التكوين 14
14
أسر لوط
1وفي هداك الوقت كان في حرب قامت بین أربعة ملوك من ملوك داك الزمان و خمسة ملوك ثانیين. و صارت الحرب. و الاربعة الملوك كانوا: أمرافل ملك شنعار، و اریوك ملك الاسار، و كدرلعومر ملك عیلام، و تدع الملك جوییم. 2و صارت حرب بینهم و بین الخمسة الملوك الثانيین إلا هم: بارع ملك سدوم و برشاع ملك عمورة و شناب ملك ادمة و شمئیبر ملك صبوییم، و ملك بالع، و المنطقة بعد كانت المعروفة بعد باسم بصوغر. 3والخمسة الملوك كلهم تجمّعوا في وادي السدیم، وهو بحر الملح (المعروف بالبحر المیت حالیا) عشان یشنوا الحرب. 4كدرلعومر ملك عیلام كان مستعبد الخمسة ملوك المدكورين لمدة اطنعشر سنة، وفي سنة الثلطعش (من استعبادهم) قاموا تمردوا علیه. 5وفي سنة أربعطعش كدرلعومر جمع أتباعه الملوك و هزموا الرفائیین في عشتاروت- قرنایم، و الزوزیین في هام، و الایمیين في سهل قریتایم، 6و الحوریين في جبلهم سعیر و كمل إلى منطقة الفاران إلا على حدود الصّحراء. 7و بعدین اتوجهوا إلى عین مشفاط المعروفة بعد باسم (قادش)، و هزموا كل بلاد العمالقة والاموریین الا كانوا ساكنین في حصون تامار. 8و نفس السّنة، قاموا الملوك الخمسة: ملك سدوم و ملك عمورة و ملك ادمة و ملك صبوييم و ملك بالع اتجمعوا في وادي السدیم، و هاجوا بحرب 9ضد الملوك الأربعة كدرلعومر ملك عيلام، و تدعال ملك جوییم، و أمرافل ملك شنعار، و اریوك هو ملك الاسار، و كانوا هالملوك أربعتهم ضد الخمسة الملوك الثانيین. 10و كان وادي السدیم ملیان آبار زفت، و یوم حاولوا ملك سدوم و عمورة يفلّحوا طاحوا في هديك الآبار، و الباقي فلّحوا و راحوا الجبال. 11و یوم إنتصروا الملوك الأربعة قاموا أخدوا كل ما في سدوم و عمورة من أملاك و أكل، 12و قاموا أسروا لوط ولد أخو أبرام في سدوم و باقوا كل ما یملك و مشوا.
أبرام ينقد لوط
13و جا واحد من الناجيين لأبرام العبراني و قال: وفي هداك الوقت أبرام كان ساكن عند أشجار البلوط حق ممرا، و ممرا الأموري یصیر أخو اشكول و عانر، و كلهم متحالفین مع أبرام. 14لوط ولد أخوك اخدوه اسیر، لأن ملك سدوم إنّهزم! بعد ما الرجال قال لأبرام ان ولد أخوه انأخد. و بعد ما سمع أبرام الخبر قام جمع ثلاثمیة وتمنطعشر شخص من اتباعه المدربین الا إنولدوا في بیته، و لحق الملوك الأربعة حتى وصلوا إلى منطقة دان - المنطقة حالیا معروفة بمنطقة الجلیل في شمال فلسطین. 15و یوم جا اللیل قام قسّم رجاله لمجموعات في مناطق مختلفة و هاجم الملوك الأربعة و غلبهم، و لحقهم إلى حوبه وهدي المنطقة تصیر شمال دمشق، 16ورجّع كل الا اخدوه من غنایم ورجّع ولد أخوه لوط و كل الا كان یملكه، ورجع النسوان بعد و الأسرى الا أخدوهم. 17و بعدین جا ملك سدوم عشان یقابل أبرام في وادي شوى المعروف بوادي الملك، بعد ما رجع ويّا كسرة كدرلعومر و الملوك و حلفائه.
ملكيصادق يبارك أبرام
18و قام ملكيصادق ملك شالیم، الا كان كاهن للعلي، جاب لأبرام خبز و خمر. و باركه و قال: 19بركة ﷲ العلي إلهنا مالك السماوات و الأرض، واضحة على حیاة أبرام. 20ﷲ المبارك سبحانه، وهو الا نصرك على أعدائك. و قام أبرام عطى ملك صادق عُشر من كل الغنایم إلا رجعها. 21و قال ملك سدوم لأبرام: عطیني الأسرى وخلي الغنایم لك. 22و أبرام قال: «أنا خلاص قاسم (حالف یمین) باسم الرب العلي مالك السماوات و الأرض، 23و واعدنه إني ما أخد شي من عندك، سواء كان خیط ولا شریط ولا ربطة نعال. عشان لا تقول: ‹أنا الا خلیت أبرام يصير غني!› 24مانا ما خد شي منك، غیر الا أكلوه أتباعي و الباقي خلّوه ليكم. و أما الرجال الا جو ويّاي یعاونوني: عانر و اشكول و ممرا، خلیهم یاخدوا نصیبهم.»
المحددات الحالية:
التكوين 14: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group
