Папулярныя біблейскія вершы з Va le Kolosi 3

Падзяліцца

Honiselanani ni ku tsetselelana; loku munhu a hi ni xisolo ka munwani, kota lezi Hosi yi nga mu tsetselela, nwinawu mahani zalezo.

Alakanyani a zilo za le hehla, na ku nga hi zilo za laha misaveni.

Kani hi xihi lexi mu xi mahako, xi maheni hi mbilu; khwatsi hi loku mu tirela Hosi, na ku nga hi vanhu.

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu.

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena.

A hehla ka zontlhe lezo, ambalani liranzo, leli li nga xiboho xa kumbhelela.

Zonake loku mu vukile zinwe na Kristu, ngha mu hlota a zilo lezi zi nga le hehla, laho Kristu a nga kona, na tshamile hi le reveni ga xinene ga Nungungulu.

Ngha na kurula ka Kristu ku fuma timbilwini ta nwina, loku mu vitaneleko kona mirini munwe; kambe muva ni kubonga.

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso

Hakuva mu file, ni kuhanya ka nwina ku fihlilwe zinwe na Kristu ka Nungungulu.

Kanilezi makunu tsikani zontlhe lezi: a zanga, ni khulo; ni mona, ni kulumbeta, ni kuwulawula ko nyenyeza.

Mu nga hembelani mawunwa, kota lezi mu runzuwuleko a munhu wa kale ni zimaho zakwe, na mu ambele a munhu muswa, loyi a mahiwako luswa a kutiveni, lezaku a fanana na yena loyi a nga mu vanga.

Vavanuna, ranzani vasati va nwina, mu nga va maheli timbiti.

Vanana, ingisani a vapswali va nwina zilweni zontlhe, hakuva lezo za xalalisa Hosi.

Vavasati, ingisani a vanuna va nwina, kota lezi zi faneleko Hosini.