Папулярныя біблейскія вершы з Markus 6

Падзяліцца

Donetoo mai'di tau sisula'-sula' lambi' Puang Yesus sibaha pahsikolana dakaleng hali mande. Lambi' ma'karang Puang Yesus pano di pahsikolana, naoatee, ”Maimokoa' talao bete' di ongeang mahulla-hulla aka' dia supu la mala diongei ma'lao mesa anna malakoa' mehile sämpäi'.”

Sika napa'karaing Puang Yesus naoaintee, ”Mesa nabi moi umba naongei dipakeangka' toi, ampo' supung ke di haoi di bohtona toboe', bahtu' yaling di hapunna toboe' sibaha solasohonna anna dai dipakeangka'.”

Tahpana tuhung Puang Yesus yaho mai di lopi, tahpa ungngitang yato tau mai'di. Ya' kende'mi pa'kalemu yaling di inahanna pano yato diii, aka' sika sinnoa domba ang dai aha to pangkambi'na. Dianto anna ma'kahupa-hupang pepakuhu napakuhuing.

Daine' mala umbabe ang mepusa'-pusa' ke di hao toboine' di bohtona; supung unsahpa sangngaka-sangngaka to makorong anna malai bono'. Nakapusa'i Puang Yesus aka' sika dai mampetahpa'. Pihsananna le'ba'mi Puang Yesus sibaha pahsikolana ullelengngi bohto-bohto anna mampakuhui.

Pihsananna naalang Puang Yesus yato lima roti anna derua bau, mane mentongai dai' di langi' menge siang umpalau behe dai' di Puang Alataala. Puhai yatoo, mane umbika-bikai yato roti sibaha umbose'-bose' bau, mane nabeai pano di pahsikolana nasusaing pano yato di tau mai'di. Ingkänna yato tau ang aha donetoo mampebohoi asang. Pihsananna nahimpung salang pahsikolana yato la'binna ang dang napuha tau. Ya' ke punno salake'ne' sampulo derua baki.