آيات مشهورة من الكتاب المقدس منEksodɔs 10

شارك

Na EWURADZE see Moses dɛ, Kɔ Farao nkyɛn: na mepirim n’akoma, nye no nkowaa akoma, ama meeyi me nsɛnkyerɛdze yi akyerɛ no wɔ hɔn mu: na aaka no wɔ wo ba, nye wo ba ne ba asomu, ndzɛmba a mayɛ no wɔ Egypt do, na me nsɛnkyerɛdze a mayɛ no wɔ hɔn mu; ama hom eehu dɛ emi nye EWURADZE.

Na EWURADZE see Moses dɛ, Tsen wo nsa wɔ sor, ma sum mbra Egypt asaase do, mekyerɛ sum a wosuo mu a ɔbɛyɛ a yie. Na Moses tseen ne nsa wɔ sor; na sum kebii hyɛɛ Egypt asaase nyinara dze, do nda ebiasa; obiara ennhu ne nyɛnko, nkyii so obiara annsoɛr emmfi ne tsenabew nda ebiasa: na Israelmba nyinara wonyaa kan wɔ hɔn efiefi.

Na Moses tseen no poma no wɔ Egypt asaase do, na EWURADZE dze boka mframa bɔɔ asaase no do da no nyinara, na anadwe no nyinara; na anapa no, boka mframa dze mbɛbɛw no bae. Na mbɛbɛw no kɔr Egypt asaase nyinara do, na wɔkɛgyegyee Egypt ntoaado nyinara; wɔdɔɔ so dodow; mbɛbɛw biara a ɔtse dɛm mbaa pɛn, na hɔn ekyir so bi nnkɛba dɛm da.