ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Әмма Аллаһы безне яратуын шулай исбат итте: Мәсих әле без гөнаһлы чакта ук безнең хакка үлде.

Ә өмет алдамый, чөнки безгә бирелгән Изге Рух йөрәкләребезгә Аллаһының яратуын мул итеп яудыра.

Моның белән генә түгел, кичергән михнәтләребез белән дә горурланабыз, чөнки михнәтнең чыдамлык тудырганын беләбез. Чыдамлыктан – ныклык, ныклыктан өмет барлыкка килә.

Шул рәвешле, иман китереп аклану алгач, Хакимебез Гайсә Мәсих ярдәмендә безнең белән Аллаһы арасында татулык урнашты. Иманыбыз нигезендә Мәсих безгә Аллаһының мәрхәмәтен кабул итүгә юл ачты. Без хәзер шул мәрхәмәткә нык баглыдыр һәм, Аллаһы данын уртаклашырбыз, дигән өмет белән горурланабыз һәм шатланабыз.

Аллаһы тарафыннан билгеләнгән бер вакытта, без әле көчсез чакта, Мәсих имансызлар өчен үлде.

Һәм инде хәзер, Мәсихнең каны белән аклангач, Аның ярдәме белән без Аллаһы ачуыннан котылырбыз.

Бер кешенең буйсынмавы аркасында күпләр гөнаһлы булган кебек, икенче Берәүнең буйсынуы белән күпләр Аллаһы тарафыннан акланачак.

Алай гына да түгел, Хакимебез Гайсә Мәсих ярдәмендә Аллаһы белән татулашкач, без Аллаһы белән горурланабыз.