Папулярныя біблейскія вершы з OBUCHACHILO 27

Падзяліцца

Nyasaye akhwamilie tsikhabi shinga liime liomwikulu, khandi akhuhelesie emikunda nakhuhelesia imele neidivai inyinji. Esaaya mbu, tsimbia tsiabandu tsikhukhalabanile, khandi amahanga kandi kakhwinamile iwe. Obe omwami wabasiani benywe, khandi abaana abasiani ba mamawo bakhwinamile iwe. Abakhulaamila eshilaamo shiobubi basiushilwe, nabo abakhulaamila tsikhabi boosi banyoole tsikhabi.”

Esau naye nakalusia naboola ari, “Nakatoto yakulikhwa habwene mbu, Yakobo, eshisina mbu, omukaati, shichila wayangaatiye khabili khosi. Olwambeli, yangaatia nabukula obukhulundu bwanje, khandi bulano lola, yakhabukula tsikhabi tsianje.” Mana nareeba samwana ari “Nasi shiundesheelekhwo ikhabi yosi yosi ta?”

Mana Isaka namukalusia naboola ari, “Olamenya khulwa amaani kolukangalwo khandi olamenya ahale khu biamo bielime liomwikulu. Olamenya obulamubwo khulwa okhwira nende okhunuula abandu ebindu, khandi wakhabe omukhalabani womusiani wenywe. Nebutswa lwolikhaya okhuhulila akeke, nolwa olirula muburuchibwe.”

Esau natsiililila okhusaaya samwana ari, “Papa, shiokhalikhwo kata neikhabi ndala yonyene wambakhwo ta?” Mana Esau nachinguula omwoyokwe niyekhuula obutinyu.