MATTEUS 18:23 – Vergelyk alle weergawes

Daarom kan die koninkryk van die hemel vergelyk word met 'n koning wat besluit het om saam met sy amptenare hulle boeke na te gaan.

Daarom word die koninkryk van die hemele vergelyk met 'n sekere koning wat met sy diensknegte wou afreken.

“Om hierdie rede kan God se koningsheerskappy vergelyk word met ’n koning wat besluit het om na te gaan wat sy amptenare hom skuld.

Toe vertel Jesus vir hulle ’n verhaal om te verduidelik wat Hy bedoel: “In God se nuwe wêreld gaan dit soos met ’n koning wat op ’n dag besluit het om sy boeke na te gaan en te kyk wie van sy onderdane hom geld skuld.

Ek sê dit, want God wat in die hemel is, is Koning. Dit is soos wanneer 'n koning besluit om te vra wat sy amptenare met sy geld gedoen het.

“Daarom is die •koninkryk van die hemele soos 'n koning wat rekenskap van sy slawe wou eis.

Daarom word die koninkryk van die hemele vergelyk met 'n sekere koning, wat met sy dienaars rekening sou hou.