ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ma Jou Madutu mahirete wamuläenge o manarama maoa-oa gënanga nginioka, deʼ ngohi tönganono de tohigoungu Unanga aha wohi gila-gila o manarama gënanga hiädono iböto ma Wange o Kristus Yesus woböali.

Nënanga doka tongohi ahi niniata mangale ngini; tanu ngini kai dogo-dogo niwï dora ma Jou Madutu de nia dodiawo o nyawa deʼ i gila-gila idogo iluku o ganako madiai magoronaka deʼ o lolega i sosawaro. De hoko gënanga ngini nihi öriki nimä ngiriki okia duru maoa-oa, deʼ nia wowango aha i tebini de o howono, ekola o galaki okia dika ma wange o Kristus woböali.

Karana mangale ngohi, tongohi ahi wowango madumutu duga-duga o Kristus! Deʼ o honenge mamangarati o utumu.

Mamoi-mamoi ngohi tomahininga nginika, ngohi totemo tarima kasi ma Jou Madutuika.

Aa, duru hohiamoko öraha nanga ena genangala ngini niwango imatero de okia i gaho-gahoko o Abari ma Oa mangale o Yesus Kristus gënanga. De hoko gënanga boteka ngohi yakunu homaka mäke dede ngini ekola kowali, ngohi aha toihene ngini ikuata nirimoi deʼ nimateke rorebe nima kokutuono mangale duga-duga o dungutu moi deʼ kamoi nia ngigo; enagënanga mangale o ngongaku imatero de o Abari ma Oa ma Jou Madutuino gënanga.

Ngohi duru töigo-igo deʼ töngano-nganono ena genangala uha hakali-kali ngohi tohasilua tongohi ahi manarama magoronaka. I idulu yaino ngohi tönganono hupaya o öraha higëto-gëtongo, maboboloioli öraha nanga, ngohi takunu tomasadia tobarani hiädono de tongohi ahi jiwa de ahi röehe magahumu – kayaoa ngohi towango ekola tohonenge – iti o Kristus iwi himulia.

Hababu ma Jou Madutu winihi döakoka o ngongike nginika koigoungua duga-duga kaniwi ngaku o Kristusika, mä inoli la nia tagongo o hangihara de o Kristus.