ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ईशू दैनअ तेऊ लै ज़बाब, “पबित्र शास्त्रा दी आसा लिखअ द इहअ, ‘मणछ निं सिधअ रोटी करै ज़िऊंदअ, पर परमेशरे बोली दी हरेक गल्‍ला मनी सका सह ज़िऊंदअ रही।’”

तेखअ बोलअ ईशू राख्सा लै, “ओ राख्सा मेरी आछी का हअ दूर, पबित्र शास्त्रा दी आसा लिखअ द, ‘तूह टेक्‍कै सिधअ आपणैं प्रभू परमेशरा सेटा माथअ सिधी तेऊए ई च़ाकरी करै।’”

ईशू बोलअ तेऊ लै, “पबित्र शास्त्रा दी आसा इहअ बी लिखअ द, ‘तम्हैं निं आपणैं परमेशर परखदै लागी।’”

पबित्र आत्मां निंयं तेभी ईशू शुन्‍नैं रेगीस्ताना लै अर तिधी रहअ राख्स तेऊ परखदअ लागी। ईशू रहअ च़ाल़्ही धैल़ै अर च़ाल़्ही राची ब्रतू, अर च़ाल़्ही धैल़ै बाद आई तेऊ भुखै।

ईशू बोलअ तिन्‍नां लै, “ज़ेही तम्हैं म्हाछ़ली कठा करदै आसा लागै दै, मुंह संघै च़ाल्‍ला हुंह सखाऊं तम्हां मेरै च़ेल्‍लै हणां लै मणछ कठा करनै।” तिंयां बी लागै तेभी ज़ज़ाल़ा छ़ाडी तेऊ संघै हांढदै।

तधा पोर्ही किई ईशू लोगा का एही गल्‍ला खोज़णीं शुरू, “आपणैं पापो प्राश्त करा, अर परमेशरा सेटा एछा फिरी, स्वर्गो राज़ गअ नेल़ एछी।”