Salmos 3
3
Salmo 3
Sukan kukanu ini o te kakan‑ta'vi o nuu Su'si ma ora ni ndoto o ma
1Su'si maa sa, ni ka ndukua'a xeen
ñayii ñatuu ka kunimani nuu sa a.
Kua'a xeen i ñatuu ka jatna ini
sukan sa'a sukan kúu sa nuu ni a.
2Kua'a xeen i chi sa'a ka ka'an i ja kuu sa, vi Su'si:
“Masu chindee ña'a Su'si i ma ja kaku i”,
ka kuu i ka ka'an i.
3Kovaa ndijin, vi Su'si Iya Tátnuni,
maa ni kúu nuu kuu kaku sa.
Maa ni kúu iya sa'a ja koo jayiñu'u sa.
Maa ni kúu iya ndátaa tnu'u ndee tnu'u ndatnu
ini anua sa a, vi Su'si maa sa.
4Saña chi káyu'u sa jikan‑ta'vi sa nuu Iya Tátnuni ma
ja na chindee ña'a ya,
te maa ya chi onde nuu yuku ii iyo ya ma,
te ni ndakone'e ya ja ni jikan‑ta'vi sa ma.
5Te sii ini‑ni jínkavatuu sa, te kixi sa,
te sii ini‑ni ndóto sa, vaa maa Iya Tátnuni ma jito ña'a.
6Masu koyu'u sa,
visi uxi mil soldado ni ka ndakonduu ña'a nuu iyo sa ma
ja jin ka'ni ña'a de ma,
vaa saña chi kúkanu ini sa ya,
te kuña'a sa ya sa'a:
7“Iya Tátnuni, ndokuiñi ni,
te chindee ña'a ni ja na kaku sa nuu tnundo'o tnuneni a.
Su'si maa sa, maa ni kua'a yikinuu
ñayii ñatuu ka kunimani nuu sa ma, te kaku sa,
te ta'vi ni nu'u ñayii ka sa'a ja u'vi ma.
8Iya Tátnuni, maa ni kúu iya sa'a ja jin kaku
ñayii ñuu ni a nuu ja u'vi ma.
Te maa ni kua'a ja vii ja va'a ja jin kuta'vi i, vi Su'si.”
Tans Gekies:
Salmos 3: xtm
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2013, Wycliffe Bible Translators, Inc. All rights reserved.