ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Na Toꞌ, kamura-murahan wā pinaambunan meꞌ Tuhan huma nu supaya meka banahan takattom nu, maka supaya kalap na balanjaꞌ nu ka tubaꞌ anggul nu. Kamura-murahan meka du bangsa dari raayat nu sampay pakokoꞌ ningkau. Maka kamura-murahan binuwat du ko panghuluꞌ lūng-kampung nu sampay pakokoꞌ na du sila ningkau. Kamura-murahan sagannap ma numpaan kau, pinapoleꞌ du meꞌ Tuhan sumpaꞌ da pa jataꞌ da. Kuwan sagannap ma makuhan kau supaat, kamura-murahan sinupaatan du sila meꞌ Tuhan.”

Yuk si Esaw, “Uy la, tud pataꞌ na du ya inawnan si Yaꞌkub batan min duwa na ya bay ngulihal meꞌ na pagantiꞌ niyaku. Sibuwa, lay na takoleꞌ na kapatut ku bilang anak siyaka. Pag batnaa, lay na baw takoleꞌ na supaat ma subay siꞌ niyaku.” Pag-anu siꞌ, lay na baw ya nilaw pabalik, yuk na, “Maꞌ, tud yaꞌ na kina luu samasakali supaat para niyaku?”

Pag-anu yuk si Isahak niiya, “San na ko Toꞌ. Tanaꞌ man nu ina mintu maglahat, yaꞌ na luu masa na kadarihan, boꞌ jalangan gi tuwaꞌ uwan. Inaa sa asahan nu man nu llum yana kataliꞌ nu. Lagiꞌ na, sinukuꞌ ningkau pinagbayaan meꞌ siyali nu. Sugaꞌ bbos-bbos naggaꞌ du sina ko sampay kapaddus du ko man jawom kawasa-kapatut na.”

Kuwan si Esaw siꞌ tu, amu-amu nganjunjung ni mmaꞌ na, yuk na, “Yaꞌ na kina Maꞌ luu san lasa disu supaat para niyaku? Bong siꞌ luu gi, nnaun na pa jataꞌ ku Maꞌ.” Pus na siꞌ mitsala, ilooy ma yaꞌ na ya paagak nangis pahaddo.