آيات مشهورة من الكتاب المقدس منEksodɔs 8

شارك

Na akɔmfo no dze hɔn nkaber yɛɛ dɛmara dɛ wɔrema dwuw aba na woenntum: na dwuw no wɔ nyimpa nye mbowa ho. Nna akɔmfo no see Farao dɛ, Nyankopɔn nsatseaba nye yi: na Farao n’akoma pirimii, na oenntsie hɔn; dɛ mbrɛ EWURADZE kae no.

Na EWURADZE kaa kyerɛɛ Moses dɛ, Kɔ Farao nkyɛn, na se no dɛ, Mbrɛ EWURADZE se nye yi, Ma me man nkɔ, na wɔnkɔsom me.

Na Farao hun dɛ ahotɔ aba mu no, opiriim n’akoma, na oenntsie hɔn: dɛ mbrɛ EWURADZE kae no.

Na sɛ ammpen ma wɔaannkɔ a, hwɛ, medze ntwɛr bofura wo ntoaado nyinara

Na EWURADZE see Moses dɛ, Se Aaron dɛ, Tsen wo poma no, na fa bɔ asaase do huntuma, ma ɔndan dwuw wɔ Egypt asaase nyinara do.

Na EWURADZE yɛɛ dɛm; na atsɛn menyamenya a hɔn ano yɛ yaw baa Farao fi mu, nye no nkowaa efi mu: na osian atsɛn menyamenya no ntsi Egypt asaase no nyinara do sɛɛe.