Папулярныя біблейскія вершы з ROMA 13

Падзяліцца

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

Ugunda yokaʾ-yokaʾ bol lonaʾ ara hyak mem. Bok ugunda yok nang eb wanaʾ uldalalulum. Wera anasa heknedya alaʾ nim ak wanaʾ ulusil dara, alda Yahudi nim emba unuwanalum an yuba beknaʾ sunuwoka unulamla.

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

Ban wanaʾ unaʾ ara nim ak ara malya nenewounun senenggulusil. Anasa, wanaʾ unaʾ ara unuwanalum an yub ak gigiwokaʾ ak ulumla.

Anasa anda nidyaʾ yok nang ek anja deklemnelamnya nera, yokaʾ amba leboka dololanya bek, wera yokaʾ amba leboka deknaʾ benyek an deklelom. Mok soko amba dara, mok soko amba donaʾ geknewanalanya bek an deklemnelam. Lok ganya bonaʾ amba dara, lok ganya bonaʾ geknewanalanya bek deklemnelam. Gibnaʾ amba dara, gibnaʾ amba donaʾ geknewanalanya bek eleklemnelam.