Папулярныя біблейскія вершы з Baefese 2

Падзяліцца

Mulimu ki yena ya lu bupile. Mwa kopano ye lu na ni yona ni Jesu Kreste, u lu bupezi bupilo bo bu tezi misebezi ye minde, ili misebezi y'a lu lukiselize yona kale kuli lu i eze.

Kakuli ki ka sishemo sa Mulimu, ha mu pulusizwe ka tumelo. Ku puluswa ko, ha ku zwi ku mina. Ki mpo ya Mulimu. Ha siyo se mu ka ikuhumusa ka sona, kakuli ha ku zwi fa ku ikataza kwa mina.

Ha si butuna bwa sishemo sa Mulimu! Mi lilato la hae ku luna ki le lituna cwañi! U lu pulusize ka Kreste niha ne lu shwile ka ku sa utwa kwa luna. Ki ka sishemo sa Mulimu ha mu pulusizwe.

Mwa kopano ye lu na ni yona ni Jesu Kreste, Mulimu u lu zusize ni yena kuli lu buse hamoho mwa libaka ze kwa lihalimu.

Hakulicwalo, mina Balicaba ha mu sa li bazwahule, ba ba zwa ku sili. Mu ba munzi u li muñwi ni batu ba Mulimu. Mu ba lusika lwa Mulimu. Ni mina cwalo mu yahilwe fa mutomo o tomilwe ki baapositola ni bapolofita, mi licwe la mwa lilulu ki yena Jesu Kreste kasibili.