التكوين 15
15
عهد الله ويا أبرام
1و بعدین قال ﷲ لأبرام في رؤیا: «لا تخاف أنا الا بحميك وانا بنفسي بيكون مكافأتك، مكافأة مرة كبيرة، فوق ماتتصور.» 2و أبرام قال: «یارب، یا حيّ وش بستفید من الخیر الا بتعطیني إیاه وانا قاعد بلا أولاد، والا بیورث بیتي هو أليعازر الدمشقي؟» 3و إدا ما عطیتنی دریّة بعد، واحد من الا یخدموني من الا انولدوا في بیتي هو إلا بیورثني. 4و كلمه ﷲ بكلمته: «مو هدا الا بیورثك! ولدك من لحمك و دمك الا بیورثك.» 5و بعدین الله اخد أبرام برا و قال له: «إرفَع راسك وطلّع في السما فوق، وعد النجوم، لو قدرت تعدهم، عدهم! بعددهم بتكون دریتك.» 6وآمن أبرام بالكلام الا كلمه به، وﷲ إعتبر أبرام رجال صالح. 7وﷲ قال له: «أنا الإله الحَيّ الا جابك من أور أرضّ الكلدانيين، عشان اعطیك هالأرض ورث لك.» 8قام يسأل أبرام: «یا ربي، چيفه بعرف إنها بتكون ملك لي؟» 9و جاوبه الرب: «خد انثى العِجّل و عنزة و كبش، و یكون عمرهم، ثلاث سنوات، و خد بعد یمامة و حمامة صغيرة في العمر.» 10و أخدهم أبرام و شقهم نصين، و خلى كل قطعة منهم مقابلة القِطعة التانیة، بس الطیور خلاهم زي ما هم ما قصهم بالنص. 11و جت الطّيور الجارحة على الجثث، و أبرام صار یباعدهم بعید. 12و یوم غربت الشمس، أبرام راحت علیه نومه طویلة، و جا علیه ظلام كثیف يخوف حدّه. 13و قال له ﷲ: «اسمعني و خلیك على یقین، ان كل شي باقوله بصیر، دریتك بیتغربوا في أرضّ مو أرضهم، و أهل دیك الأرض بیستعبدوهم و بيدلوهم أربع میة سنة. 14و لكن أنا باخد حقهم من دیك الأمة الا بتستعبدهم، و بعدین بیطلعوا من دیك الأرض بأملاك كبيرة. 15وأنت بتموت بسلام و بتندفن بشیبتك و وقارك. 16و بعدین دریتك بیرجعوا بعد أربعة أجیال إلى هالأرض الا أنت الحین فیها، لأن للحین شر الأموريین ما وصل حده.» 17و یوم غربت الشمس و صارت الدنیا ظلمة، طلع مبخر فیه دخان و شعلة نار یمر بین قطع الحیوانات الا قصهم. 18وفي هداك الیوّم ﷲ وعد أبرام و قال: «بعطي دریتك هالأرض، من وادي مصر وهو نفسه وادي العريش إلى النهر الكبير، نهر الفرات. 19و أرض القینیین والقنزیین، و القدمونیین، 20و الحثیین و الفرزیین و الرفائیین 21و الاموریین و الكنعانیين و الجرجاشیين و اليبوسیین.»
المحددات الحالية:
التكوين 15: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group
