مَرقُس 13
13
عیسا مَعبد یومورولماگینی پیشگولیگ ائدیر
1عیسا مَعبددَن چیخَنده، شاگردلَری‌نینگ بیری بئلَسینه دئدی: «اُستاد، باخ! نه‌یین نه‌یین داشلار و نه‌یین نه‌یین عِمارت‌لَر!» 2عیسا بئلَسینه دئدی: «بو عَظمتلی عِمارت‌لَری گؤرورَینگ؟ بو گؤردوگونز مَعبدینگ عِمارت‌لَری، ائله یومورولارلار کی حتّی داش داش اوستونه قؤیولو قالماز.»
3اوندا کی عیسا زیتون داغیندا مَعبدینگ قَرشیسینده اوتورموشدو، پِطرُس، یَعقوب، یوحَنّا و آندریاس بی سَس اوندان خبر آلدیلار: 4«بیزه دئ گؤره‌ک بو تَفاق‌لار هاچان دؤشه‌سی و واری بو ایش‌لَرینگ اولونماکی زامانینا یاخین اولماک نیشاناسی نه دیر؟» 5عیسا دا اوللارا دئدی: «گؤزله‌یینز تا هئچ‌کَس سیزی یولدان چیخارتمیا. 6چوخ آداملار مَنیم آدیمدا گلَرلَر و دئیه‌رلَر: ”من اویام!“ و چوخ آداملاری یولدان چیخارتارلار. 7جَنگ‌لَردن ائشیدَنده و جَنگ‌لَر خَبری قولاقینزا ائتیشَنده، تَلواسه‌یه دؤشمَینز. بو ایشلَر یئرینه ائتیشه‌سی، آما بو حَلی آخیر ده‌ییل. 8بیر ملّت، آیری ملّتینگ و بیر پادشاه‌لیگ، آیری پادشاه‌لیگینگ ضدّینه تورار آیاقی و فَرقلی یئرلَرده زلزله‌لَر اولور و قَحطلوق‌لَر دؤشَر. بو دردلَر، دوغان آروادینگ آغیریقی له‌یین، اوندان سورا گلَن دردلَرینگ تازّا اَوّلی دیر.
9«سیز اؤزونزدان هوشکار اولینز. بو سَبریه کی سیزی مَحکمه‌لَره تَحویل وئره‌رلَر و عبادتگاه‌لاردا سیزی وورارلار و سیز، منیم بالاما والی‌لار و پادشاهلار حُضوروندا توراراینز تا منیم باره‌مده، اوللارا شهادت وئرَینز. 10اَوّل تارئ پادشاه‌لیگی‌نینگ خوش خَبری واری ملّت‌لَره اعلام اولاسی. 11اوندا کی سیزی توتالّار و مَحکمه‌یه چَکلَّر، ایلَری ایلَری نگران اولمانز کی نه دئیه‌سینز. او موقعده، هَرنه‌یی کی سیزه وئریلیر، دئیینز. بو سَبریه کی دانیشان سیز ده‌ییلَینز، بلکی تارئ‌نینگ قُدّوس روحو دیر. 12کاکا، کاکایی تَحویل وئره‌ر تا اؤلومه گئده، و بووآ، اؤز اولادینی. اولادلار اؤز آنا بووآلاری‌نینگ ضدّینه تورارلار آیاقی و اوللاری اؤلومه وئره‌رلَر. 13واری‌کَس منیم آدیم خاطرینه سیزدَن نفرت وارلاری اولور؛ آما او آدام کی آخیرانچاز طاقت ائده، نجات توتار.
بویوک وَحشت
14«اوندا کی گؤردونز کی مَعبد بیر پیس رَقم حُرمَت‌سیز اولموش،» - اوخویان دقّت ائدسین - «او آداملار کی یهودیه ولایتینده دیرلار، داغلارا قاچسینلَر. 15او دا کی ائوینگ پُشت‌بامیندا دیر، بیر زاد گؤتورمَک ایچی آشاغی گلمه‌سین و ائو ایچینه گئدمه‌سین؛ 16او آدام دا کی اَکین یئری اوستونده دیر، قاباسینی گؤتورمَک ایچی گئری دؤنمه‌سین. 17وای او آروادلار حالینا کی او گؤنلَرده اوشاقلی دیرلار یا دا اوشاق سؤدده وارلاری! 18دُعا ائدینز کی بو تَفاق‌لار قیشده دؤشمیه. 19او گؤنلَرده ائله بویوک مُصیبت گلَر کی، تارئ دنیایی یارتماکینگ بَنا و بُنیادینی قؤیاندان بَری، بیر بونا بنزه‌ین نه اولموش، نه ده اولور. 20اگر رَب او گؤنلَری کوتاه ائدمه‌سَیدی، هئچ آدام جان بُرد ائدمَزدی. آما سَچیلن‌لَرینگ خاطرینه، یعنی ائله اوللار کی اؤزو اوللاری سَچمیش، رَب او گؤنلَری کوتاه ائدمیش. 21او زامان اگر بیر کَس سیزه دئیه: ”باخ! وَعده وئریلَن مَسیح بوردا دیر،“ یا دا ”باخ! اؤردا دیر،“ اینانماینز. 22بو سَبریه کی یالان مَسیح‌لَر و یالان پیغمبرلَر آیاق توتارلار و نیشانالار و مُعجزه‌لَر ائده‌رلَر تا اگر اولا، سَچیلی‌لَری یولدان چیخارتالّار. 23پس هوشکار اولینز؛ من ایلَری ایلَری واری بو زادلاری سیزه دئمیشَم تا سیز آماده اولاینز.
وَعده وئریلَن مَسیح‌نینگ گلمَکی
24«آما او گؤنلَرده، او مُصیبتدن سورا، اوندا کی وَعده وئریلَن مَسیح گلیر، گؤن قَرَنگی اولور و آی، داها اؤز ایشّیقینی وئرمَز، 25اولدوزلار گؤیدَن دؤشَرلَر و گؤی‌لَرینگ قُدرت‌لَری تیتریه‌رلَر. 26اوندا انسان اوغلونو گؤرَرلَر کی بولوت‌لار ایچینده، عظمتلی قُدرت و شوکت اینَن گلیر. 27او، فرشته‌لَری یوللایار و فرشته‌لَر، اوللاری کی او سَچمیش، دنیانینگ دؤرد گوشاسیندان، یئرینگ بو تئییندَن، گؤیونگ او تئیینانچاز، ییغَرلَر.
انجیر آغاجی‌نینگ مَثَلی
28«انجیر آغاجیندان بو درسی اؤرگنینز. انجیر آغاجی‌نینگ شاخالاری تینجه ووردوگو اینن و برگی گئیَردیگی اینن، سیز بیلیرَینز کی توسان یاخین دیر. 29ائله بئله ده، اوندا کی بو زادلارینگ اولونماکینی گؤرورَینز، بیلینز کی انسان اوغلونونگ گلمَکی یاخین دیر، قاپیدا دیر. 30گرچَکینی سیزه دئییرم، اوندایانچاز کی واری بو زادلار یئرینه ائتیشمه‌یه، بو نَسل آرادان گئدمَز. 31یئر اینن گؤی آرادان گئده‌ر، آما منیم سؤزلَریم هئچ زامان آرادان گئدمَز.
32«گؤیده‌کی بووآدان آیری، هئچ‌کَس او گؤن و او ساعتی بیلمه‌ییر؛ حتّی گؤیونگ فرشته‌لَری و اوغول دا بیلمه‌ییرلَر. 33هوشکار اولینز و گؤزونز یولدا اولسون، بو سَبریه کی بیلمئیرَینز او زامان هاچان ائتیشَر. 34انسان اوغلونونگ گلمَکی بیر کیشیه بنزه‌‌‌ییر کی سئیر بیر سَفره گئده. او گئدَنده ائوی‌نینگ اختیارینی نوکرلَرینه وئریر و هر بیرینی اؤز ایشی باشینا یوللاییر و ائوینگ ناتّورینا دا فرمان وئریر کی اویاق قالا. 35پس، اویاق قالینز؛ چونکی بیلمئیرَینز کی ائو اَیه‌سی هاچان گلَر، آغشام چاغی یا گئجه یاری، خوروس بونگ وئرَن وخت یا سَحر چاغی. 36ائدمئیه کی بیردن گله و سیزی اوخودا گؤره. 37سیزه دئدیگیمی، واری کَسه دئییرم: گؤزونز یولدا اولسون!»
@ 2024 Korpu Company
مَرقُس 13
13
عیسا مَعبد یومورولماگینی پیشگولیگ ائدیر
1عیسا مَعبددَن چیخَنده، شاگردلَری‌نینگ بیری بئلَسینه دئدی: «اُستاد، باخ! نه‌یین نه‌یین داشلار و نه‌یین نه‌یین عِمارت‌لَر!» 2عیسا بئلَسینه دئدی: «بو عَظمتلی عِمارت‌لَری گؤرورَینگ؟ بو گؤردوگونز مَعبدینگ عِمارت‌لَری، ائله یومورولارلار کی حتّی داش داش اوستونه قؤیولو قالماز.»
3اوندا کی عیسا زیتون داغیندا مَعبدینگ قَرشیسینده اوتورموشدو، پِطرُس، یَعقوب، یوحَنّا و آندریاس بی سَس اوندان خبر آلدیلار: 4«بیزه دئ گؤره‌ک بو تَفاق‌لار هاچان دؤشه‌سی و واری بو ایش‌لَرینگ اولونماکی زامانینا یاخین اولماک نیشاناسی نه دیر؟» 5عیسا دا اوللارا دئدی: «گؤزله‌یینز تا هئچ‌کَس سیزی یولدان چیخارتمیا. 6چوخ آداملار مَنیم آدیمدا گلَرلَر و دئیه‌رلَر: ”من اویام!“ و چوخ آداملاری یولدان چیخارتارلار. 7جَنگ‌لَردن ائشیدَنده و جَنگ‌لَر خَبری قولاقینزا ائتیشَنده، تَلواسه‌یه دؤشمَینز. بو ایشلَر یئرینه ائتیشه‌سی، آما بو حَلی آخیر ده‌ییل. 8بیر ملّت، آیری ملّتینگ و بیر پادشاه‌لیگ، آیری پادشاه‌لیگینگ ضدّینه تورار آیاقی و فَرقلی یئرلَرده زلزله‌لَر اولور و قَحطلوق‌لَر دؤشَر. بو دردلَر، دوغان آروادینگ آغیریقی له‌یین، اوندان سورا گلَن دردلَرینگ تازّا اَوّلی دیر.
9«سیز اؤزونزدان هوشکار اولینز. بو سَبریه کی سیزی مَحکمه‌لَره تَحویل وئره‌رلَر و عبادتگاه‌لاردا سیزی وورارلار و سیز، منیم بالاما والی‌لار و پادشاهلار حُضوروندا توراراینز تا منیم باره‌مده، اوللارا شهادت وئرَینز. 10اَوّل تارئ پادشاه‌لیگی‌نینگ خوش خَبری واری ملّت‌لَره اعلام اولاسی. 11اوندا کی سیزی توتالّار و مَحکمه‌یه چَکلَّر، ایلَری ایلَری نگران اولمانز کی نه دئیه‌سینز. او موقعده، هَرنه‌یی کی سیزه وئریلیر، دئیینز. بو سَبریه کی دانیشان سیز ده‌ییلَینز، بلکی تارئ‌نینگ قُدّوس روحو دیر. 12کاکا، کاکایی تَحویل وئره‌ر تا اؤلومه گئده، و بووآ، اؤز اولادینی. اولادلار اؤز آنا بووآلاری‌نینگ ضدّینه تورارلار آیاقی و اوللاری اؤلومه وئره‌رلَر. 13واری‌کَس منیم آدیم خاطرینه سیزدَن نفرت وارلاری اولور؛ آما او آدام کی آخیرانچاز طاقت ائده، نجات توتار.
بویوک وَحشت
14«اوندا کی گؤردونز کی مَعبد بیر پیس رَقم حُرمَت‌سیز اولموش،» - اوخویان دقّت ائدسین - «او آداملار کی یهودیه ولایتینده دیرلار، داغلارا قاچسینلَر. 15او دا کی ائوینگ پُشت‌بامیندا دیر، بیر زاد گؤتورمَک ایچی آشاغی گلمه‌سین و ائو ایچینه گئدمه‌سین؛ 16او آدام دا کی اَکین یئری اوستونده دیر، قاباسینی گؤتورمَک ایچی گئری دؤنمه‌سین. 17وای او آروادلار حالینا کی او گؤنلَرده اوشاقلی دیرلار یا دا اوشاق سؤدده وارلاری! 18دُعا ائدینز کی بو تَفاق‌لار قیشده دؤشمیه. 19او گؤنلَرده ائله بویوک مُصیبت گلَر کی، تارئ دنیایی یارتماکینگ بَنا و بُنیادینی قؤیاندان بَری، بیر بونا بنزه‌ین نه اولموش، نه ده اولور. 20اگر رَب او گؤنلَری کوتاه ائدمه‌سَیدی، هئچ آدام جان بُرد ائدمَزدی. آما سَچیلن‌لَرینگ خاطرینه، یعنی ائله اوللار کی اؤزو اوللاری سَچمیش، رَب او گؤنلَری کوتاه ائدمیش. 21او زامان اگر بیر کَس سیزه دئیه: ”باخ! وَعده وئریلَن مَسیح بوردا دیر،“ یا دا ”باخ! اؤردا دیر،“ اینانماینز. 22بو سَبریه کی یالان مَسیح‌لَر و یالان پیغمبرلَر آیاق توتارلار و نیشانالار و مُعجزه‌لَر ائده‌رلَر تا اگر اولا، سَچیلی‌لَری یولدان چیخارتالّار. 23پس هوشکار اولینز؛ من ایلَری ایلَری واری بو زادلاری سیزه دئمیشَم تا سیز آماده اولاینز.
وَعده وئریلَن مَسیح‌نینگ گلمَکی
24«آما او گؤنلَرده، او مُصیبتدن سورا، اوندا کی وَعده وئریلَن مَسیح گلیر، گؤن قَرَنگی اولور و آی، داها اؤز ایشّیقینی وئرمَز، 25اولدوزلار گؤیدَن دؤشَرلَر و گؤی‌لَرینگ قُدرت‌لَری تیتریه‌رلَر. 26اوندا انسان اوغلونو گؤرَرلَر کی بولوت‌لار ایچینده، عظمتلی قُدرت و شوکت اینَن گلیر. 27او، فرشته‌لَری یوللایار و فرشته‌لَر، اوللاری کی او سَچمیش، دنیانینگ دؤرد گوشاسیندان، یئرینگ بو تئییندَن، گؤیونگ او تئیینانچاز، ییغَرلَر.
انجیر آغاجی‌نینگ مَثَلی
28«انجیر آغاجیندان بو درسی اؤرگنینز. انجیر آغاجی‌نینگ شاخالاری تینجه ووردوگو اینن و برگی گئیَردیگی اینن، سیز بیلیرَینز کی توسان یاخین دیر. 29ائله بئله ده، اوندا کی بو زادلارینگ اولونماکینی گؤرورَینز، بیلینز کی انسان اوغلونونگ گلمَکی یاخین دیر، قاپیدا دیر. 30گرچَکینی سیزه دئییرم، اوندایانچاز کی واری بو زادلار یئرینه ائتیشمه‌یه، بو نَسل آرادان گئدمَز. 31یئر اینن گؤی آرادان گئده‌ر، آما منیم سؤزلَریم هئچ زامان آرادان گئدمَز.
32«گؤیده‌کی بووآدان آیری، هئچ‌کَس او گؤن و او ساعتی بیلمه‌ییر؛ حتّی گؤیونگ فرشته‌لَری و اوغول دا بیلمه‌ییرلَر. 33هوشکار اولینز و گؤزونز یولدا اولسون، بو سَبریه کی بیلمئیرَینز او زامان هاچان ائتیشَر. 34انسان اوغلونونگ گلمَکی بیر کیشیه بنزه‌‌‌ییر کی سئیر بیر سَفره گئده. او گئدَنده ائوی‌نینگ اختیارینی نوکرلَرینه وئریر و هر بیرینی اؤز ایشی باشینا یوللاییر و ائوینگ ناتّورینا دا فرمان وئریر کی اویاق قالا. 35پس، اویاق قالینز؛ چونکی بیلمئیرَینز کی ائو اَیه‌سی هاچان گلَر، آغشام چاغی یا گئجه یاری، خوروس بونگ وئرَن وخت یا سَحر چاغی. 36ائدمئیه کی بیردن گله و سیزی اوخودا گؤره. 37سیزه دئدیگیمی، واری کَسه دئییرم: گؤزونز یولدا اولسون!»
@ 2024 Korpu Company