Папулярныя біблейскія вершы з Mjir Rom 13

Падзяліцца

Amma ka giri hatə Mthlaku Yesu Kristi, tsuwa giri aɗiya psi laku aka dza giri ka tsa mzhi kuri nggukayeri arni wa.

Giri aɗiya ndzi ka təmbələr wama ata kəra giri wa, tar təmbələr hir nvwa giri daci. Kamnyar kəlara mdə na akwa hir ntəwulərni, tsa ku ɓəlatə tsawu ni.

Ka kəlara mdə kələngkər aka mji na ol'ola akwa kuthlikur, kamnyar kuthlikur aɗi na kula Hyel an vəi wa. Kamnyar shanga mjir kuthlikur na aɗi ni Hyel an putə ɗa.

Viri abaka kura, pci abaka səɓəla. Antə mbura zhar hara suayeri na ar kuthlu, ka mburu fatə kari mpayeri na ar parakəu.

Kamnyar hirkur aɗi ana ɓzamtə su aka ntəwulərni wa. Antə apani hirkur an ɓəlatə tsawu ni.

Antə ka giri ntəmta aka kəlara mdə su tə tsa akwa nu giri. Ka giri ntəmta tsəma aka mjir dlu tsəma, ka hamta janggal aka mjir dlu janggal, ka giri na səli aka mji tə kalkal ka mdə na ɗa səli, ka na olkur aka mji tə kalkal ka mdə na ɗa olkur.