Папулярныя біблейскія вершы з Va le Kolosi 2

Падзяліцца

Hikwalaho khwatsi hilezi mu nga amukela Kristu Jesu a Hosi, fambisani zalezo ka yena, mu zima mitsu ka yena, ni ku akiwa ka yena, mu tiyiswa kukholweni, kota lezi mu nga gonziswa, mu tala hi ku bonga Nungungulu.

Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu.

Na nwina lava mu nga file hi kota ya zihambuko za nwina ni wukhuna ga nyama ya nwina, i lo mu vuxa zinwe naye; na a tsetselela zihambuko zontlhe za hina. I lo vinya a papilo ga milanzu, legi gi nga hi kecara hi zileletelo za gona; i gi susile hi ku gi belela xihambanweni.

Hakuva a kutala kontlhe ka wuNungungulu ku tshamile ka yena hi miri. Ka yena mu avelwe a kutala loku, yena loyi a nga hloko ya vafumeli vontlhe va mimoya ni mintamu.

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; lezi zi nga xiruti xa zilo lezi zi ta ngata; kanilezi a miri wa zona hi Kristu.