼ်ႉ မၼ်းတၵ်းလႆႈႁဵတ်းတၢင်းလူႇဢၼ်တုတ်ႇၽႆးၸွမ်းၼင်ႇထုင်းၽိင်ႈမၼ်းမီးၼၼ်ႉဢေႃႈ။ ၼင်ႇၼၼ်လႄႈယဵၸ်ႈပရေႃးႁဵၵ်ႈတၵ်းလႆႈသၢၵ်ႈလူႇပုၼ်ႈတၵ်းၽေႇဢပျတ်ႈၵူၼ်းၵေႃႉၼၼ်ႉလႄႈ၊ဢပျတ်ႈမၼ်းၼၼ်ႉၵေႃႈတၵ်းလွတ်ႈဢေႃႈ။
11“ပေႃးမၼ်းယင်းဢမ်ႇတၢတ်ႈၼိူင်ႇသၢၵ်ႈလူႇၼူၵ်ႉတူႈသွင်တူဝ်ဢမ်ႇၼၼ်ၵႃၵႄသွင်တူဝ်လႆႈၸိုင်၊မၼ်းတၵ်းလႆႈဢဝ်ၽွင်ၶဝ်ႈၵျုင်ႇၸဵတ်းၵွၵ်း#5:11 “ၽွင်ၶဝ်ႈၵျုင်ႇၸဵတ်းၵွၵ်း” ၵျၢမ်းမၢင်မူႇဝႃႈ၊ “ဢေးၽႃႇသိပ်းပုၼ်ႈဢဝ်ပုၼ်ႈၼိုင်ႈ” ၵျၢမ်းမၢင်မူႇဝႃႈ၊ “ၼိုင်ႈၵီးလူဝ်းၵရမ်ႇ” ဢေႃႈမႃးႁဵတ်းတၢင်းလူႇဢၼ်ၽေႇဢပျတ်ႈဢေႃႈ။ ဢမ်ႇလႆႈဢဝ်ၼမ်ႉမၼ်းသၢၼ်ႇလုၼ်ႇႁူတ်းသႂ်ႇ။ လေႃႇပၢၼ်ႇၵေႃႈဢမ်ႇလႆႈၽွၵ်းသႂ်ႇၵႃႈၼိူဝ်မၼ်း။ လွင်ႈမၼ်းၸမ်ႉ၊လွင်ႈၼႆႉပဵၼ်တၢင်းလူႇဢၼ်ၽေႇဢပျတ်ႈဢေႃႈ။ မၼ်းပဵၼ်တၢင်းလူႇမၢၵ်ႇၶဝ်ႈႁူင်းၶဝ်ႈဢမ်ႇၸႂ်ႈ။- 12မၼ်းတၵ်းလႆႈဢဝ်မႃးတီႈယဵၸ်ႈပရေႃးႁဵၵ်ႈလႄႈယဵၸ်ႈပရေႃးႁဵၵ်ႈၼၼ်ႉတၵ်းလႆႈဢဝ်ၽွင်ၶဝ်ႈၵျုင်ႇဝၵ်ႉၼိုင်ႈပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈလႄႈတုတ်ႇၽႆးၵႃႈၼိူဝ်ၶဵင်ႇတၢင်းလူႇႁူမ်ႈလူၺ်ႈၵၼ်တင်းၶိူင်ႈတၢင်းလူႇဢၼ်တုတ်ႇၽႆးဢေႃႈ။ ဢၼ်ၼႆႉပဵၼ်တၢင်းလူႇဢၼ်ၽေႇဢပျတ်ႈဢေႃႈ။- 13ၼင်ႇၼၼ်လႄႈယဵၸ်ႈပရေႃးႁဵၵ်ႈတၵ်းလႆႈသၢၵ်ႈလူႇပုၼ်ႈတၵ်းၽေႇဢပျတ်ႈၵေႃႉၼၼ်ႉဢေႃႈ။ ၽွင်ၶဝ်ႈၵျုင်ႇဢၼ်ၵိုတ်းဢၼ်ၵျၢၼ်ႇၼၼ်ႉပဵၼ်ပုၼ်ႈယဵၸ်ႈပရေႃးႁဵၵ်ႈမိူၼ်ၸိူဝ်ႉၼင်ႇမိူဝ်ႈဢၼ်ႁဵတ်းတၢင်းလူႇမၢၵ်ႇၶဝ်ႈႁူင်းၶဝ်ႈၼၼ်ႉဢေႃႈ၊” ဝႃႈၼင်ႇၼႆဢေႃႈ။
တၢင်းလူႇဢၼ်ၽေႇတုၸရိူၵ်ႈ
14 ထႃႇဝရႃႉၽြႃး၊သမ်ႉမီးဢမိင်ႉတီႈမူဝ်းသေႇ၊ထႅင်ႈလႄႈဝႃႈၸမ်ႉ၊- 15“ပေႃးသေၵေႃႉသေၵူၼ်းယင်းဢမ်ႇထၢင်ႇဢမ်ႇထိူမ်လႄႈၽိတ်းပိူင်ႈပူၼ်ႉလိူဝ်လွင်ႈတၢင်းဢၼ်ဢမ်ႇလူႇၶိူင်ႈပိူင်ဢၼ်မူတ်းၸၢင်ႇတီႈထႃႇဝရႃႉၽြႃး၊ၼၼ်ႉၸိုင်၊မၼ်းတၵ်းလႆႈႁဵတ်းတၢင်းလူႇဢၼ်ၽေႇတုၸရိူၵ်ႈတီႈထႃႇဝရႃႉၽြႃး၊ဢေႃႈ။ ပုၼ်ႈတၢင်းလူႇၼၼ်ႉမၼ်းတၵ်းလႆႈဢဝ်သူဝ်းပေႃႈဢွၼ်ႇဢမ်ႇၼၼ်ပႄႉပေႃႈဢၼ်ဢမ်ႇမီးတီႈၸိတီႈၼႄးဢၼ်ၵႃႈၶၼ်မၼ်းမႅၼ်ႈၼင်ႇငိုၼ်းၼမ်ႉၼၵ်းမၼ်းၸွမ်းလူၺ်ႈမၢၵ်ႇလုၵ်ႈၶၼ်ၸဝ်ႈၼၼ်ႉဢေႃႈ။- 16မၼ်းတၵ်းလႆႈၶိုၼ်းတႅၼ်းပၼ်ပုၼ်ႈၶိူင်ႈပိူင်ဢၼ်မူတ်းၸၢင်ႇဢၼ်မၼ်းဢမ်ႇလႆႈပၼ်ၼၼ်ႉသေယဝ်ႉ၊တၵ်းလႆႈဢဝ်ၵႃႈၶၼ်ႁႃႈပုၼ်ႈပုၼ်ႈၼိုင်ႈၵႃႈၼႂ်းၵႃႈၶၼ်ဢၼ်ဢမ်ႇလႆႈပၼ်ၼၼ်ႉထၢပ်ႈထႅင်ႈလူးၵွၼ်ႇဢေႃႈ။ မၼ်းတၵ်းလႆႈဢဝ်ပၼ်တီႈယဵၸ်ႈပရေႃးႁဵၵ်ႈ#5:166:6 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈလႄႈယဵၸ်ႈပရေႃးႁဵၵ်ႈၼၼ်ႉတၵ်းလႆႈသၢၵ်ႈလူႇတူဝ်သတ်းၼၼ်ႉပဵၼ်ပုၼ်ႈတၢင်းလူႇၽေႇဢပျတ်ႈၵေႃႉၼၼ်ႉဢေႃႈ။ ဢပျတ်ႈမၼ်းၼၼ်ႉတၵ်းလွတ်ႈဢေႃႈ။
17“ပေႃးသေၵေႃႉသေၵူၼ်းယင်းဢမ်ႇထၢင်ႇဢမ်ႇထိူမ်လႄႈၽိတ်းပိူင်ႈပူၼ်ႉလိူဝ်ပိင်းၺၢပ်ႈတြႃးထႃႇဝရႃႉၽြႃး၊ၸိုင်၊ပိၵ်ႉသမ်ႉမၼ်းဢမ်ႇႁုလွင်ႈတၢင်းမၼ်းသေၵေႃႈ မၼ်းမီးဢပျတ်ႈယဝ်ႉလႄႈတၵ်းလႆႈၶၢမ်ႇတၢမ်ႇဢပျတ်ႈမၼ်းဢေႃႈ။- 18မၼ်းတၵ်းလႆႈဢဝ်တၢင်းလူႇမႃးတီႈယဵၸ်ႈပရေႃးႁဵၵ်ႈပဵၼ်တၢင်းလူႇဢၼ်ၽေႇတုၸရိူၵ်ႈ၊ဢၼ်ဝႃႈသူဝ်းပေႃႈဢမ်ႇၼၼ်ပႄႉပေႃႈဢၼ်ဢမ်ႇမီးတီႈၸိတီႈၼႄးဢၼ်ၵႃႈၶၼ်မၼ်းတႅပ်းတတ်းမႅၼ်ႈၼင်ႇငိုၼ်းၼမ်ႉၼၵ်းမၼ်းၸွမ်းလူၺ်ႈမၢၵ်ႇလုၵ်ႈၶၼ်ၸဝ်ႈဢေႃႈ။ ယဵၸ်ႈပရေႃးႁဵၵ်ႈတၵ်းလႆႈသၢၵ်ႈလူႇပုၼ်ႈတၵ်းၽေႇဢပျတ်ႈၵေႃႉၼၼ်ႉလႄႈဢပျတ်ႈမၼ်းၼၼ်ႉတၵ်းလွတ်ႈဢေႃႈ။- 19ဢၼ်ၼႆႉပဵၼ်တၢင်းလူႇဢၼ်ၽေႇတုၸရိူၵ်ႈပုၼ်ႈဢပျတ်ႈဢၼ်မၼ်းလႆႈၽိတ်းပိူင်ႈပူၼ်ႉလိူဝ်ထႃႇဝရႃႉၽြႃး၊ၼၼ်ႉဢေႃႈ၊” ဝႃႈၼင်ႇၼႆဢေႃႈ။
Цяпер абрана:
ႁဵတ်းဝၢတ်ႈ 5: SHNCL
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце