Папулярныя біблейскія вершы з ESOTO 16

Падзяліцца

Ua fai atu foi le fanauga a Isaraelu ia te i laua, E! Ana oti i matou i le aao o Ieova i le nuu o Aikupito, ao matou nonofo latalata i ulo e tunu ai tufaaga, na matou aai foi le mea e ‘ai ma maoona ai; auā ua oulua aumai i matou i lenei vao ina ia fasiotia lenei faapotopotoga atoa uma i le fia‘ai. Ona fetalai mai lea o Ieova ia Mose, Faauta, ou te faatotōina ifo le mea e ‘ai mai le lagi mā outou, e o atu foi le nuu ma latou faaputuina, o le aso ma ana mea e tusa ai; ina ia ou tofotofo ai ia te i latou, pe latou te savavali i la‘u tulafono pe leai.

Ona muimui lea o le faapotopotoga atoa uma o le fanauga a Isaraelu ia Mose ma Arona i le vao.

Ua fai atu foi Mose, A afiafi e foai mai ai e Ieova ia te outou o manu tou te aai ai, o le taeao foi e foai mai ai le mea e ‘ai tou te maoona ai lava; ina ua faafofogaina e Ieova lo outou muimui tou te muimui ai ia te ia; auā o ai ea i maua nei? E le o i maua, a o Ieova tou te muimui i ai.

ua faapea mai, Ua ou faalogo i le muimui o le fanauga a Isaraelu; ina fai atu ia ia te i latou, ia faapea atu, O le afiafi tou te aai ai manu, o le taeao foi tou te maoona ai i le mea e ‘ai, i le tou te iloa ai, o a‘u lava o Ieova lo outou Atua.