مَرقُس 12
12
باغبانلار مَثَلی
1اوندا عیسا یهود خلخی‌نینگ باشی بویوک‌لَری ایچی بو مَثَلی چَکدی: «بیر مِلک اَیه‌سیدی کی بیر اوزوم باغی اَکدی. او، دئییرینه حصار چَکدی، اوزوم سویونو توتماک ایچی، باغ ایچینده بیر حوض دؤزَتدی و بیر اوجا یئر ده کشیک وئرمَک ایچی دؤزَتدی. اوندا باغی، باغبانلارا اجاره وئردی و بیر آیری مَملکته گئتدی. 2ثَمر زامانیندا، بیر نوکرینی باغبانلار یانینا یوللادی تا اؤز سَهمینی اوزوم باغی‌نینگ ثَمریندن آلا. 3آما باغبانلار او نوکری توتدولار، ووردولار و اؤنو اَلی خالی گئری یوللادیلار. 4باغ اَیهسی بیر آیری نوکر یوللادی، آما باغبانلار ووردولار اؤنونگ باشینی قیردیلَر و اؤنونگ اینان پیس رووآل ائدیلَر. 5باغ اَیهسی گئنه بیر آیری نوکر دا یوللادی آما باغبانلار اؤنو اؤلدوردولار. و چوخ آیری نوکرلَر اینان دا ائله بئله‌یین رووآل ائدیلَر؛ بیر پاراسینی ووردولار و بیر پاراسینی ده اؤلدوردولَر. 6باغ اَیه‌سینده فقط بیر آدام قالمیشدی کی یوللایا، او دا اؤز عزیز اوغلو ایدی. باغ اَیهسی کی اؤز یانیندا دئییردی: ”اوغلومونگ حُرمَتینی ساخلایارلار،“ آخیردان اوغلونو باغبانلار یانینا یوللادی. 7اوغول باغبانلار یانینا گئدَنده، باغبانلار بیر بیره دئدیلَر: ”وارث بو دور، گلینز اؤنو اؤلدورَک تا میراث بیزه ائتیشه.“ 8پس باغبانلار، اوغلو توتدولار، اؤلدوردولَر و جنازه‌سینی باغدان آتدیلار یازّیا. 9ایندی باغ اَیهسی اوللار اینان نیجه ائده‌ر؟ او گلَر و بو باغبان‌لاری نابود ائده‌ر و اوزوم باغینی بیر آیری باغبانلار اَلینه تاپشیرار. 10بئیه مُقدّس یازیلی‌لاردا بونو اوخومامیشاینز کی،
”او داش کی بَنّا‌لار رَد ائدیلَر،
عِمارتینگ اَصل داشی اولموش.
11رَب بئله ائدمیش؛
و بیزیم گؤزوموزه عَجیب گلیر“؟»
12یهود خَلخی‌نینگ باشی بویوک‌لَری آنگلادیلار کی عیسانینگ مَقصودی بو مَثَلدن اوللار دور؛ بو سَبریه ده سئیرلَردی کی عیسایی توتالّار آما خلخدن قورخیرلاردی. پس عیسادا ایشلَری اولمادی و گئتدیلَر.
قیصره خَراج وئرمَک
13خَلخینگ باشی بویوک‌لَری بیر پارا آدام فَریسی فِرقه‌سیندن و هیرود طَرفدارلاریندان عیسا یانینا یوللادیلار تا عیسایی اؤز سؤزلَری اینن گیره سالالّار. 14بو آدام‌لار دا گلدیلَر و عیسایا دئدیلَر: «اُستاد، بیز بیلیرَک کی سَن بیر دؤز آدامانگ و هئچ‌کَسدَن قورخو یوخونگ. سن هئچ کَسینگ کیم اولدوگونا باخمئیرانگ بلکی تارئ یولونو دؤزلوک اینان اؤرگدیرَینگ. روم پادشاهینا خَراج وئرمَک جایز دیر یا یو؟ بیز اؤنا خَراج وئره‌سیک یا وئرمئیه‌سیک؟» 15عیسا کی اوللارینگ ایکّی ایزلی‌لیگینی بیلیردی، بئللَرینه دئدی: «نه ایچی سئیرَینز منی گیرَه سالاینز؟ بیر دینار گتیرینز منه تا باخام.» 16اوللار دا بیر دینار گتیردیلَر. عیسا بئللرینه دئدی: «کیمینگ نَقشی و آدی سِکّه اوستونده دیر؟» اوللار جواب وئردیلَر: «روم پادشاهی‌نینگ.» 17عیسا اوللارا دئدی: «پس پادشاه مالینی پادشاها و تارئ مالینی تارئ‌یا وئرینز.» اوللار بونو ائشیدَنده حیران اولدولار.
اؤلومدن دئرّیلمک باره‌سینده سؤال اولونیر
18صَدوقی فِرقه‌سی‌نینگ عالِم‌لَری کی دئییرلَردی اؤلومدَن سورا دئرّیلمَک یوخدور، عیسا یانینا گلدیلَر و بئلَسیندَن خَبر آلدیلار کی: 19«اُستاد، موسای پیغمبر بیزه بئله یازمیش کی، اگر بیر کیشی‌نینگ کاکاسی اؤله و او اؤلَن آدامینگ، آرواد واری اولا آما اولاد یوخو اولا، او کیشی اؤز کاکاسی‌نینگ دول آروادی اینان ائولَنه‌سی تا اؤز کاکاسی ایچی نَسل قؤیا. 20ایندی، یئتدی کاکا ایدیلَر. بیرینجی کاکا بیر آرواد آلدی، آما اولاد‌سیز اؤلدو. 21ایکّینجی کاکا او آروادی آلدی و او ده اوجاغی کور اؤلدو. و ائله بئله دا اؤچونجو کاکا. 22کاکالارینگ باقّی‌سی دا ائله بئله‌یین اولدولار و بئله او یئتدی کاکانینگ هئچ‌بیریسی اولاد اَیهسی اولمادی. واریسیندان سورا، او آرواد دا اؤلدو. 23ایندی، اؤلولَرینگ دئرّیلدیگی گؤنده، اوندا کی اوللار دئرّیلدیلَر، او آرواد، هانی بیری‌نینگ آروادی اولور؟ بو سَبریه کی او یئتدی کاکانینگ واریسی اؤنونگ اینان ائولَنمیشلَردی.»
24عیسا اوللارا دئدی: «خَبر آلدیگینز گپ گؤرسَدیر کی سیز ناغاد اشتباه ایچینده‌‌یاینز، بو سَبریه کی نه مُقدّس یازیلی‌لاری بیلیرَینز، نه ده تارئ قُدرتینی. 25آدام‌لار اؤلومدن دئرّیلنده، نه آرواد آلیرلار، نه ده اَره گئدیرلَر، بلکی گؤیونگ فرشته‌لَری له‌یین دیرلار. 26آما اؤلومدَن سورا دئرّیلمَک باره‌سینده، بئیه آلیشیق بوتّا حَقّینده‌کی یازیلی‌یی کی موسای پیغمبر کتابیندا دیر، اوخومامیشاینز کی تارئ نه‌یین موسایا دئدی: ”من ابراهیم تارئ‌سی، اِسحاق تارئ‌سی و یَعقوب تارئ‌سی‌یَم“؟ 27تارئ، اؤلولَرینگ تارئ‌سی ده‌ییل، بلکی دئرّی‌لَرینگ تارئ‌سی دیر. سیز سَخت اشتباه ایچینده‌‌یاینز.»
ائنگ بویوک حکم
28عیسا صَدوقی فِرقه‌سی‌نینگ عالِم‌لَری اینن دانیشاندا، بیر تورات معلّمی دا ائله اؤردا ایدی و اوللارینگ گپ‌لَرینه قولاق آسیردی. اوندا کی گؤردو عیسا اوللارا نه‌یین خوب جواب وئردی، ایلَری گلدی و عیسادان خبر آلدی: «تارئ وئردیگی حکم‌لارینگ ائنگ مهمی هانی بیری دیر؟» 29عیسا جواب وئردی: «ائنگ مهم حکم بو دیر: ”ای تارئ خلخی ائشیتینز، رَب بیزیم تاریمیز، واحد رَب دیر. 30رَب تارینگی، بوتون اؤره‌کینگ اینَن، بوتون جانینگ اینان، بوتون فکرینگ اینَن و بوتون قوّتینگ اینَن چوخ سئه.“ 31ایکّینجی حکم دا بو دیر: ”قونشونگو ده اؤزونگ له‌یین چوخ سئه.“ بو ایکّی دان بویوک‌تر حکم یوخ دور.» 32او تورات معلّمی عیسایا دئدی: «خوب دئدینگ اُستاد! دؤز دئمیشنگ کی رَب واحِد دیر و اوندان آیری دا بیر آیری رَب یوخ دور. 33رَبّی بوتون اؤره‌کینگ اینَن، بوتون عَقلینگ اینَن و بوتون قوّتینگ اینَن چوخ سئمَک و قونشونگو دا اؤزونگ له‌یین چوخ سئمَک، واری بئلَسینه تقدیم ائدَن یاندیرمالی هَدیه‌لَردن و قُربانلوق‌لاردان مهم‌تر دیر.» 34اوندا کی عیسا گؤردو او کیشی نه‌یین عقللی جواب وئردی، بئلَسینه دئدی: «سن تارئ پادشاهلیگیندان ایراق ده‌ییلَینگ.» اوندان سورا، داها هئچ‌کَس جرأت ائدمه‌دی عیسادان بیر زاد خبر آلا.
وَعده وئریلَن مَسیح کیمینگ اوغلو دور؟
35عیسا مَعبدده تَعلیم وئرَنده، خبر آلدی: «نه‌یین دیر کی تورات معلّم‌لَری دئییرلَر کی وَعده وئریلَن مَسیح، داوود پادشاه اوغلو دور؟ 36داوود پادشاهینگ اؤزو، تارئ‌نینگ قُدّوس روحو طَریقیندن اعلام ائدی کی:
”رَب منیم رَبّیمه دئدی:
منیم ساغ اَلیمده اوتور
او زامانانچاز کی دشمنلَرینگی آیاقینگ آلتینا آتام.“
37اگر داوود پادشاهینگ اؤزو، اؤنا دئییر رَب، پس نه‌یین وَعده وئریلَن مَسیح، داوود اوغلو دور؟» اؤرداکی بویوک جمعیت عیسا سؤزلَرینه شادلیگ اینان قولاق آسیرلاردی.
تورات معلّم‌لَریندن ایراق اولینز
38عیسا تَعلیم وئرَنده بونو دا دئدی: «تورات معلّم‌لَریندن ایراق تورینز. اوللار اوزون عابالار اینان گزمَکی چوخ سئیرلَر، اوللار چوخ سئیرلَر کی خَلخ بازارلاردا اوللارا سلام ائدلَّر، 39عبادتگاه‌لَرده باشدان اوتورماگی چوخ سئیرلَر و قوناقلوق‌لاردا، مَجلسینگ باشیندا اوتورماگی دا چوخ سئیرلَر. 40اوللار دول آروادلارینگ ائوینی اوتیرلار، آما اؤزلَرینی خوب گؤرسَدمَک ایچی دُعا‌لارینی اوزون ائدیرلَر. اوللارینگ جَزاسی چوخ سَخت‌تر اولور.»
دول آروادینگ هَدیه‌سی
41عیسا مَعبدینگ هَدیه صندوقی قؤیولدوگی یئرینگ قَرشیسینده اوتورموشدو و خلخی تماشا ائدیردی کی او صندوقا پیل آتیرلاردی. اؤردا چوخ وارلی آدام وار ایدی کی صندوقا چوخ پیل آتیرلاردی. 42بیر یوخسول، دول آرواد دا گلدی و ایکّی قَره پیل صندوقا آتدی. 43عیسا شاگردلَرینی اؤز یانینا چاغیردی و بئللرینه دئدی: «گرچَکینی سیزه دئییرم، بو یوخسول دول آرواد واری باقّی آدام‌لاردان کی صندوقا پیل آتدیلار آرتیق پیل آتمیش. 44بو سَبریه کی اوللارینگ واریسی اؤز دارالیگلاری‌نینگ اضافه‌سیندان صندوقا پیل آتدیلار، آما بو آرواد اؤز یوخسول‌لیگیندا، بوتون دارالیگینی کی اؤنونگ اینَن گؤنونو گچیردیردی، صندوقا آتدی.»
@ 2024 Korpu Company
مَرقُس 12
12
باغبانلار مَثَلی
1اوندا عیسا یهود خلخی‌نینگ باشی بویوک‌لَری ایچی بو مَثَلی چَکدی: «بیر مِلک اَیه‌سیدی کی بیر اوزوم باغی اَکدی. او، دئییرینه حصار چَکدی، اوزوم سویونو توتماک ایچی، باغ ایچینده بیر حوض دؤزَتدی و بیر اوجا یئر ده کشیک وئرمَک ایچی دؤزَتدی. اوندا باغی، باغبانلارا اجاره وئردی و بیر آیری مَملکته گئتدی. 2ثَمر زامانیندا، بیر نوکرینی باغبانلار یانینا یوللادی تا اؤز سَهمینی اوزوم باغی‌نینگ ثَمریندن آلا. 3آما باغبانلار او نوکری توتدولار، ووردولار و اؤنو اَلی خالی گئری یوللادیلار. 4باغ اَیهسی بیر آیری نوکر یوللادی، آما باغبانلار ووردولار اؤنونگ باشینی قیردیلَر و اؤنونگ اینان پیس رووآل ائدیلَر. 5باغ اَیهسی گئنه بیر آیری نوکر دا یوللادی آما باغبانلار اؤنو اؤلدوردولار. و چوخ آیری نوکرلَر اینان دا ائله بئله‌یین رووآل ائدیلَر؛ بیر پاراسینی ووردولار و بیر پاراسینی ده اؤلدوردولَر. 6باغ اَیه‌سینده فقط بیر آدام قالمیشدی کی یوللایا، او دا اؤز عزیز اوغلو ایدی. باغ اَیهسی کی اؤز یانیندا دئییردی: ”اوغلومونگ حُرمَتینی ساخلایارلار،“ آخیردان اوغلونو باغبانلار یانینا یوللادی. 7اوغول باغبانلار یانینا گئدَنده، باغبانلار بیر بیره دئدیلَر: ”وارث بو دور، گلینز اؤنو اؤلدورَک تا میراث بیزه ائتیشه.“ 8پس باغبانلار، اوغلو توتدولار، اؤلدوردولَر و جنازه‌سینی باغدان آتدیلار یازّیا. 9ایندی باغ اَیهسی اوللار اینان نیجه ائده‌ر؟ او گلَر و بو باغبان‌لاری نابود ائده‌ر و اوزوم باغینی بیر آیری باغبانلار اَلینه تاپشیرار. 10بئیه مُقدّس یازیلی‌لاردا بونو اوخومامیشاینز کی،
”او داش کی بَنّا‌لار رَد ائدیلَر،
عِمارتینگ اَصل داشی اولموش.
11رَب بئله ائدمیش؛
و بیزیم گؤزوموزه عَجیب گلیر“؟»
12یهود خَلخی‌نینگ باشی بویوک‌لَری آنگلادیلار کی عیسانینگ مَقصودی بو مَثَلدن اوللار دور؛ بو سَبریه ده سئیرلَردی کی عیسایی توتالّار آما خلخدن قورخیرلاردی. پس عیسادا ایشلَری اولمادی و گئتدیلَر.
قیصره خَراج وئرمَک
13خَلخینگ باشی بویوک‌لَری بیر پارا آدام فَریسی فِرقه‌سیندن و هیرود طَرفدارلاریندان عیسا یانینا یوللادیلار تا عیسایی اؤز سؤزلَری اینن گیره سالالّار. 14بو آدام‌لار دا گلدیلَر و عیسایا دئدیلَر: «اُستاد، بیز بیلیرَک کی سَن بیر دؤز آدامانگ و هئچ‌کَسدَن قورخو یوخونگ. سن هئچ کَسینگ کیم اولدوگونا باخمئیرانگ بلکی تارئ یولونو دؤزلوک اینان اؤرگدیرَینگ. روم پادشاهینا خَراج وئرمَک جایز دیر یا یو؟ بیز اؤنا خَراج وئره‌سیک یا وئرمئیه‌سیک؟» 15عیسا کی اوللارینگ ایکّی ایزلی‌لیگینی بیلیردی، بئللَرینه دئدی: «نه ایچی سئیرَینز منی گیرَه سالاینز؟ بیر دینار گتیرینز منه تا باخام.» 16اوللار دا بیر دینار گتیردیلَر. عیسا بئللرینه دئدی: «کیمینگ نَقشی و آدی سِکّه اوستونده دیر؟» اوللار جواب وئردیلَر: «روم پادشاهی‌نینگ.» 17عیسا اوللارا دئدی: «پس پادشاه مالینی پادشاها و تارئ مالینی تارئ‌یا وئرینز.» اوللار بونو ائشیدَنده حیران اولدولار.
اؤلومدن دئرّیلمک باره‌سینده سؤال اولونیر
18صَدوقی فِرقه‌سی‌نینگ عالِم‌لَری کی دئییرلَردی اؤلومدَن سورا دئرّیلمَک یوخدور، عیسا یانینا گلدیلَر و بئلَسیندَن خَبر آلدیلار کی: 19«اُستاد، موسای پیغمبر بیزه بئله یازمیش کی، اگر بیر کیشی‌نینگ کاکاسی اؤله و او اؤلَن آدامینگ، آرواد واری اولا آما اولاد یوخو اولا، او کیشی اؤز کاکاسی‌نینگ دول آروادی اینان ائولَنه‌سی تا اؤز کاکاسی ایچی نَسل قؤیا. 20ایندی، یئتدی کاکا ایدیلَر. بیرینجی کاکا بیر آرواد آلدی، آما اولاد‌سیز اؤلدو. 21ایکّینجی کاکا او آروادی آلدی و او ده اوجاغی کور اؤلدو. و ائله بئله دا اؤچونجو کاکا. 22کاکالارینگ باقّی‌سی دا ائله بئله‌یین اولدولار و بئله او یئتدی کاکانینگ هئچ‌بیریسی اولاد اَیهسی اولمادی. واریسیندان سورا، او آرواد دا اؤلدو. 23ایندی، اؤلولَرینگ دئرّیلدیگی گؤنده، اوندا کی اوللار دئرّیلدیلَر، او آرواد، هانی بیری‌نینگ آروادی اولور؟ بو سَبریه کی او یئتدی کاکانینگ واریسی اؤنونگ اینان ائولَنمیشلَردی.»
24عیسا اوللارا دئدی: «خَبر آلدیگینز گپ گؤرسَدیر کی سیز ناغاد اشتباه ایچینده‌‌یاینز، بو سَبریه کی نه مُقدّس یازیلی‌لاری بیلیرَینز، نه ده تارئ قُدرتینی. 25آدام‌لار اؤلومدن دئرّیلنده، نه آرواد آلیرلار، نه ده اَره گئدیرلَر، بلکی گؤیونگ فرشته‌لَری له‌یین دیرلار. 26آما اؤلومدَن سورا دئرّیلمَک باره‌سینده، بئیه آلیشیق بوتّا حَقّینده‌کی یازیلی‌یی کی موسای پیغمبر کتابیندا دیر، اوخومامیشاینز کی تارئ نه‌یین موسایا دئدی: ”من ابراهیم تارئ‌سی، اِسحاق تارئ‌سی و یَعقوب تارئ‌سی‌یَم“؟ 27تارئ، اؤلولَرینگ تارئ‌سی ده‌ییل، بلکی دئرّی‌لَرینگ تارئ‌سی دیر. سیز سَخت اشتباه ایچینده‌‌یاینز.»
ائنگ بویوک حکم
28عیسا صَدوقی فِرقه‌سی‌نینگ عالِم‌لَری اینن دانیشاندا، بیر تورات معلّمی دا ائله اؤردا ایدی و اوللارینگ گپ‌لَرینه قولاق آسیردی. اوندا کی گؤردو عیسا اوللارا نه‌یین خوب جواب وئردی، ایلَری گلدی و عیسادان خبر آلدی: «تارئ وئردیگی حکم‌لارینگ ائنگ مهمی هانی بیری دیر؟» 29عیسا جواب وئردی: «ائنگ مهم حکم بو دیر: ”ای تارئ خلخی ائشیتینز، رَب بیزیم تاریمیز، واحد رَب دیر. 30رَب تارینگی، بوتون اؤره‌کینگ اینَن، بوتون جانینگ اینان، بوتون فکرینگ اینَن و بوتون قوّتینگ اینَن چوخ سئه.“ 31ایکّینجی حکم دا بو دیر: ”قونشونگو ده اؤزونگ له‌یین چوخ سئه.“ بو ایکّی دان بویوک‌تر حکم یوخ دور.» 32او تورات معلّمی عیسایا دئدی: «خوب دئدینگ اُستاد! دؤز دئمیشنگ کی رَب واحِد دیر و اوندان آیری دا بیر آیری رَب یوخ دور. 33رَبّی بوتون اؤره‌کینگ اینَن، بوتون عَقلینگ اینَن و بوتون قوّتینگ اینَن چوخ سئمَک و قونشونگو دا اؤزونگ له‌یین چوخ سئمَک، واری بئلَسینه تقدیم ائدَن یاندیرمالی هَدیه‌لَردن و قُربانلوق‌لاردان مهم‌تر دیر.» 34اوندا کی عیسا گؤردو او کیشی نه‌یین عقللی جواب وئردی، بئلَسینه دئدی: «سن تارئ پادشاهلیگیندان ایراق ده‌ییلَینگ.» اوندان سورا، داها هئچ‌کَس جرأت ائدمه‌دی عیسادان بیر زاد خبر آلا.
وَعده وئریلَن مَسیح کیمینگ اوغلو دور؟
35عیسا مَعبدده تَعلیم وئرَنده، خبر آلدی: «نه‌یین دیر کی تورات معلّم‌لَری دئییرلَر کی وَعده وئریلَن مَسیح، داوود پادشاه اوغلو دور؟ 36داوود پادشاهینگ اؤزو، تارئ‌نینگ قُدّوس روحو طَریقیندن اعلام ائدی کی:
”رَب منیم رَبّیمه دئدی:
منیم ساغ اَلیمده اوتور
او زامانانچاز کی دشمنلَرینگی آیاقینگ آلتینا آتام.“
37اگر داوود پادشاهینگ اؤزو، اؤنا دئییر رَب، پس نه‌یین وَعده وئریلَن مَسیح، داوود اوغلو دور؟» اؤرداکی بویوک جمعیت عیسا سؤزلَرینه شادلیگ اینان قولاق آسیرلاردی.
تورات معلّم‌لَریندن ایراق اولینز
38عیسا تَعلیم وئرَنده بونو دا دئدی: «تورات معلّم‌لَریندن ایراق تورینز. اوللار اوزون عابالار اینان گزمَکی چوخ سئیرلَر، اوللار چوخ سئیرلَر کی خَلخ بازارلاردا اوللارا سلام ائدلَّر، 39عبادتگاه‌لَرده باشدان اوتورماگی چوخ سئیرلَر و قوناقلوق‌لاردا، مَجلسینگ باشیندا اوتورماگی دا چوخ سئیرلَر. 40اوللار دول آروادلارینگ ائوینی اوتیرلار، آما اؤزلَرینی خوب گؤرسَدمَک ایچی دُعا‌لارینی اوزون ائدیرلَر. اوللارینگ جَزاسی چوخ سَخت‌تر اولور.»
دول آروادینگ هَدیه‌سی
41عیسا مَعبدینگ هَدیه صندوقی قؤیولدوگی یئرینگ قَرشیسینده اوتورموشدو و خلخی تماشا ائدیردی کی او صندوقا پیل آتیرلاردی. اؤردا چوخ وارلی آدام وار ایدی کی صندوقا چوخ پیل آتیرلاردی. 42بیر یوخسول، دول آرواد دا گلدی و ایکّی قَره پیل صندوقا آتدی. 43عیسا شاگردلَرینی اؤز یانینا چاغیردی و بئللرینه دئدی: «گرچَکینی سیزه دئییرم، بو یوخسول دول آرواد واری باقّی آدام‌لاردان کی صندوقا پیل آتدیلار آرتیق پیل آتمیش. 44بو سَبریه کی اوللارینگ واریسی اؤز دارالیگلاری‌نینگ اضافه‌سیندان صندوقا پیل آتدیلار، آما بو آرواد اؤز یوخسول‌لیگیندا، بوتون دارالیگینی کی اؤنونگ اینَن گؤنونو گچیردیردی، صندوقا آتدی.»
@ 2024 Korpu Company