على التوازي
18
كێ لە شانشینی ئاسماندا پایەبەرزترە؟
1لەو كاتەدا قوتابییەكان هاتنە لای عیسا و گوتیان: «كێ لە شانشینی ئاسماندا پایەبەرزترە؟»
2ئەویش منداڵێكی بانگكرد و لە ناوەڕاستیاندا ڕایگرت، 3فەرمووی: «ڕاستیتان پێ دەڵێم: ئەگەر نەگۆڕێن و وەك منداڵتان لێنەیەت، هەرگیز ناچنە شانشینی ئاسمان. 4بۆیە ئەوەی وەك ئەم منداڵە خۆی نزم بكاتەوە، لە شانشینی ئاسماندا پایەبەرزترە.
5«ئەوەی بە ناوی من پێشوازی لە منداڵێكی وەك ئەمە بكات، پێشوازی لە من دەكات. 6بەڵام ئەوەی ببێتە كۆسپ بۆ یەكێك لەم بچووكانەی كە باوەڕیان بە من هەیە، باشترە بۆی بەرداشێكی گەورە بە ملیەوە هەڵبواسرێت و نوقومی بنی دەریا بكرێت.
7«قوڕبەسەر جیهان لەبەر ئەو كۆسپانەی كە مرۆڤ تووشی گوناە دەكەن! چونكە كۆسپەكان هەر دەبێ هەبن، بەڵام قوڕبەسەر ئەوەی دەبێتە هۆی كۆسپەكان! 8ئەگەر دەستت یان پێت بۆت بووە كۆسپ، بیبڕەوە و فڕێیبدە.#18‏:8 لێرەدا مەبەست لە بڕینی ئەندامی لەش نییە بەڵكو مەبەستی ئەوەیە كە باوەڕدار ئامادەبێت ئەندامی لەشی خۆی ببڕێت بەڵام گوناە نەكات. باشترە بۆ ئەو كەسە بێ دەست یان بێ قاچ بچێتە ناو ژیانەوە لەوەی بە دوو دەست یان دوو پێیەوە فڕێبدرێیتە ناو ئاگری هەتاهەتایی. 9ئەگەر چاوت بۆت بووە كۆسپ، دەریبهێنە و فڕێیبدە. باشترە بە یەك چاو بچیتە ناو ژیانەوە لەوەی بە دوو چاوەوە بخرێیتە ئاگری دۆزەخەوە.
نموونەی مەڕی ونبوو
10«ئاگاداربن! بە سووكی مەڕواننە یەكێك لەم بچووكانەی كە باوەڕیان بە من هەیە، چونكە پێتان دەڵێم فریشتەكانیان لە ئاسماندا بەردەوام ڕووی باوكم دەبینن كە لە ئاسماندایە. ⌟ 11چونكە كوڕی مرۆڤ هاتووە ونبووان ڕزگار بكات.⌞
12«ڕاتان چییە؟ ئەگەر یەكێك سەد سەر مەڕی هەبێت و دانەیەكی لێ ون بێت، ئایا نەوەد و نۆیەكە لە چیادا بەجێناهێڵێت تاكو بچێت بەدوای ونبووەكەدا بگەڕێت؟ 13ڕاستیتان پێ بڵێم: ئەگەر دۆزییەوە، لە نەوەد و نۆیەكەی تر كە بزر نەببوون زیاتر پێی دڵخۆش دەبێت! 14بە هەمان شێوە باوكتان لە ئاسمان نایەوێت یەكێك لەم بچووكانە لەناوبچێت.
گلەیی برایانە
15«ئەگەر خوشك یان براكەت خراپەی لەگەڵ كردیت، بڕۆ بە تەنها لەنێوان خۆت و خۆی گلەیی لێ بكە. ئەگەر گوێی لێگرتی، ئەوا براكەت بەدەستدەهێنیتەوە. 16خۆ ئەگەر گوێی نەگرت، یەك یان دوو كەس لەگەڵ خۆت ببە، تاكو [هەر بابەتێك لەسەر زاری دوو یان سێ شایەت ڕاستییەكەی بسەلمێنرێت.]#18‏:16 دواوتار 19‏:15‏ 17ئەگەر بەگوێی نەكردن، بە كڵێسا بڵێ، ئەگەر بەگوێی كڵێساشی نەكرد، ئەوا بە بتپەرست و باجگری دابنێ.
18«ڕاستیتان پێ دەڵێم: ئەوەی لەسەر زەوی گرێی بدەن، لە ئاسمانیش گرێدراو دەبێت، ئەوەی لەسەر زەوی بیكەنەوە، لە ئاسمانیش كراوە دەبێت.
19«دیسان ڕاستیتان پێ دەڵێم: ئەگەر دووان لە ئێوە لەسەر زەوی لەسەر هەر شتێك ڕێك بكەون، هەرچی داوا بكەن، لەلایەن باوكم كە لە ئاسمانە، بۆیان دەبێت، 20چونكە لە هەركوێیەك دوو یان سێ كەس بە ناوی منەوە كۆببنەوە، من لەوێ لەنێوانیاندا دەبم.»
گەردن ئازادكردن
21ئینجا پەترۆس هات و پێی گوت: «گەورەم، دەبێ چەند جار گەردنی براكەم ئازاد بكەم كە خراپەم لەگەڵ دەكات؟ تاكو حەوت جار؟»
22عیساش پێی فەرموو: «من پێت ناڵێم حەوت جار، بەڵكو حەفتا كەڕەت حەوت جار!
23«لەبەر ئەوە پاشایەتی ئاسمان لە پاشایەك دەچێت ویستی حیساب لەگەڵ خزمەتكارەكانی بكات. 24كاتێك دەستی پێكرد، یەكێكیان بۆ هێنا دە هەزار كیسە زێڕ#18‏:24 كیسە زێڕ: یۆنانی: تالنت، هەر تالنتێك نزیكەی 34 كگم بووە؛ یەك تالنت زێڕ دەكاتە كرێی 15 ساڵی كرێكارێك. قەرزار بوو. 25كە هیچی نەبوو بیداتەوە، گەورەكەی فەرمانی دا، خۆی و ژن و منداڵ و هەرچی هەیەتی بفرۆشرێت و قەرزەكە بداتەوە.
26«لەبەر ئەوە خزمەتكارەكە لەبەردەمی چۆكی دادا و گوتی: ”لەسەرم ڕابوەستە، هەمووت دەدەمەوە.“ 27گەورەی ئەو خزمەتكارە دڵی پێی سووتا، ئازادی كرد و لە قەرزەكە خۆشبوو.
28«ئەم خزمەتكارە ڕۆیشت، خزمەتكارێكی هاوكاری خۆی بینی كە سەد دینار#18‏:28 دینارێك كرێی یەك ڕۆژی كرێكارێك بووە. قەرزاری بوو، ملی گرت و گوتی: ”ئەوەی بەسەرتەوەیە بمدەرەوە!“
29«خزمەتكارە هاوكارەكەی لەبەرپێی كەوت، لێی پاڕایەوە: ”لەسەرم ڕابوەستە، دەتدەمەوە.“
30«بەڵام ڕازی نەبوو، چوو فڕێیدایە زیندانەوە، هەتا قەرزەكەی بداتەوە. 31كاتێك خزمەتكارە هاوكارەكانیان ڕووداوەكەیان بینی، زۆریان پێ ناخۆش بوو، هاتن و هەموو ئەوەی ڕوویدابوو بۆ گەورەكەیان گێڕایەوە.
32«ئەوسا گەورەكەی بانگی كرد و پێی گوت: ”خزمەتكاری بەدكار، لە هەموو ئەو قەرزە خۆشبووم، چونكە لێم پاڕایتەوە. 33ئایا نەدەبوو تۆش بەزەییت بە خزمەتكارە هاوكارەكەتدا بێتەوە، وەك بەزەییم پێتدا هاتەوە؟“ 34جا گەورەكەی تووڕە بوو و دایە دەست جەلادەكانەوە، هەتا هەموو قەرزەكەی بداتەوە.
35«باوكی ئاسمانیشم واتان لێدەكات، ئەگەر هەریەكەتان لە دڵەوە گەردنی خوشكی یان براكەی ئازاد نەكات.»