آيات مشهورة من الكتاب المقدس منEksodɔs 9

شارك

na ampaara iyi ntsi na mama egyina hɔ, dɛ mebɛkyerɛ wo mo tum, na wɔaabɔ me dzin akyerɛ wɔ asaase nyinara do.

Nna EWURADZE see Moses dɛ, Kɔ Farao nkyɛn, na ka kyerɛ no dɛ, Mbrɛ EWURADZE Hebriwfo Nyankopɔn se nye yi, Ma me man nkɔ, ma wɔnkɔsom me.

Na afei sɛ matsen me nsa, na medze owuyar abɔ ɔwo nye wo man a, nkyɛ woetwa wo efi asaase do

hwɛ, EWURADZE nsa wɔ wo mbowa a wɔwɔ haban mu do, na ɔdze mbowawu yayaayaw bɛba mpɔnkɔ, nsoasopɔnkɔ, efumpɔnkɔ, anantwikuw, nye nguankuw do. Na EWURADZE dze sorbi bɔto Israel mbowa nye Egypt mbowa ntamu na dza ɔyɛ Israelmba dze no nyinara mu biara nnkowu.

Hwɛ, ɔkyena siseber yi mebɛma ɔsorbo a n’ano yɛ dur dodoodow a ne saso mmbaa Egypt pɛn ofi da a wɔkyekyeree dze bodu ndɛ yi atɔ. Dɛm ntsi afei soma na wɔnkɛfa wo mbowa nye biribiara a ewɔ wɔ haban mu nyina mbra ntsɛm; na nyimpa biara nye abowa biara a wobohu hɔn wɔ haban mu, na wɔammfa hɔn ammba fie no, ɔsorbo no bɔhwe hɔn, na wobowuwu.

Na ɔbɛdan tutuw wɔ Egypt asaase nyinara do, na ɔayɛ mpɔmpɔ a ɔpaapaa tutu ekur wɔ nyimpa nye mbowa ho, wɔ Egypt asaase nyinara do. Na wɔfaa fononoo mu nso, na wokegyinaa Farao enyim; na Moses towee petsee wimu; na ɔdaan pɔmpɔ a ɔpaapaa tutu ekur wɔ nyimpa nye mbowa ho.