PSALMS 128:3-4

Deel

PSALMS 128:3-4 Bybel vir almal (ABA)

Jou vrou in jou huis sal wees soos 'n wingerdstok wat baie druiwe dra. Jou kinders by jou tafel sal wees soos jong olyfboompies. Jy moet onthou, dit is hoe die Here die persoon sal seën wat Hom dien.

PSALMS 128:3-4 Afrikaans 1933/1953 (AFR53)

Jou vrou is soos 'n vrugbare wingerdstok binne-in jou huis; jou kinders soos olyfboompies rondom jou tafel. Kyk, so sal sekerlik geseën word die man wat die HERE vrees.

PSALMS 128:3-4 Afrikaans 1983 (AFR83)

Jou vrou is in jou huis soos 'n vrugbare wingerdstok, jou seuns is rondom jou tafel soos jong olyfboompies! Kyk, so word die man geseën wat die Here dien.

PSALMS 128:3-4 Die Bybel 2020-vertaling (AFR20)

Jou vrou is soos 'n vrugbare wingerdstok in die binnekamers van jou huis. Jou kinders is soos olyfboompies om jou tafel. Kyk, so sal die man geseën word wat vir die HERE ontsag het.

PSALMS 128:3-4 Contemporary Afrikaans Bible 2023 (CAB23)

Jou vrou sal wees soos 'n vrugbare wingerdstok aan die kante van jou huis: jou kinders soos olyfplante rondom jou tafel. Kyk, so sal die man geseën word wat die HERE vrees.

PSALMS 128:3-4 Die Boodskap (DB)

Jou huwelik sal een groot vreugde wees en jou kinders jou trots! Jou vrou en kinders sal soos ’n goeie oes op die land wees wat jou baie bly maak. Die Here is so ontsettend goed vir jou wat Hom vrees, jy staan in die sonskyn van sy goedheid!

PSALMS 128:3-4 Nuwe Lewende Vertaling (NLV)

In jou woning sal jou vrou wees soos ’n vrugbare wingerdstok. Jou seuns sal wees soos jong olyfbome rondom jou tafel. So seën die HERE die mens wat Hom dien.