Папулярныя біблейскія вершы з OBUCHACHILO 28

Падзяліцца

Isie endi halala ninawe, ne ndalakhulindanga hosi hosi aha otsia, nende okhukhukalusia mushialo shino, okhuba shindilikhulekha ta, okhuula olwa ndiliba nikhukholeele koosi aka ndakhakhusuubisia.”

Khandi OMWAMI Nyasaye yali nasinjiile hekulu weingaasi eyo, naboolanga ari, “Nisie Nyasaye wa Aburahamu khandi Nyasaye wa papawo Isaka. Ndalakhuhelesia iwe nende abolwibulolwo eshialo shia wiyalisiiyemwo shino.

Mana Yakobo nabuukha ne naboola ari, “Toto mwene OMWAMI Nyasaye ali habundu hano, nasi shiemanyilenjekhwo ta.”

Mana Yakobo niyetsuba naboolela OMWAMI Nyasaye ari, “Noba ninasi halala, niuniinda khuluchendo lwenziakhwo luno, niumbelesia ebiokhulia nende tsingubo tsiokhwifwala, khandi noba niunjelesia ingo wa papa wanje mumulembe, kho, olaba noli Nyasaye wanje. Ne lichina lieshiitsulilo lierecheeshe okhuba isiilo lino, lilaba Ihekalu yokhukhwinamilamwo iwe, nasi ndalakhuhelesia eshitonye shielikhumi okhurula khubindu biosi ebia olambelesinjia.”

Ne olwibulolwo lwakhabe olunji shinga olufu lwokhushialo, khandi wakhalaandaale nosalaana okhuula mutsimbeka tsieshialo tsiosi. Mana okhubirira mwiwe nende mulwibulolwo, tsinzibulo tsiokhushialo tsiosi tsiakhanyoole tsikhabi.

Yakobo nakulikha habundu tsana mbu, “Betseli,” nebutswa eliira lielitookho elo olwambeli lialangungwa mbu, “Luzi.”