A-pûn Awang 12
12
Abram Lé Yhûmsîng Garai Ji Yu É Hkyô
1Haû Yhûmsîng Garai gi, Abram lé, “Náng é yhummau, náng é byu pé eq náng wâ é yhûm mai htoq mù, Ngò tûn shit râ nghut é mau shut ê àq.
2Ngò gi, nang lé a-myû mó dùt nhâng mù,
nang lé shimân byi râ nghut lhê;
Ngò gi, náng é myìng lé ko nhang râ nghut mù,
nàng gi, shimân jeju achyûng dùt râ nghut lhê.
3Ngò gi, nang lé shimân byî é bang lé, shimân byi mù,
nang lé nhîng é sû lé nhîng pyám râ nghut lhê;
myìdàm htoq mâ é byù myû lhúnglhâng bang gi,
nàng dông mai shimân jeju wó kôrâ nghut lhê.” ga taî ri.
4Haû mù, Abram gi, haû Yhûmsîng Garai taî é eq rajung za htoq ló bê nghut ri; Lot le, yhang eq rahá bo htoq ló ri. Abram gi, Haran wà mai htoq ló é hkûn chyungxe zànwut 75 zân bò bê nghut ri. 5Yhang gi, yhâng é yhûmsîng myhí Sarai lé le, yhang gû yhang zo Lot lé le, yhang wó sing yu é sùtzè bànshoq lé le, Haran má, yhang wó shuî yu é byu pé lé le, shuî chûng yu chûng mù, Hkanan mau shut htoq e ló kô é nghut mù, yhángmòq gi, haú mau má ê jé bekô nghut ri.
6Abram gi, haú mau mai laî byìt luî, Shehkem mau, More jowò mâ é wàqmyòq gàm wang má jé shoq e ri. Haú hkûn, Hkanan byu pé gi, haú mau má nyi to láng bekô nghut ri. 7Haû Yhûmsîng Garai gi, Abram lé htoq shit mù, “Ngò gi, náng é awùt ashín#12:7 Awùt ashín gâ é lé, náng é a-myui le wó nghu lhê. lé, maumyî shî byi râ nghut lhê.” ga taî ri. Haû mù, Abram gi, yhang lé htoq shit é haû Yhûmsîng Garaî é matú, haú jowò má kaúgyàp saî ri.
8Haú mai, yhang gi, Behtela é buìhtoq hkyam mâ é bùm shut e ló mù, buìwàng hkyam mâ é Behtela eq buìhtoq hkyam mâ é Ai wà mó gyoro má zúm saî ri. Yhang gi, haú jowò má, haû Yhûmsîng Garaî é matú kaúgyàp ralhum saí mù, Yhûmsîng Garaî é myìng lé lang bê nghut ri.
9Hau htâng, Abram gi, maupyî shut xoq htoq e ló mù, Maupyî Mau má ê bê nghut ri.
Abram, Egutuq Ming Má E É Hkyô
10Haú hkûn, haú mau má mùtmó gyó é nghut mù, Abram gi, mùtmó gyó é lûm htan é yánmai, Egutuq ming má rayòq rabun zo ê gyó nyi ri. 11Yhang gi, Egutuq ming má jé wang ló râ hkûn, yhâng é yhûmsîng myhí Sarai lé, “Nàng gi, yúng dik é myiwe nghut é lé, ngò sê lhê. 12Egutuq byu pé gi, nang lé lhom myàng kô é hkûn, ‘Shî gi, yhang myi nghut ri.’ ga taí kôrâ nghut lhê. Haú htâng, yhángmòq gi, náng é chyungxe lé lhoqpyun to mù, ngo lé sat pyám kôrâ nghut lhê. 13Haû mù, ngò gi, náng é yánmai, rago lhom kut byî é wó hui râ eq, náng é yánmai, ngá é chyungxe wó byun to râ matú, nàng gi, ngá nhammó nghut lhê nghû taí aq.” ga taî ri.
14Abram gi, Egutuq ming má jé é hkûn, Sarai haû yúng dik é myiwe nghut é lé, Egutuq byu pé lhom myang akô nghut ri. 15Hpara-uq é zaugun sûwún wuî le, yhang lé myàng kôjáng, Hpara-uq é hí má yhang lé hkya-on kôluî, yhang lé hkóhkâm wâng má shuî hâng yu akô nghut ri. 16Hpara-uq gi, Sarai é yánmai, Abram lé rago kut é nghut luî, Abram gi, sau, no myang, loze azìng alo pé, duìnhâng zoshâng myiwe yùqgè wuì eq gola-uk pé lé myang sing yu ri.
17Nghut kôlhang, haû Yhûmsîng Garai gi, Abram é yhûmsîng myhí Sarai é yánmai, gyùq chiq hpo nòlì nòjàng lé, Hpara-uq eq yhâng é yhûmbyù wui chyáng jé nhâng bê nghut ri. 18Haû mù, Hpara-uq gi, Abram lé ji yù mù, “Nàng, ngo lé, haî mù, îsu kut lhê lhú? Yhang gi, náng é yhûmsîng myhí nghut é hkyô lé, nàng, haî mù, ngo lé a taî kyô é lhú? 19Ngò gi, yhang lé, ngá é yhûmsîng myhí kut yû râ dông, nàng, haî mù, ‘Yhang gi, ngá é nhammó nghut lhê.’ nghû taî é lhú? Ahkuî, shî nung myi lé shuî ló àq hkoi!” ga taî ri. 20Hau htâng, Hpara-uq gi, Abram eq séng luî, yhâng é byu pé lé hkunmó hkyô é nghut mù, yhángmòq gi, Abram lé, yhâng é yhûmsîng myhí eq yhang wó é lhúnglháng le kut luî, dé htoq kat bekô nghut ri.
Tans Gekies:
A-pûn Awang 12: znot
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2025, Wycliffe Bible Translators, Inc.
