2

Die antwoord van die Here.

1 # Jes. 21:8 OP my wagtoring wil ek gaan staan en op 'n skansmuur my stel, en ek wil speur om te sien wat Hy in my sal spreek, en wat ek op my klagte moet antwoord.

2Toe antwoord die Here my en sê: #Jes. 8:1Skryf die gesig op en #Deut. 1:5graveer dit op tafels, sodat hulle dit in die verbygaan kan lees.

3Want #Dan. 10:14die gesig sal nog duur tot op die vasgestelde tyd; maar dit spoed na die einde en sal nie teleurstel nie. As dit mag vertoef, wag daarop; want #Hebr. 10:37 ens.alte seker sal dit kom en nie versuim nie:

4Kyk, sy siel is opgeblase in hom en nie reg nie. #Joh. 3:36Maar die regverdige, deur sy geloof sal hy lewe.

5En bowendien, #Dan. 5:1-4die wyn is 'n bedrieër, 'n trotse man is onbestendig: hy wat sy keel wyd oopmaak soos die doderyk, en soos die dood is hy, so onversadelik — hy vergader vir homself al die nasies en maak vir hom al die volke bymekaar.

6Sal hulle nie almal oor hom 'n spreuk, 'n spotlied aanhef nie, raaisels oor hom maak nie, en sê: Wee die man wat hom verryk met wat nie aan hom behoort nie — hoe lank? — en hom beswaar met verpande goed.

7Sal die wat jou byt, nie skielik opstaan en jou skrikaanjaers nie opwaak, sodat jy vir hulle 'n prooi word nie?

8Omdat jy baie nasies uitgebuit het, sal al die volke wat oorgebly het, jou uitbuit, weens die bloed van die mense en die geweld teen die land, die stad en al sy inwoners.

9Wee hom wat vuil gewin maak vir sy huis, om sy nes in die hoogte te bou, om homself te red uit die greep van onheil.

10Jy het skande beraadslaag vir jou huis: die uitroeiing van baie volke, en het jou lewe verbeur.

11Want die steen uit die muur roep, en die balk uit die timmerasie gee hom antwoord.

12Wee hom wat 'n stad bou met bloed en 'n vesting stig deur onreg.

13Kyk, kom dit nie van die Here van die leërskare dat volke arbei vir vuur en nasies hulle afmat vir niks nie?

14Want #Jes. 11:9die aarde sal vol word met die kennis van die heerlikheid van die Here soos die waters die seebodem oordek.

15Wee hom wat aan sy naaste drank gee, wat jou gif daarmee meng, en hulle ook dronk maak om hulle naaktheid te aanskou.

16Jy het jou versadig met skande in plaas van met eer — drink jy ook nou, en wees ontbloot. Na jou toe sal die beker van die regterhand van die Here omgaan, en skande tref jou eer.

17Want die geweld aan #Jes. 14:8; Jer. 22:23die Líbanon gepleeg, sal jou oordek; en die verwoesting waarmee die diere skrikgemaak is — weens die bloed van die mense en die geweld teen die land, die stad en al sy inwoners.

18 # Jes. 44:10 Wat baat 'n gesnede beeld dat sy maker dit reggekap het, 'n gegote beeld, wat 'n leuenleraar is, dat die maker op sy eie maaksel vertrou, deur stomme afgode te maak?

19Wee hom wat vir 'n stuk hout sê: Word wakker! vir 'n dooie klip: Ontwaak! Kan hy 'n mens leer? Kyk, hy is oorgetrek met goud en silwer, en daar is géén gees in sy binneste nie!

20 # Ps. 11:4 Maar die Here is in sy heilige tempel — #Sef. 1:7swyg voor Hom, o ganse aarde!

HÁBAKUK 2:14

Deel

Kies Jou Taal

Kies Jou Taal