Папулярныя біблейскія вершы з Baefese 1

Падзяліцца

Ni kupa kuli mihupulo ya mina i kwaluluhe, kuli mu kone ku utwisisa sepo ye mu bizelizwe ni butuna bwa matohonolo ao Mulimu u a bulukezi be ili ba hae. Ni kupa kuli mu utwisise ni kuli maata a hae ki a matuna cwañi a sebeza ku luna ba ba lumela. Ona maata ao kasibili a sebeza ku luna ki a komokisa luli. A bonisizwe ki Mulimu muta a zusa Kreste kwa bafu, mi a mu inisa ku la bulyo la hae mwa mabaka a kwa lihalimu. Koo, Kreste u busa fahalimw'a babusi, milonga, maata, malena ni mabizo kamukana a ka bizwa ka ona, isi mwa lifasi le feela, kono ni ku le li sa taha.

Kakuli lifasi li si ka eziwa kale, Mulimu n'a s'a iketezi luna kuli lu be ba hae ka Kreste, ni kuli lu be ba ba kenile, ba ba si na mulatu, fapil'a hae. Kabakala lilato la hae, Mulimu n'a lelile kale ku lu kutiseza ku yena, sina bana ba hae, ka Jesu Kreste. U ezize cwalo kakuli ki mw'a n'a latela.

Kakuli ka lifu la Kreste lu lukuluzwi, mi libi za luna li swalezwi. Mulimu u lu bonisize cwalo butuna bwa sishemo sa hae

Ku lumbwe Mulimu, Ndat'ahe Mulen'a luna Jesu Kreste! Mwa kopano ye lu na ni yona ka Kreste, Mulimu u lu tohonolofalize ka ku lu fa limpo kaufela za moya mwa lihalimu.