مَرقُس 11
11
عیسا بیر پادشاه لهیین اورشلیمه گلیر
1اورشلیم شَهرینه یاخین اولاندا، زیتون داغینداکی بِیتفاجی و بِیتعَنیا کَندلَرینه ائتیشنده، عیسا ایکّی نفر اؤز شاگردلَریندن یوللادی 2و اوللارا دئدی: «قَرشیدهکی کَنده گئدینز، ائله کَند ایچینه گئتدیگی اینَن بیر باغلی قودوقو بولاراینز کی ایندییانچاز هئچکَس اؤنا مینمهمیش. اونو آچینز و گتیرینز. 3اگر بیر کَس سیزه دئدی، ”نه ایچی بئله ائدیرَینز؟“ دئیینز: ”رَبّینگ ایشیندَن دیر و فوری دا قودوقو یوللایار گئری.“» 4او ایکّی گئتدیلَر و کوچهده بیر قودوقو کی قاپیدا باغلی ایدی بولدولار و اؤنو آچدیلار. 5اؤردا توران آداملارینگ بیر پاراسی دئدیلر: «قودوقو نه ایچی آچیراینز؟» 6او ایکّی شاگرد عیسا دئدیگییی اوللارا دئدیلَر و او آداملار دا قؤیدولار تا اوللار گئدَلَّر. 7شاگردلَر قودوقو عیسا یانینا گتیردیلَر، اؤز قابالارینی قودوقونگ اوستونه آتدیلار و عیسا اؤنا میندی. 8عیسا آردی سورا گئدَن آداملارینگ چوخو اؤز قابالارینی عیسا یولو اوستونه سَرمکه باشلادیلار و آیری آداملار دا برگلی شاخالاری کی اَکینلَر اوستوندن قازمیشلاردی، یول اوستونه سَریرلَردی. 9او جمعیت کی عیسادان ایلَری گئدیرلَر ایدی و او جمعیت دا کی عیسا دالی آردیندان گلیرلَر ایدی، اوجا سَس اینَن دئییرلَردی: «نجات وئر! مُتبارک اولسون او کی رَبّینگ آدیندا گلیر! 10جَدّیمیز داوود پادشاهلیگینینگ گلمَکی مُتبارک اولسون. گؤیلَرینگ ائنگ اوخاریسیندا نجات.» 11عیسا اورشلیم شَهرینه گلدی و گئتدی مَعبده. اؤردا دئییرینه، واری زادا بیر باخدی آما بو سَبریه کی داها گئج موقع ایدی شَهردن چیخدی و او اون ایکّی شاگرد اینن بِیتعَنْیا کَندینه گئتدی تا گئجهیی اؤردا قالالّار.
عیسا انجیر آغاجینی لَعنت ائدیر
12او گؤنونگ صاباسی اوللار بِیتعَنْیادان گلَنده عیسا آج ایدی. 13ایراقدان بیر گئ انجیر آغاجی گؤردو؛ اونا ساری گئتدی گؤره اوستونده انجیر بولا بیلَر یا یو. آغاجا یاخین اولاندا برگدَن آیری اوندا هئچنه بولمادی، بو سَبریه کی حَلی انجیر فَصلی دهییلدی. 14عیسا آغاجا دئدی: «داها هئچوخت هئچکَس سَندن میوه یئمهسین.» شاگردلَری بونو ائشیتدیلَر.
عیسا مَعبدده
15عیسا اینان شاگردلَری ائتیشدیلَر اورشلیم شَهرینه. عیسا گئتدی مَعبده و واری او آداملاری کی مَعبد ایچینده معامله ائدیرلَر ایدی، مَعبددَن سالدی یازّیا. عیسا صَرّافلار میزلَرینی و گؤیاَرچین ساتانلارینگ کورسیلارینی کوپ ائدی. 16عیسا قؤیمادی کی خلخ اَثاث آپارماک گتیرمَک ایچی مَعبد ایچیندن رَد اولالّار. 17عیسا اوللارا تَعلیم وئرمَکه باشلادی و دئییردی: «بئیه مُقدّس یازیلیلاردا یازیلمامیش کی، ”منیم ائویمه دئیهرلَر، دُعا ائوی واری ملّتلَر ایچی“؟ آما سیز اؤنو اوغرولار یووآسی ائدمیشَینز.» 18باش کاهِنلَر کی مَعبدینگ عالِملَری ایدیلر و تورات معلّملَری بونو ائشیتدیلَر و بیر یول گزیرلَردی تا عیسایی نابود ائدَلَّر. آما قورخیرلاردی کی عیسایی توتالّار بو سَبریه کی بوتون جمعیت عیسا تَعلیمیندن حیران قالمیشلاردی.
قورّویان انجیر آغاجینینگ درسی
19قَرَنگی دؤشَنده، عیسا اینان شاگردلَری شَهردن چیخدیلَر یازّیا. 20سَحر ناماچاغی یولدا گئدَنده، گؤردولَر کی او انجیر آغاجی بورّوجه قورّوموش. 21پِطرُس انجیر آغاجینا اولان ایشی یادا گتیردی و عیسایا دئدی: «اُستاد، باخ! لَعنت ائدیگینگ انجیر آغاجی قورّوموش.» 22عیسا اوللارا دئدی: «تارئیا ایمان وارینز اولسون. 23گرچَکینی سیزه دئییرم، هَرکَس اؤرداکی داغا دئسه، ’یئرینگدن قازیل و دریایا آتیل‘ و اؤرهکینده شَک ائدمئیه بلکی ایمان واری اولا کی دئدیگی سؤز یئرینه ائتیشَر، اؤنونگ ایچی اولونار. 24پس سیزه دئییرَم، هَرنهیی کی دُعادا سئیرَینز، ایمان وارینز اولسون کی اؤنو اَله گتیرمیشَینز و او سیزینگ اولور.
25«دُعا ائدنده، اگر بیر کَسدَن بیر زاد اؤرهکینزده وارینز او آدامی باغیشلاینز تا سیزینگ گؤیدهکی بووآینز دا سیزینگ خطالارینزی باغیشلایا. 26آما اگر سیز باغیشلامیاینز، گؤیدهکی بووآینز ده، سیزینگ تَقصیرلَرینزی باغیشلاماز.»
عیسانینگ اِقتداری بارهسینده سؤال اولونیر
27عیسا اینان شاگردلَری گئنه اورشلیم شَهرینه گلدیلَر. اوندا کی عیسا مَعبدده گزیردی باش کاهِنلَر، تورات معلّملَری و شیخلَر اؤنونگ یانینا گلدیلَر 28و اؤنا دئدیلَر: «نه حَق اینان بو ایشلَری گؤرورَینگ؟ کیم سَنه بو ایشلَرینگ گؤرمَکی حَقّینی وئرمیش؟» 29عیسا اوللارا دئدی: «من ده سیزدَن بیر زاد خبر آلارام؛ منه جواب وئرینز و من ده سیزه دئیهرَم کی نه حَق اینَن بو ایشلَری گؤرورَم. 30یحیا کیمینگ حَقّی اینَن تَعمید وئریردی؟ بو حَق تارئ طَرفیندَن اؤنا وئریلمیش ایدی یا انسان طَرفیندن؟ جوابیمی وئرینز.» 31اوللار بیر بیر اینن شوهْر ائدیلَر و دئدیلَر: «اگر دئیهک: ”تارئ طَرفیندَن،“ او بیزه دئیهر: ”پس نه ایچی اؤنا اینانمادینز؟“ 32دئیه بیلمئیرَک دا کی: ”انسان طَرفیندَن“...» - اوللار خلخدَن قورخیرلاردی، چونکی واریکَس اینانمیشدی کی یحیا گرچَکدن بیر پیغمبر دیر. 33پس عیسایا جواب وئردیلَر: «بیز بیلمئیرَک.» عیسا دا اوللارا دئدی: «من ده سیزه دئمَم کی نه حَق اینَن بو ایشلَری گؤرورَم.»
@ 2024 Korpu Company
مَرقُس 11
11
عیسا بیر پادشاه لهیین اورشلیمه گلیر
1اورشلیم شَهرینه یاخین اولاندا، زیتون داغینداکی بِیتفاجی و بِیتعَنیا کَندلَرینه ائتیشنده، عیسا ایکّی نفر اؤز شاگردلَریندن یوللادی 2و اوللارا دئدی: «قَرشیدهکی کَنده گئدینز، ائله کَند ایچینه گئتدیگی اینَن بیر باغلی قودوقو بولاراینز کی ایندییانچاز هئچکَس اؤنا مینمهمیش. اونو آچینز و گتیرینز. 3اگر بیر کَس سیزه دئدی، ”نه ایچی بئله ائدیرَینز؟“ دئیینز: ”رَبّینگ ایشیندَن دیر و فوری دا قودوقو یوللایار گئری.“» 4او ایکّی گئتدیلَر و کوچهده بیر قودوقو کی قاپیدا باغلی ایدی بولدولار و اؤنو آچدیلار. 5اؤردا توران آداملارینگ بیر پاراسی دئدیلر: «قودوقو نه ایچی آچیراینز؟» 6او ایکّی شاگرد عیسا دئدیگییی اوللارا دئدیلَر و او آداملار دا قؤیدولار تا اوللار گئدَلَّر. 7شاگردلَر قودوقو عیسا یانینا گتیردیلَر، اؤز قابالارینی قودوقونگ اوستونه آتدیلار و عیسا اؤنا میندی. 8عیسا آردی سورا گئدَن آداملارینگ چوخو اؤز قابالارینی عیسا یولو اوستونه سَرمکه باشلادیلار و آیری آداملار دا برگلی شاخالاری کی اَکینلَر اوستوندن قازمیشلاردی، یول اوستونه سَریرلَردی. 9او جمعیت کی عیسادان ایلَری گئدیرلَر ایدی و او جمعیت دا کی عیسا دالی آردیندان گلیرلَر ایدی، اوجا سَس اینَن دئییرلَردی: «نجات وئر! مُتبارک اولسون او کی رَبّینگ آدیندا گلیر! 10جَدّیمیز داوود پادشاهلیگینینگ گلمَکی مُتبارک اولسون. گؤیلَرینگ ائنگ اوخاریسیندا نجات.» 11عیسا اورشلیم شَهرینه گلدی و گئتدی مَعبده. اؤردا دئییرینه، واری زادا بیر باخدی آما بو سَبریه کی داها گئج موقع ایدی شَهردن چیخدی و او اون ایکّی شاگرد اینن بِیتعَنْیا کَندینه گئتدی تا گئجهیی اؤردا قالالّار.
عیسا انجیر آغاجینی لَعنت ائدیر
12او گؤنونگ صاباسی اوللار بِیتعَنْیادان گلَنده عیسا آج ایدی. 13ایراقدان بیر گئ انجیر آغاجی گؤردو؛ اونا ساری گئتدی گؤره اوستونده انجیر بولا بیلَر یا یو. آغاجا یاخین اولاندا برگدَن آیری اوندا هئچنه بولمادی، بو سَبریه کی حَلی انجیر فَصلی دهییلدی. 14عیسا آغاجا دئدی: «داها هئچوخت هئچکَس سَندن میوه یئمهسین.» شاگردلَری بونو ائشیتدیلَر.
عیسا مَعبدده
15عیسا اینان شاگردلَری ائتیشدیلَر اورشلیم شَهرینه. عیسا گئتدی مَعبده و واری او آداملاری کی مَعبد ایچینده معامله ائدیرلَر ایدی، مَعبددَن سالدی یازّیا. عیسا صَرّافلار میزلَرینی و گؤیاَرچین ساتانلارینگ کورسیلارینی کوپ ائدی. 16عیسا قؤیمادی کی خلخ اَثاث آپارماک گتیرمَک ایچی مَعبد ایچیندن رَد اولالّار. 17عیسا اوللارا تَعلیم وئرمَکه باشلادی و دئییردی: «بئیه مُقدّس یازیلیلاردا یازیلمامیش کی، ”منیم ائویمه دئیهرلَر، دُعا ائوی واری ملّتلَر ایچی“؟ آما سیز اؤنو اوغرولار یووآسی ائدمیشَینز.» 18باش کاهِنلَر کی مَعبدینگ عالِملَری ایدیلر و تورات معلّملَری بونو ائشیتدیلَر و بیر یول گزیرلَردی تا عیسایی نابود ائدَلَّر. آما قورخیرلاردی کی عیسایی توتالّار بو سَبریه کی بوتون جمعیت عیسا تَعلیمیندن حیران قالمیشلاردی.
قورّویان انجیر آغاجینینگ درسی
19قَرَنگی دؤشَنده، عیسا اینان شاگردلَری شَهردن چیخدیلَر یازّیا. 20سَحر ناماچاغی یولدا گئدَنده، گؤردولَر کی او انجیر آغاجی بورّوجه قورّوموش. 21پِطرُس انجیر آغاجینا اولان ایشی یادا گتیردی و عیسایا دئدی: «اُستاد، باخ! لَعنت ائدیگینگ انجیر آغاجی قورّوموش.» 22عیسا اوللارا دئدی: «تارئیا ایمان وارینز اولسون. 23گرچَکینی سیزه دئییرم، هَرکَس اؤرداکی داغا دئسه، ’یئرینگدن قازیل و دریایا آتیل‘ و اؤرهکینده شَک ائدمئیه بلکی ایمان واری اولا کی دئدیگی سؤز یئرینه ائتیشَر، اؤنونگ ایچی اولونار. 24پس سیزه دئییرَم، هَرنهیی کی دُعادا سئیرَینز، ایمان وارینز اولسون کی اؤنو اَله گتیرمیشَینز و او سیزینگ اولور.
25«دُعا ائدنده، اگر بیر کَسدَن بیر زاد اؤرهکینزده وارینز او آدامی باغیشلاینز تا سیزینگ گؤیدهکی بووآینز دا سیزینگ خطالارینزی باغیشلایا. 26آما اگر سیز باغیشلامیاینز، گؤیدهکی بووآینز ده، سیزینگ تَقصیرلَرینزی باغیشلاماز.»
عیسانینگ اِقتداری بارهسینده سؤال اولونیر
27عیسا اینان شاگردلَری گئنه اورشلیم شَهرینه گلدیلَر. اوندا کی عیسا مَعبدده گزیردی باش کاهِنلَر، تورات معلّملَری و شیخلَر اؤنونگ یانینا گلدیلَر 28و اؤنا دئدیلَر: «نه حَق اینان بو ایشلَری گؤرورَینگ؟ کیم سَنه بو ایشلَرینگ گؤرمَکی حَقّینی وئرمیش؟» 29عیسا اوللارا دئدی: «من ده سیزدَن بیر زاد خبر آلارام؛ منه جواب وئرینز و من ده سیزه دئیهرَم کی نه حَق اینَن بو ایشلَری گؤرورَم. 30یحیا کیمینگ حَقّی اینَن تَعمید وئریردی؟ بو حَق تارئ طَرفیندَن اؤنا وئریلمیش ایدی یا انسان طَرفیندن؟ جوابیمی وئرینز.» 31اوللار بیر بیر اینن شوهْر ائدیلَر و دئدیلَر: «اگر دئیهک: ”تارئ طَرفیندَن،“ او بیزه دئیهر: ”پس نه ایچی اؤنا اینانمادینز؟“ 32دئیه بیلمئیرَک دا کی: ”انسان طَرفیندَن“...» - اوللار خلخدَن قورخیرلاردی، چونکی واریکَس اینانمیشدی کی یحیا گرچَکدن بیر پیغمبر دیر. 33پس عیسایا جواب وئردیلَر: «بیز بیلمئیرَک.» عیسا دا اوللارا دئدی: «من ده سیزه دئمَم کی نه حَق اینَن بو ایشلَری گؤرورَم.»
@ 2024 Korpu Company