O NAHUM 1
1
1 #
Yes. 10:5-34, 14:24-27; Zef. 2:13-15 Nënanga ma Jou Madutu Ai behehongo yakorona o Niniwe. O behehongo gënanga wohi nyata deʼ o lolega wohidö döa-döaka o Nahumika, woma tengo ma nabi ai ahali o Elkosino.
Ma Jou Ai gangamo o Niniweika
2Ma Jou o Jou Madutu woluku imaketero de de Unanga,
o nyawa iwi lawa-lawani, maraioka yamake o hukumanga.
De duru womuruka,
Unanga wabalahi o hininga magogono onangika.
3Igoungu ma Jou, itaitua wo ngamo;
mä Unangö duru wokuaha
hiädono o nagona honanga yodiai o howono,
aha yo bebasua o hukumanga.
Kiaka ma Jou wotagi, genangoka ipuda o rato;
Ai l̄ou wohi doko-doko mangïoka, genangoka o kafo idadi o lobi.
4Unanga wodorohu o ngöto deʼ wadudungu,
hagala o ngairi idadi imata ma akere.
O Karmel mal̄oku deʼ o tonaka ma lua-luasi o Basyanoka idadi ito ongoro
deʼ o Libanonoka imaai hagala o bunga-bunga.
5Hagala o l̄oku ihahara Ai himangoka;
deʼ o doporonö idadi iwaro mata-mata.
Nako ma Jou wotagi Ai himangika, o dunia ihahara,
o dunia deʼ mata-mata manyawa yohahara.
6O nagona yakunu imatumungu nako ma Jou womuruka?
Moiua yakunu yootana Ai gangamoino?
Unanga wohi aiki Ai gangamo itö toka-tokara
o helewo iwedere deʼ idadi o kafo Ai himangoka.
7Ma Jou gënanga yaoa, Unanga wä hohongino Ai umati maöraha önanga yohuha,
Unanga wä goana o nyawa imahö hohongo Unangika.
8Hokä o nguihi ma amo-amoko iolu,
yawedere hagala Ai haturu.
Onanga yobarani iwi lawani Unanga
kawa hohonenge hiädono yobinaha.
9O datoro okia ö nadodiai iwilawani ma Jou,
maraioka aha nia make okia-kiaua idadi.
Unanga aha wabalahua Ai hininga magogono
hiädono higali mahinoto hagala Ai haturuika.
10Ngona aha ini harongo hokä o gandum ma röehe madoolenge
hokä o momo irubu-rubu mahohihika ima kokurugihino.
11Ngonaino, hei Niniwe, wo hupuoka woma tengo iwi omanga deʼ o datoro ma dorou. Unanga wodiai o datoro mangale wilawani ma Jou. 12Done ma Jou wätemo o Israelika, Ai umati, ”Ngaroko hagala o Asyur manyawa gënanga yokuata ikali manga gegetongo ma ngöe, mä önanga aha yowedere daha yohihanga. Hei Ahi nyawa, Ngohi tini diaioka nia tagongo o hangihara, mä Ngohi aha tadiaiokauaoli. 13O öraha nënanga aha To hibobaha o Asyur manga kuaha mangale ngini, deʼ Ta toaka o rante inihilö liko-liko ngini.”
14Nënanga ma Jou Ai putuhu yakorona o Asyur manyawa, ”Onanga aha koiwa toönanga madifauku mangale manga hoana idogo. O gomanga ma dulada-dulada naga manga gikiri matau magoronaka, aha Tawedere. Mangale o Asyur manyawa ma lungunu magogïria Tahidiai, hababu önanga ipatutua yowango!”
15 #
Yes. 52:7
Nio lega, womatengo o huhuloko woboa watilakuru hagala ol̄oku, woao o abari maoa, o utumu ma abari. Hei o Yehuda ma nyawa, nihi amoko nia wange ma ago-agomo deʼ nifangu nia nasar ma Jou Madutuika. Nia berera aha yakuaha okauaoli o nyawa madorou. Onanga ya wederoka kamamoiuku.
Currently Selected:
O NAHUM 1: TLB
ማድመቅ
ኮፒ
አወዳድር
ያጋሩ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
@ LAI 2002
