Папулярныя біблейскія вершы з Markus 7

Падзяліцца

Aka' mengkalao yaling di inahanna tau sohong pihki' karake, sinnoanna: samangkamahoinna, maboko, papateang, ungngindä'-indä' pa'bannetauang, mantahongkongngi, pakahiri', ma'bulitu', ma'pihki' tahuhu, ma'sinuhung, untändä' tahuhu tau senga', ungngangka'-angka' kalaena, makahha' bää'. Ingkänna inde kakarakeang sohong yaling mai di inaha, dianto ang ungkärähko'i tau.”

Dai aha mesa ang di aneang ang napatama di bätäng kalaena tau ang la mangkärähko'i. Ampo' supung ang sohong yaling mai di kalaena tau ang si mangkärähko'i.

Nakeaha'ing Puang Yesus, naoaintee, ”O to kalasi, tahpa' si'da ang naoa Nabi Yesaya didiomua'. Sinnoa ang tiuki' ang naoatee, ‘Ingkänna inde mai tau tula'na kale anna dioaitee napamatandeä', ampo' yaling di inahanna nakahaoiä' nei'.

Alla' sika napenombaiä' aka' pepakuhu ang sika napake dianto pepakuhunna hupatau, tadia pepakuhungku.’ ”

Napatahhi'ke' tula'na, naoatee, ”Kapahentaanna Puang Alataala undotaingnga'ne' umpellei anna untuhu'i liukoa' ada' hupatau. Inang manähäng liukoa' umpengkebo'i Kapahentaanna Puang Alataala anna untuhu'ikoa' pepakuhummu toboua' dio.