Папулярныя біблейскія вершы з Mjir Rom 12

Падзяліцца

Giri aɗiya nu surharar mjir duniya ngəni wa, amma zhari ka Hyel an pali giri ka giri ndzi mji bilən atar pali lakur dzamər giri. Apani antə giri ata mzhi nggaɓəla su tə Hyel akwa bara ka giri hara, na an su na ɓɗaku, na ata kəskərari, akwa laku na ciɗəɗu.

I akwa kiɗə kəra giri, maɗaməma, apatə Hyel ku kətadzə mburu ni, abbər ka giri hamta kəra giri apa saɗaka na ka mpika, na ɓɗakkarkara, na ata kəskəra Hyel. Kamnyar ngəni an laku na kalkal tə giri ata mzhi vəngkər səli aka Hyel akwa.

Ka giri hara kucali akwa su tə gə vəkər kəgari, ka giri nggitə bwani, ka giri hara adduwa tədəku.

Giri aɗiya zhari ka ɗimikur nggyari giri wa, amma ka giri nggyari ɗimikur ka ɓɗakkur.

Ka giri hamta kər giri kamnyar hir nvwa giri ka jili hirdzər maɗaməmakur. Ka waskəi bara təramta nvwani akwa nar olkur aka nvwani.

Ma gə hir mda, ka gə hir ni ka jirkur. Ka gə nggəlar shanga su na ɗimi, ka gə bartə kəlara su na ɓɗaku.

Ka giri hara su tə giri amzha, ma ahara, kamnyar ka giri ndzi lapiya ka shanga mji.

Mjir yeru, giri aɗiya ntə dawakur ka giri sur giri wa, zhar giri aka Hyel ka tsa an ntəmta ala giri akwa ɗəffə bwarbwarkurərni. Kamnyar kakaɗər Hyel ku pəla, “Ntə dawa an arna, antə I ata ntəmta su tə da hara ni,” ndə Mthlaku.

Giri aɗiya mtathlidzi wa, amma ka giri hara su ka ufti, ka hara kəthlər aka Mthlaku ka ɗəffa gə shang.

Kamnyar ɓɗakkur tə Hyel hara ali ka ni cauta na ar mambəla, antə I akwa tsaktə kəlara pal akwa nca giri abbər giri aɗiya namtə kər giri olta laku tə giri akwa wa. Amma ka waskəi ngkahə kərni ka dzam na kalkalari, kalkal ka olkur hamta jiri tə Hyel na alari.

Giri aɗiya ntə ɗimikur ka ɗimikur wa, amma ka giri dzama ka hara su natə shanga mji ata wul giri ka daraja.

Ka giri ndzi akwa nggaɓəladzi kəga nvwa giri. Giri aɗiya ndzi ka ɗəffər olkur wa, amma ka giri mwa kəga mji tə mdə namtə ɗa apa da aɗi suma wa. Giri aɗiya namtə kər giri apa giri ku təramta mambila mji ka ɗəɗukur wa.

Kakaɗər Hyel jaktə pəla abbər, “Ma dawar nga ka mi, ka gə na alari susəma, ma tsa ka thləli, ka gə na alari sur sa, kamnyar atar hara apani antə ga ata vu ni akwa səli na ata mba ɗəffari apa hakthlir u'u.”

Ka giri vədza barka aka mji na akwa hara bwani ala giri. Ka giri vədza ala ɗa barka, giri aɗiya shuwumta ɗa wa. Ka giri hara kucali ata kəma duku kəga mji na akwa kucali, ka tuwa ata kəma duku kəga mji na akwa tuwa.

Ka giri hamta dlarər giri aka mjir Hyel na akwa tura, ka giri dlu mətəpi ka kucali akwa kəyir giri.

Kamnyar mburu ka bwayeri hang akwa dza duku, tsuwa kəlara bwa ka kəthlərərni zum ta nvwani. Apani tsuwa wala tə mburu hang ni, mburu an dza duku akwa Kristi, tsuwa kəlara pal akwa nca mburu an bwar dza nvwani.