على التوازي
2
مۆغه‌كان سه‌ردانی مه‌سیح ده‌كه‌ن
1له‌دوای له‌دایكبوونی عیسا له‌ بێت‌له‌حمی یه‌هودیا#2‏:1 له‌ په‌یمانی كۆن ناوی یه‌هودا بووه‌.، له‌ سه‌رده‌می شا هێرۆدس#2‏:1 شا هێرۆدس: هێرۆدسی گه‌وره‌ له‌ 37‏–4 پ. ز. پاشای یه‌هودیا بوو.، هه‌ندێك مۆغ#2‏:1 به‌ زمانی یۆنانی پێی ده‌گوترێت مه‌غۆس. مۆغان پیاوانی ئایینی زه‌رده‌شتی بوون كه‌ ئه‌ستێره‌ناسیش بوون. له‌ ڕۆژهه‌ڵاته‌وه‌ هاتنه‌ ئۆرشه‌لیم، 2پرسییان: «كوا ئه‌وه‌ی له‌دایك بووه‌ كه‌ پاشای جوله‌كه‌یه‌؟ له‌ ڕۆژهه‌ڵاته‌وه‌ ئه‌ستێره‌ی ئه‌ومان بینی، هاتووین كڕنۆشی بۆ ببه‌ین.»
3كاتێك شا هێرۆدس ئه‌مه‌ی بیست، په‌شۆكا و هه‌موو خه‌ڵكی ئۆرشه‌لیم له‌گه‌ڵی په‌شۆكان. 4هه‌موو كاهینانی#2‏:4 كاهین: پیاوێكی ئایینی جوله‌كه‌یه‌ كه‌ هه‌ڵده‌ستێ به‌ ئه‌ركی قوربانی كردن له‌ناو په‌رستگا و فێركردنی خه‌ڵك. باڵا و مامۆستایانی ته‌وراتی#2‏:4 مالم. گه‌لی كۆكرده‌وه‌، لێی پرسین: «مه‌سیح له‌كوێ له‌ دایك ده‌بێت؟» 5وه‌ڵامیان دایه‌وه‌: «له‌ بێت‌له‌حم له‌ یه‌هودیا، چونكه‌ له‌ ڕێی پێغه‌مبه‌ره‌كه‌وه‌#2‏:5 مه‌به‌ست له‌ پێغه‌مبه‌ر میخایه‌. ئاوای نووسیوه‌:
6«[به‌ڵام تۆ ئه‌ی بێت‌له‌حمی خاكی یه‌هودا،
كه‌متر نیت له‌ فه‌رمانڕه‌واكانی یه‌هودا،
چونكه‌ له‌ تۆوه‌ فه‌رمانڕه‌وایه‌ك ده‌رده‌كه‌وێت،
شوانایه‌تی گه‌لی ئیسرائیلم ده‌كات.]#2‏:6 میخا 5‏:2‏‏»
7هێرۆدسیش به‌ نهێنی مۆغه‌كانی بانگكرد و له‌باره‌ی كاتی ده‌ركه‌وتنی ئه‌ستێره‌كه‌ لێكۆڵینه‌وه‌ی له‌گه‌ڵ كردن. 8ئینجا بۆ بێت‌له‌حمی ناردن و پێی گوتن: «بڕۆن و به‌ وردی به‌دوای منداڵه‌كه‌دا بگه‌ڕێن. كاتێك دۆزیتانه‌وه‌ هه‌واڵم بده‌نێ، تاكو منیش بێم و كڕنۆشی بۆ ببه‌م.»
9له‌دوای ئه‌وه‌ی گوێبیستی پاشا بوون، ڕۆیشتن، ئه‌ستێره‌كه‌ی له‌ ڕۆژهه‌ڵات بینیبوویان، پێشیان كه‌وت هه‌تا له‌سه‌ر ئه‌و شوێنه‌ی منداڵه‌كه‌ی لێبوو ڕاوه‌ستا. 10به‌ بینینی ئه‌ستێره‌كه‌ زۆر شادمان بوون، 11چوونه‌ ماڵه‌كه‌، منداڵه‌كه‌یان له‌گه‌ڵ مریه‌می دایكی بینی، دانه‌وین و كڕنۆشیان بۆ برد و گه‌نجینه‌كانیان كرده‌وه‌، زێڕ و بخوور و موڕیان#2‏:11 موڕ: به‌كارده‌هێنرا له‌ ئاماده‌كردنی ته‌رم بۆ ناشتن، بڕوانه‌ یۆحه‌نا 19‏:39‏‏. به‌ دیاری پێشكه‌ش كرد. 12ئینجا خودا له‌ خه‌وندا مۆغه‌كانی ئاگادار كرده‌وه‌ كه‌ نه‌گه‌ڕێنه‌وه‌ لای هێرۆدس، ئه‌وانیش به‌ ڕێگایه‌كی دیكه‌دا گه‌ڕانه‌وه‌ وڵاتی خۆیان.
هه‌ڵاتن به‌ره‌و میسر
13كه‌ ڕۆیشتن، فریشته‌یه‌كی یه‌زدان هاته‌ خه‌ونی یوسف و گوتی: «هه‌سته‌ منداڵه‌كه‌ و دایكی ببه‌ و ڕاكه‌ بۆ میسر. له‌وێ بمێنه‌وه‌ هه‌تا پێت ده‌ڵێم، چونكه‌ هێرۆدس خه‌ریكه‌ به‌ شوێن منداڵه‌كه‌دا ده‌گه‌ڕێت، بۆ ئه‌وه‌ی بیكوژێت.» 14ئه‌ویش هه‌ستا و له‌ شه‌ودا منداڵه‌كه‌ و دایكی برد و به‌ره‌و میسر ڕۆیشت. 15هه‌تا مردنی هێرۆدس له‌وێ مایه‌وه‌، هه‌تا ئه‌وه‌ی یه‌زدان له‌ ڕێگه‌ی پێغه‌مبه‌ره‌كه‌وه‌#2‏:15 مه‌به‌ست له‌ پێغه‌مبه‌ر هۆشه‌عه‌. فه‌رموویه‌تی بێته‌ دی، كه‌ ده‌فه‌رموێ: [له‌ میسره‌وه‌ بانگی كوڕه‌كه‌ی خۆمم كرد.]#2‏:15 هۆشه‌ع 11‏:1‏‏.
16كاتێك هێرۆدس زانی مۆغه‌كان فریویان داوه‌، زۆر تووڕه‌ بوو. به‌گوێره‌ی ئه‌و كاته‌ی له‌ مۆغه‌كانه‌وه‌ لێی كۆڵیبووه‌وه‌، ناردی و هه‌موو كوڕێكی ته‌مه‌ن دوو ساڵ به‌ره‌و خوارتر له‌ بێت‌له‌حم و ده‌وروبه‌ری كوشت. 17ئینجا ئه‌وه‌ی له‌ ڕێگه‌ی پێغه‌مبه‌ر یه‌رمیا گوترابوو هاته‌ دی:
18[ده‌نگێك له‌ ڕامه‌وه‌ بیسترا،
گریان و شیوه‌نێكی گه‌وره‌،
ڕاحێل#2‏:18 ڕاحێل یه‌كێكه‌ له‌ ژنه‌كانی حه‌زره‌تی یاقوب، دایكی یوسف و بنیامینه‌، لێره‌دا هێمایه‌ بۆ دایكه‌ بنیامینییه‌كان. بۆ منداڵه‌كانی ده‌گریێت،
ڕازی نییه‌ دڵنه‌وایی بكرێت،
چونكه‌ نه‌ماون.]#2‏:18 یه‌رمیا 31‏:15‏‏
گه‌ڕانه‌وه‌ بۆ شاری ناسیره‌
19كاتێك هێرۆدس مرد، فریشته‌یه‌كی یه‌زدان له‌ میسر هاته‌ خه‌ونی یوسف و 20گوتی: «هه‌سته‌، منداڵه‌كه‌ و دایكی ببه‌ و بڕۆ بۆ خاكی ئیسرائیل، چونكه‌ ئه‌وانه‌ی بۆ ژیانی منداڵه‌كه‌ ده‌گه‌ڕان مردن.»
21ئه‌ویش هه‌ستا، منداڵه‌كه‌ و دایكی برد و گه‌ڕایه‌وه‌ خاكی ئیسرائیل. 22به‌ڵام كاتێك بیستی ئه‌رخیلاوس له‌ یه‌هودیا له‌ جێی هێرۆدسی باوكی فه‌رمانڕه‌وایه‌، ترسا بچێته‌ ئه‌وێ. دوای ئه‌وه‌ی له‌ خه‌وندا ئاگادار كرایه‌وه‌، گه‌ڕایه‌وه‌ ناوچه‌ی جه‌لیل. 23جا هات و له‌ شارۆچكه‌یه‌ك نیشته‌جێ بوو به‌ ناوی ناسیره‌، هه‌تا ئه‌وه‌ی له‌ ڕێگه‌ی پێغه‌مبه‌ران گوترابوو بێته‌ دی: [به‌ ناسیره‌یی ناوده‌بردرێت.]