Папулярныя біблейскія вершы з ESOTO 17

Падзяліцца

A sii i luga e Mose lona lima, ona malo atu ai lea o Isaraelu; a tuu foi i lalo lona lima, ona malo mai ai lea o Amaleka. Sa mamafa lima o Mose, ona la ave lea o le maa, ma tuu ai i ona lalo, ona tietie ai lea o ia; a o Arona ma Huro na la taofi i luga ona lima, o le tasi i lea itu, ma le tasi i lea itu; ua mau ai ona lima ina seia goto le la.

Faauta, ou te tu ai i ou luma i luga o le papa i Horepa; e te taia le papa, ona puna mai ai lea o le vai, e feinu ai le nuu. Ona faapea lea ona faia e Mose i luma o teoaina o Isaraelu. Ua ia faaigoa foi lea mea o Mase, i le ma Meripa, ona o le finau o le fanauga a Isaraelu, ma lo latou tofotofo ia Ieova, o loo faapea ane, Ua ia i tatou ea Ieova, pe leai?