Папулярныя біблейскія вершы з OKHURULA 7

Падзяліцца

Mana OMWAMI Nyasaye naboolela Musa ari, “Isie ndalakhukhola obe shinga Nyasaye khumuruchi wa Misiri, naye omusiani wenywe Haroni alaba omulakusiwo.

Nebutswa ndalakhola omwoyo kwomuruchi okhuba omutinyu, ne kata olwa ndalameeta okhukhola ebilolelo nende akamakana kanje mushialo shia Misiri, Omuruchi shialakhuhulila iwe ta. Mana ndalareera eshinyasio khubandu ba Misiri nende okhurusia emikanda chiabandu banje, abaana ba Isiraeli okhurula Misiri. Ndalabarusiayo khulwa okhuhelesia Abamisiri eshinyasio eshikhongo.

Ne olwa ndalanyiila omukhono kwanje nekhupa Abamisiri, mana erusie Abaisiraeli mushialo shia Abamisiri, nolwa balamanya mbu, nisie OMWAMI Nyasaye.”

Naye omuruchi wa Misiri yesi nalanga abalakusibe bobuchesi nende abafumube. Nabo boosi nibekhoonyela obuchesi bwabwe bwamaasiliisi nibakhola amakhuwa malala ako. Mana boosi nibafuuba tsindabushi tsiabwe hasi, natsio nitsikwa tsinzokha. Nebutswa indabushi ya Haroni, eyali niyikwile okuyokha eyo yamila tsindabushi tsia Abamisiri, etsiali nitsikwile tsinzokha etsio tsiosi.

Khulweshio OMWAMI Nyasaye aboola mbu, ndalakhupa amaatsi komwalo kwa Naili nende indabushi eyili mumukhono kwanje yino, mana amaatsi ako kalakwa amatsayi, nolwa olamanya mbu, ye niye OMWAMI Nyasaye.

“Olwa omuruchi wa Misiri alamuboolela ari, ‘Manyiekhwo khulwa okhukhola akamakana toto nimuba nimurumilwe nende OMWAMI Nyasaye,’ iwe Musa oboolele Haroni ori, ‘Bukula indabushiyo mana ochifuube imbeli womuruchi ikalukhane ikwe inzokha.’ ” Kho Musa nende Haroni nibatsia ewomuruchi wa Misiri, ne nibakhola shinga olwa OMWAMI Nyasaye yali nabalachilisiye mbu bakhole. Haroni nafuuba indabushiye hasi imbeli womuruchi halala nabakhongobe. Mana indabushi eyo niyikwa inzokha.