GWAY GI IDAWUU’D 1
1
AWARKA/ JIN ṮWA/A/ MO
1Mom’bor mii gom wathi/ a’di jin diki ya e bway jin
logoma ’kwanin thus gwo mo,
walla dosh e bway gi imanmii miinthus mo,
walla c̱a’b mo e moŋ’ko gi uni gun ’theḵ shushi mis mo,
2hili mom’bor bwam piti mo tani di’d e gwoŋḵan gi Tap̱a Arumgimis jin c̱inu mo,
dhali e gwoŋḵan piti jin c̱inu mo tani a’di ki c̱i is ki a’di montee mo dhali mon’thiny mo be.
3A’di wana e ki cwa
jin c̱u’thkunu e shemen yi’de/ jin guski’d mo,
a’di jin gwono’dki maman ki yil piti mo,
dhali ’cemen piti diki ḵu’th mo.
Eya ris to ’baar kun miina a’di mo tani a’di rusa/ rus mo.
4Imanmii tonthus mo tani yisa wakana,
hili uni wana e ka ’pi’b jin ’dashkina ’tham mo be.
5Wakan imanmii tonthus mo tani mini ’koki dosh mo ka tee gi gwon dwall jin toru gwo ’twa/a ’cesh mo
walla imanmii miinthus si’da/ e dhan mo ma tul ’kup̱ gi ’kwani ma ḵar/e mo,
6haali/ Tap̱a Arumgimis mishki bway gi a’diŋ ḵar/e mo,
hili bway gi uni gun mii tonthus mo tani ta mony’ce’d sho’k mo be.
Tans Gekies:
GWAY GI IDAWUU’D 1: Udk
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
©Society for International Ministries, 2013