Папулярныя біблейскія вершы з ROMA 12

Падзяліцца

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

Ugunda yu malya unaʾ adya oblamageisilyek, bok yu malya unaʾ ara perobnya ununaʾ adya oblamagoululum!

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

Hem yabo nadya wanaʾ ulusin nang o, ugunda numbabya nunja diriganamab aboka mel-mel anggom, alda, diriknaʾ ak sam ara nadyaʾ memelamna ak ulumla, aro momnya dobokaʾ ulumla anasa, Imik Neyung adya waboka uruma dogom anaʾ ak eleganalum. Imik Neyung yub wenyalamlaʾ ara, na adya ambabya lunuwanalam aboka yeiriwanamna alamla.

Anjaʾ yeng ganya era hmenga dalyek, alda anja ganya era laga senedyaʾ boloklamlyekanya, Imik Neyung ak welelom.

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

Yunya nera onoʾ yunya nedya dirigildanggom, mem. Alda nimi nidyaʾ ak ara, perobnya nenyek unuldalalulum!

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

Bok anja isaʾanya bera gwaneng ok ubnamla dara, gwaneng ak elegalom; alda mek ok ubnamla dara, mek ak elegalom. Ban unuwomun adya, uk dok ara alja hukuk beillililum.

Heknedya anak lobaʾ nenewoka olonggelnya bek ara perobaʾ lelelom, perobaʾ lelemenekanya, saawoka wonaʾ dangoka si leblul anaʾ ara mem! Eiya ganya bolomeija nang eb dara, neikaʾ eiya hlalalulum, bok engelemeija nang eb dara, neikaʾ engelelulum!

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

Dara, nunja ban hnonok nongok ara si yok-yok silimak, bok an si yok-yok silimakaʾ ara neik wa nek wenggulumak. Dara numbabya neikik, hyak gong bok, Kristus lomok ara hnonok nong ok ulumab, bok nunda yok-yok si silisak ara be hnonja bedya nong era onoʾ yoknya bedyaʾ amba ulumab.