Папулярныя біблейскія вершы з Y-Luk 10

Падзяліцца

Nĕ anei, Kâo brei leh kơ diih klei dưi juă ala leh anăn aguăt, leh anăn mâo klei dưi hŏng jih klei myang pô roh; leh anăn amâo mâo sa mnơ̆ng dưi ngă jhat kơ diih ôh.

Ƀiădah Khua Yang lŏ wĭt lač kơ gơ̆, “Ơ H'Mart, H'Mart! Ih ênguôt leh anăn rŭng răng kyua lu klei. Mâo sa klei jăk hĭn. H'Mari ruah mă leh klei anăn, leh anăn arăng amâo srăng sua mă mơ̆ng gơ̆ ôh.”

Ñu lŏ wĭt lač, “Brei ih khăp kơ Khua Yang Aê Diê ih hŏng jih ai tiê, hŏng jih mngăt, hŏng jih klei ktang, leh anăn hŏng jih klei mĭn; leh anăn khăp kơ pô riêng gah ih msĕ si kơ ih pô.”

Ñu lač kơ digơ̆, “Mâo lu mdiê ksă, ƀiădah mâo ƀiă phung wiă. Snăn akâo bĕ kơ Khua pô hma brei tiŏ nao phung mă bruă srăng nao wiă.

Hlei hlăm phung tlâo čô anăn ih mĭn jing pô riêng gah kơ êkei tuôm hŏng phung knĕ anăn?” Khua klei bhiăn lŏ wĭt lač, “Pô bi êdah leh klei pap kơ gơ̆ yơh.” Leh anăn Yêsu lač kơ ñu, “Nao bĕ ih leh anăn ngă msĕ.”

Nao bĕ, nĕ anei Kâo tiŏ nao diih msĕ si êđai biăp ti krah asâo tan.