ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

मेरै शोहरूआ, बिधाता लोल़ी ताल्है बर्गत दैनी, सरगा का लोल़ी ओश पल़ी, ज़िम्मीं लोल़ी तेरी रज़दी-पज़दी हुई नाज़ अर दाखा करै भर्हुई दी, देशा-देशे लोगा प्रैंदै लोल़ी तेरअ राज़ हुअ अर तिन्‍नैं सोभी लोल़ी ताह सेटा माथअ टेक्‍कअ, आपणैं होरी भाईओ बी लोल़ी तूह मालक हुअ अर तिन्‍नां बी टेक्‍कणअ ताह सेटा माथअ। ज़ुंण ताल्है फिटक दैए, तिन्‍नां लै बी भेटणअ फिटक, ज़ुंण ताल्है बर्गत दैए, तिन्‍नां लै बी भेटणीं बर्गत।”

एसाबै बोलअ, “तै निं तेऊ नाअं एही आथी याकब पल़अ द, तेऊ हेरअ हुंह दूई बारी ठगी। पैहली बारी गिम्मअ तेऊ मेरै ज़ेठै हणैंओ हक आप्पू लै अर ऐबै ठगअ हुंह तेऊ इहअ कि तेऊ पाई मेरी बर्गत बी!”

तेखअ बोलअ तेऊए बाब इसहाकै तेऊ लै इहअ, “तेरअ घअर हणअ रज़दी-पज़दी ज़िम्मीं का दूर, ज़िधी सरगा का ओश निं पल़दी। तंऐं हणीं आप्पू ज़िऊंणां लै कबल्‍ली आपणैं हाथै तलबार च़की दी, अर तूह हणअ आपणैं भाऊओ गलाम, पर ज़ेभै तूह आज़ाद हणअ च़ाहे, तेभै पाणअ ताह सह गलामीओ जूँ चोल़ी।”

एसाबै बोलअ आपणैं बाबा लै, “हे मेरै बाबा, मुल्है दैणा लै कै ताखा एक बर्गत बी निं आथी?” इहअ बोली लागअ एसाब हिक्‍की-सल़िक्‍की लेरा लांदअ।