ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nihikhulumuwe opaka yooreera, niwoko ehuhu eneeneene nnihephe, hiyo naahiporora.

Tivawo, ehuhu yootheene naapakeleke yooreera atthu ootheene, otepaxa wa amusi a munroromeloni.

Mwaakhelaneke mirindi soolemela, ni hiiho mukwanihere nlamulo na Kristu.

Muhilokottheye – ti woowoopiha omutheya Muluku. Vano yeeyo mutthu onaalaawe, onoohephatho.

Yoowo onaala sootthuna sa erutthu, anaahephe ophwatiwa, mene yoole onaala mwa Munepa Wooteela, anaahephe okumi woohimala.

Axunna, mukina amorela mootthekani, nyuwo muneetta ni Munepa Wootteela, munghokoloxere moota woowiiyeviha mphironi yooreera. Mwiipasoope weera muheereriwe.

Mukina iixuupuwela weera ti ootthuneyaxa ahikhanle, oniilokottha muneenaawe. Khula mutthu iiwehaweheke mmitekonimwawe, ni vano nakhala nthowa na wiivuwiha, nikhaleke ni muneenaawe paahi ahiilikanxeraka ni akina. Khula mutthu ateexeke yooleemelaawe.