2 KONINGS 1:13
2 KONINGS 1:13 Bybel vir almal (ABA)
Die koning het 'n derde offisier en 50 manne gestuur. Hierdie derde offisier het opgeklim en hy het voor Elia gekniel en hom gesoebat en gesê: “Man van God, asseblief, jy moenie vir my en hierdie 50 manne laat sterf nie.
2 KONINGS 1:13 Afrikaans 1933/1953 (AFR53)
En hy het weer 'n owerste van 'n derde vyftig met sy vyftig na hom gestuur. En die derde owerste oor vyftig het opgeklim en aangekom en op sy knieë voor Elía gebuig en hom gesmeek en vir hom gesê: Man van God, laat tog my lewe en die lewe van u dienaars, hierdie vyftig, kosbaar wees in u oë!
2 KONINGS 1:13 Afrikaans 1983 (AFR83)
Die koning stuur toe 'n derde keer 'n offisier met sy vyftig man. Die derde offisier is die berg op. By Elia aangekom, het hy op sy knieë voor hom geval en hom om genade gesmeek: “Man van God, spaar tog asseblief my lewe en die lewe van hierdie vyftig man.
2 KONINGS 1:13 Die Bybel 2020-vertaling (AFR20)
Die koning stuur toe weer iemand, 'n derde aanvoerder van vyftig met sy vyftig man. Die derde aanvoerder van vyftig het opgegaan, daar aangekom en voor Elia op sy knieë neergesak. Hy het hom gesmeek en vir hom gesê: “Man van God, laat my lewe en die lewens van u dienaars, hierdie vyftig man, asseblief kosbaar wees in u oë!
2 KONINGS 1:13 Contemporary Afrikaans Bible 2023 (CAB23)
En hy het weer 'n owerste van die derde vyftig saam met sy vyftig gestuur. En die derde owerste oor vyftig het opgetrek en gekom en voor Elía op sy knieë geval en hom gesmeek en vir hom gesê: O man van God, laat tog my lewe en die lewe van hierdie vyftig u dienaars! wees kosbaar in u oë.
2 KONINGS 1:13 Die Boodskap (DB)
Die koning het toe ’n derde offisier met sy 50 manskappe gestuur. Toe hy Elia bereik, het hy op sy knieë by hom gepleit om sy en sy soldate se lewe te spaar
2 KONINGS 1:13 Nuwe Lewende Vertaling (NLV)
Die koning stuur toe ’n derde keer ’n offisier met 50 soldate. Maar hierdie keer het die offisier gekom en op sy knieë voor Elia geval. Hy het by hom gepleit: “O man van God, spaar asseblief my lewe en die lewe van hierdie 50 manne, u dienaars.