ST. MARK 8
8
1Oo‐oo dush uhpe kekezheguk, kekeche‐ooqueenoowaud egewh ahnishenahbag, kagoo dush ahyaunsegwah kameejewaud, oogenundoomaun owh Jesus enewh ookekenooahmahgunun, oo‐oo dush keënaud,
2Neketemahganemaug egewh ahnishenahbag, ahzhe muh nesoogoonahgud akoo‐weejewewaud, kah dush oodahyaunsenahwah kameejewaud:
3Kishpin dush puhgedenugwah cheühnekewawaud pwah‐wesenewaud, tahpwahnuhwetoowug emuh muhyahwekunah: ahnind muh keche‐wahsuh keoonjebahwug.
4Enewh dush ookekenooahmahgunun oo‐oo oogenuhquatahgoon, Ahneende kaoondenaud ahweyah enewh buhquazhegunun oomuh puhgwuhduhkummegaug chetabeseneäud oonoo ahnishenahban?
5Oogeguhgwajemaun dush, Ahneen duhsoo‐buhquazhegunug ayahwagwah? Oo‐oo keëgood Neezhwahswe.
6Oogeënaun dush enewh ahnishenahban chenuhmuhduhbenid emuh metushkuhkummig: oogeoodahpenaun dush enewh neezhwahswe buhquazhegunun, kahmahmooyahwad dush, oogebuhquabenaun, oogemeenaun enewh ookekenooahmahgunun cheënenuhmahwahnid enewh ahnishenahban: oogeähsahwaun dush emuh ahyahnid enewh ahnishenahban.
7Punge dush oogeähyahwahwaun enewh gegoozansun; uhpe kahmahmooyahwad, oogeënaun kuhya enewh cheähshummahnid.
8Medush kewesenewaud kuhya ketabeseneïndwah: oogesuhguhkenahwaun dush enewh pewunjegunun kahishquunduhmoowahjin neezhwahswe ookookoobenahgunun.
9Kenewoo‐metauswaukoosedooganug edush egewh kahwesenejig: Oogemahjenahzhahwaun dush.
10Bahbega dush kepooze emuh nahbequauning kuhya enewh ookekenooahmahgunun, kepeëzhahwaud dush emuh Dalmanutha azhenekahdag uhkee.
11Kepeëzhahwug dush egewh Phariseeg, kuhya kemahje‐kuhgwajemahwaud, kenundoodahmahwahwaud ewh kezhegoong oonje kekenoowahjechegun, kekuhgwatebanemahwaud.
12Ween dush kekeche‐oodunnahmoo emuh oojechaugoong, oo‐oo dush ekedood, Ahnishwin oogoo noongoom bamahdezejig nunduhwanduhmoowaud kekenoowahjechegun? kagate kedenenim, Kahween tahmeenahsewug kekenoowahjechegun oogoo noongoom bamahdezejig.
13Medush kenuhguhnaud, kepoozid emuh nahbequauning keähzhahwahoo dush.
14Kewuhnekawug dush chegeöodahpenahwahpun enewh buhquazhegunun, kah dush kuhnuhga oogeähyahwahsewaun buhquazhegunun emuh nahbequauning me atuh pazhik.
15Oogeäungwahmemaun dush, oo‐oo keëkedood, Aungwahmezeyook, chemeewetooyag ewh oodoombesechegunewaun egewh Phariseeg, kuhya oodoombesechegun owh Herod.
16Medush keguhnoonendewaud, oo‐oo dush keëkedoowaud, Me suh ewh oobuhquazhegunemesewung.
17Uhpe dush Jesus kekekandung, oo‐oo oodenaun, Wagoonash wanje‐edeyag, me suh ewh oobuhquazhegunemesewung? kah nuh ween muhshe kekekanjegaseem, kah nuh kuhya kenessittootunseem? kayahba nuh mushkahwahnoon kedaëwah?
18Ahnuhween ooshkinzhegooyag, kah nuh kewahbeseem? kuhya ootahwuggahyag, kahnuh kenoonduhseem? kah nuh kuhya kemequanduhseem?
19Uhpe kepuhquabenugwah egewh nahnun buhquazhegunug keähshummugwah egewh nahnun‐metauswaukoosejig, ahneen menik ookookoobenahgunun kemooshkenag enewh pewunjegunun kahmahmooyag? oodenahwaun dush, Metahswe‐ahshe‐neezh.
20Uhpe dush enewh neezhwahswe kahahshummindwah egewh nawoo‐metauswaukoosejig, ahneen menik ookookoobenahgunun kahmooshkenag enewh pewunjegunun kahmahmooyag? Keëkedoowun dush, Neezhwahswe.
21Oo‐oo dush oogeënaun, Ahnishwin nesittootunsewag?
22Peëzhah dush emuh Bethsaidaïng; kepeetahmahwah dush kakepeengwanejin enenewun, kepahgoosanemah dush chetaungenaud.
23Oogesuggeneenjenaun dush enewh kakepeengwanejin enenewun, oogeoonjesahgejewenaun emuh oodanaung; uhpe dush kahsikkood emuh ooshkinzhegooning, kahahtahwaud ooneenjeen, oogekuhgwajemaun Gagoo nuh kewahbundaun.
24Ketahtuhgahbe dush, oo‐oo keëkedood, Newahbuhmaug enenewug pabahmoosajig debishkoo metigoog.
25Menuhwah dush oogeähtahwaun enewh ooneenjeen emuh ooshkinzhegooning, oogeënaun dush, chetahtuhgahbenid; me dush kahezhenoojemood, kuhya kepuhguk‐kahbuhmaud kuhkenuh enewh enenewun.
26Oogekewa‐nahzhahwaun dush, oo‐oo keënaud, Kagoo ezhahkan emuh oodanaung, kagoo kuhya weenduhmoowahkan ahweyah emuh oodanaung.
27Keëzhah dush owh Jesus, kuhya ookekenooahmahgunun enewh Cæsarea‐Philippi duhzhe oodanaunsun: ewh dush magwah uhnebemoosawaud, oogeguhgwajemaun enewh ookekenooahmahgunun, oo‐oo dush keënaud, Ahneen azhewaud egewh ahnishenahbag cheähweyaun?
28Oo‐oo dush oogeguhnoonahwaun, keëkedoowaud, John owh Baptizooewa‐wenene: ahnind dush ween ekedoowug, Elias; ahnind dush. Pazhik aunwahjega‐wenene.
29Oo‐oo dush oodenaun, Kenuhwah dush ween, ahneen ahzeyag cheähweyaun? Peter dush oonuhquatuhwaun, oo‐oo enaud, Keen suh kedow owh Christ.
30Ooogeäungwahmemaun cheweendahmahwahsigwah enewh enenewun, ewh ween enandahgoozid.
31Kuhya dush oogemahje‐kuhgekemaun, owh enene oogwissun nundahwandahgoozid nebewah chekooduggandung, kuhya chewabenegood enewh katezenejin, kuhya enewh keche‐sahsahgewejega‐wenewun, kuhya oozhebeëga‐wenenewun, kuhya chenesind, nesoogoonahguddenig dush cheähbejebaud.
32Mezheshuh suh dush oo‐oo keëkedoo. Peter dush puhkayeëe oogeëzhewenaun kuhya kemahje‐nuhneebekemaud.
33Uhpe dush kahquake‐kahbahwid, keguhnuhwahbuhmaud enewh ookekenooahmahgunun, oogenuhneebekemaun enewh Peterun, oo‐oo keëkedood, Ahwus nepequunaung ezhaun Satan: kahween keduhyenanduhsenun ooduhyeemun owh Kesha‐Muhnedoo, me atuh ooduhyeemewaun egewh enenewug.
34Uhpe dush kahnundoomaud enewh ahnishenahban kuhya enewh ookekenooahmahgunun, oo‐oo oogeënaun, Ahwagwan kawenoopenuhzhegwan mahnoo suh oogahahgoonwayandaun tebenuhwa weyow, kuhya oogahoodahpenaun oodahzhekayahtikoom, ningahnuhnoopenik dush.
35Ahwagwan muh kabemahjetoogwan ewh oobemahdezewin, oogahwuhnahjetoon suh; ahwagwan kawuhnahjetoogwan ewh oobemahdezewin neen oonje, kuhya oonje ewh menwahjemoowin, mesuh owh kabemahjetood.
36Wagoonan muh kaöondezepun owh enene, kishpin ahnoo debandung anegookwaug ewh uhkee, wuhneäud dush tebenuhwa oojechaugwun?
37Wagoonan dush owh enene kameegewad ewh dush nayaub chewekishpenuhnaud enewh oojechaugwun?
38Ahwagwan muh kaähguddanemegwan kuhya enewh nindekedoowinun noongoom magwah bemahdezewaud oogoo pazhigwahdezejig kuhya majeëzhewabezejig, mesuh enewh kaähguddanemahjin owh Enene oogwissun, uhpe petuhgwishing emuh oopeshegandahgoozewinening enewh Oosun, weejewegood dush enewh kachetwahwezenejin oodangenemun.
المحددات الحالية:
ST. MARK 8: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
