على التوازي
3
حەزرەتی یەحیا
1هەر لەو ڕۆژانەدا، یەحیای لەئاوهەڵكێش#3‏:1 یەحیا بەم نازناوە ناسراوە بەهۆی ئەوەی كە لە ڕووباری ئوردون ئەو خەڵكەی لە ئاو هەڵدەكێشا كە تۆبەیان دەكرد. لە دەشتی یەهودیا دەركەوت و پەیامی خودای ڕادەگەیاند، 2دەیگوت: «تۆبە بكەن، چونكە پاشایەتی ئاسمان نزیك بووەتەوە.» 3ئەمەش ئەوەیە كە لە ڕێگەی پێغەمبەر ئیشایاوە دەربارەی گوتراوە:
[كەسێك لە چۆڵەوانی هاوار دەكات و دەڵێت:
«ڕێگا بۆ هاتنی یەزدان ئامادە بكەن،
ڕێچكەكانی بۆ ڕێكبخەن.»]#3‏:3 ئیشایا 40‏:3‏‏
4جلوبەرگی یەحیا لە مووی وشتر بوو، پشتێنێكی چەرمیشی لە كەمەری دەبەست، خواردنیشی كوللە و هەنگوینی كێوی بوو. 5ئیتر خەڵكی ئۆرشەلیم و تەواوی یەهودیا و هەموو ناوچەكانی دەوروبەری ڕووباری ئوردون هاتنە لای، 6لەسەر دەستی ئەو لە ڕووباری ئوردون لە ئاو هەڵدەكێشران و دانیان بە گوناهەكانیاندا دەنا.
7كە بینی زۆر لە فەریسی#3‏:7 یان پەرەشین، مەزەبێكی جولەكە بوون، لە بەجێگەیاندنی تەورات توندڕەو بوون. و سەدوقی#3‏:7 مەزەبێكی جولەكە بوون كە زۆربەیان كاهین بوون، باوەڕیان بە فریشتە و هەستانەوە نەبوو. بۆ لەئاوهەڵكێشانەكەی#3‏:7 یۆنانی: باپتسمە، بە واتای شوشتن دێت بۆ پاكبوونەوە لە گوناە، وەك (بسمیلكردن). دێن، پێی گوتن: «ئەی بێچووە ماران، كێ ئاگاداری كردوونەتەوە لە دەست تووڕەیی داهاتوو هەڵبێن؟ 8با بەرهەمێكتان هەبێت لە تۆبەكردن بوەشێتەوە. 9پێتان وا نەبێت دەتوانن بەخۆتان بڵێن: ”ئیبراهیم باوكمانە.“ پێتان دەڵێم، خودا دەتوانێت لەم بەردانە نەوە بۆ ئیبراهیم دروستبكات. 10ئەوەتا تەور خراوەتە سەر ڕەگی دار، هەر دارێك بەرهەمی باش نەدات، دەبڕدرێتەوە و فڕێدەدرێتە ناو ئاگرەوە.
11«من بۆ تۆبەكردن لە ئاوتان هەڵدەكێشم، بەڵام ئەوەی لەدوای من دێت، لە من بەتواناترە، شایانی ئەوە نیم پێڵاوەكانی بۆ هەڵبگرم. ئەو لە ڕۆحی پیرۆز و لە ئاگرتان هەڵدەكێشێت#3‏:11 بە واتای شوشتن دێت بۆ پاكبوونەوە لە گوناە بەهۆی ڕۆحی پیرۆز.. 12شەنی بەدەستەوەیە بۆ پاككردنەوەی جۆخینەكەی#3‏:12 جۆخین یان سەرخەرمان ئەو زەوییە تەرخانكراوەیە كە لەلایەن وەرزێر و جوتیارەوە بەكارهێنراوە بۆ كوتانی دانەوێڵە لەسەری لەدوای كۆكردنەوەی لە كێڵگە.، گەنمەكە لە ئەمباردا كۆدەكاتەوە و قەسەڵەكەش#3‏:12 قەسەڵ لاسكە وشكەكەیە كە دوای دروێنە دەمێنێتەوە، كاتێك قەسەڵەكە دەكوترێت دەبێت بە كا. بە ئاگرێكی نەكوژاوە دەسووتێنێت.»
لەئاوهەڵكێشانی عیسا
13ئینجا عیسا لە جەلیلەوە هاتە ئوردون، تاكو لەسەر دەستی یەحیا لە ئاو هەڵبكێشرێت. 14بەڵام یەحیا دەیویست ڕایگرێت و دەیگوت: «من پێویستیم بەوەیە لەسەر دەستی تۆ لە ئاو هەڵبكێشرێم، كەچی تۆ دێیت بۆ لای من؟»
15عیساش وەڵامی دایەوە: «ئێستا ڕێگا بدە، چونكە ئاوا لە ئێمە دەوەشێتەوە هەتا هەموو ڕاستودروستییەك#3‏:15 مەبەست ئەوەیە كە دەبێت هەموو شتێك بەگوێرەی خواستی خودا پەیڕەو بكرێت. تەواو بكەین.» ئینجا ڕێی دا.
16كاتێك عیسا لە ئاو هەڵكێشرا، دەستبەجێ لە ئاوەكە هەستایەوە. ئەوە بوو ئاسمانی بۆ كرایەوە و بینی ڕۆحی خودا وەك كۆترێك نیشتەوە و هاتە سەری. 17دەنگێكیش لە ئاسمانەوە فەرمووی: «ئەمە كوڕی خۆشەویستمە، ئەوەی زۆر پێی دڵشادم.»