Левит 5
5
1Шак мындыг бачыттар туруп болур. Кандыг-бир кижи бир-ле чүүлдү көрүп, билген тургаш, каргыш салган сөстү#5:1 Каргыш салган сөс – кандыг-бир кемниг херек үүлгеттинген болза, когараан кижи азы шииткекчи херек үүлгедикчизинге каргыш салыры-биле кыжанып, ону буруузун минниринче албадаар турган (Башт. 17:2 көр). дыңнааш-даа азы херечи болу бергеш-даа, билир чүүлүн дыңнатпайн баар болза, буруузун боду чүктээр. 2# Лев. 11Азы бир кижи кандыг-бир арыг эвес чүүлге: арыг эвес аңның сегинге, азы арыг эвес азырал малдың сегинге, азы арыг эвес үүрмек дириг амытанның сегинге дегген болза, боду ындыг деп билбезе-даа, дөмей-ле арыг эвес болгаш буруулуг болур. 3# Лев. 12–15Азы бир кижи арыг эвес өске кижиге (оон кээп турар, бужартап боор янзы-бүрү арыг эвес чүүлдерниң кандыызы-даа хамаан чокка) деггеш, ону билип кааш, база буруулуг болур. 4# Башт. 11:30, 35; 1 Хаан. 14:24, 29; Эккл. 5:4Азы бир кижи улустуң черле даңгыраглап чаңчыккан чүүлүнге хамаарыштыр бир-ле багай азы эки чүүл кылыр бооп, бодал чокка аксы-даңгыраан берген болза, ону билип кааш, база буруулуг болур. 5Шак ындыг кижи ол таварылгаларның кайызы-даа дээш буруулуг болза, кандыг бачыт үүлгеткенин ажыы-биле билинзин. 6Ооң соонда үүлгеткен бачыды дээш Дээрги-Чаяакчыга буруузун билингениниң өргүлү кылдыр кыс шээр малды: хойну азы дүктүгүр өшкүнү эккеп салзын. Бурганның бараалгакчызы ынчан ону бачыдындан арыглап каар.
7 # Лев. 1:14; 12:8А бир эвес ол кижиниң шээр мал эккеп салыр харык-шинээ чок болза, бачыды дээш буруузун билингениниң өргүлү кылдыр Дээрги-Чаяакчыга ийи көге-буганы азы ийи көгээзинни эккеп салзын: бирээзи бачыт дээш өргүл, а өскези – бүрүн өрттедир өргүл болзун. 8Ол кижи куштарын Бурганның бараалгакчызынга чедире берзин, а Бурганның бараалгакчызы баштай бачыт дээш өргүлдүң кужун өргүп, ооң мойнун оора долгазын, чүгле бажын мага-бодундан аңгылавазын. 9Оон куштуң ханындан өргүл салыр бедигээштиң ханазынче бызай чашсын, а арткан ханны өргүл бедигээжиниң дөжээнче төпсүн: бачыт дээш өргүл ол-дур. 10А өске кушту доктааткан чурум ёзугаар бүрүн өрттедир өргүл кылдыр салзын. Бурганның бараалгакчызы ол кижини үүлгеткен бачыдындан ынчалдыр арыглаарга, ол кижи Бурганның өршээлин алыр. 11# Сан. 5:15Бир эвес ол кижи ийи көге-буганы азы ийи көгээзинни эккеп салып шыдавас болза, үүлгеткен бачыды дээш бир эфа иштиниң оннуң бир кезээ эң шынарлыг далганны эккеп салзын; ооң бачыт дээш өргүлү ол-дур. Ол кижи өргүлүнүң далганынче олива үзү кутпазын база ладанны салбазын – ындыг чүүлдер өргүлге турбас ужурлуг. 12Оон өргүлүн Бурганның бараалгакчызынга эккеп берзин. А Бурганның бараалгакчызы өргүлдүң сагындырыг боор кезээ кылдыр бир долу адышты уруп алгаш, өргүл бедигээжинге Дээрги-Чаяакчыга салып, отка өрттетсин: бачыт дээш өргүл ол-дур. 13# Лев. 2:3Бурганның бараалгакчызы демги кижини ол таварылгаларның кайы-бирээзинде үүлгеткен бачыдындан ынчалдыр арыглаарга, ол кижи Бурганның өршээлин алыр. Далган-тараа өргүлүн салып турда дег, артып калган далган Бурганның бараалгакчызыныы болур».
Кем-буруу дээш өргүл
14Дээрги-Чаяакчы Моисейге мынча деп чугаалаан: 15# Лев. 4:2, 27; Сан. 15:22-29; Хост. 30:13«Кандыг-бир кижи частырыг кылып бачыт үүлгеткеш, Дээрги-Чаяакчыга бараалгадыр ужурлуг ыдыктыг чүүлдерин бараалгатпайн барган дижик. Ол кижи кем-буруузу дээш өргүл кылдыр шээр малындан четпес-дудуу эвес кошкарны Дээрги-Чаяакчыга эккеп салзын. Кошкарның өртээн ыдыктыг черге ажыглаар мөңгүн шекелге тодаратсын. 16# Лев. 6:5; 22:14; 27:13, 15, 27, 31; Сан. 5:7Ыдыктыг чүүлдерге чедирген когаралы дээш, демги кижи ооң өртээн төлээш, өртектиң бештиң бирин база немей бергеш, Бурганның бараалгакчызынга хүлээдир ужурлуг. А Бурганның бараалгакчызы кем-буруу дээш өргүлдүң кошкарын өргээш, демги кижини арыглаарга, ол кижи Бурганның өршээлин алыр.
17А бир эвес кандыг-бир кижи бачыт үүлгедип, Дээрги-Чаяакчының айтыышкыннарының бирээзинге удур кылып болбас чүве кылыр болза, боду-даа билбейн буруудай бергени ол-дур, ынчангаш буруузун ол боду чүктээр ужурлуг. 18Ол кижи кем-буруузу дээш өргүл кылдыр бодунуң шээр малындан четпес-дудуу эвес кошкарны доктаадып каан өртектиң аайы-биле Бурганның бараалгакчызынга эккелзин. Бурганның бараалгакчызы демги кижини боду-даа билбейн кылган частырыындан арыглаарга, ол кижи Бурганның өршээлин алыр. 19Демги кижиниң Дээрги-Чаяакчының мурнунга буруудаан кем-буруузу дээш салыр өргүлү ол-дур».
Tans Gekies:
Левит 5: Ы.Б.2025
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025
Левит 5
5
1Шак мындыг бачыттар туруп болур. Кандыг-бир кижи бир-ле чүүлдү көрүп, билген тургаш, каргыш салган сөстү#5:1 Каргыш салган сөс – кандыг-бир кемниг херек үүлгеттинген болза, когараан кижи азы шииткекчи херек үүлгедикчизинге каргыш салыры-биле кыжанып, ону буруузун минниринче албадаар турган (Башт. 17:2 көр). дыңнааш-даа азы херечи болу бергеш-даа, билир чүүлүн дыңнатпайн баар болза, буруузун боду чүктээр. 2# Лев. 11Азы бир кижи кандыг-бир арыг эвес чүүлге: арыг эвес аңның сегинге, азы арыг эвес азырал малдың сегинге, азы арыг эвес үүрмек дириг амытанның сегинге дегген болза, боду ындыг деп билбезе-даа, дөмей-ле арыг эвес болгаш буруулуг болур. 3# Лев. 12–15Азы бир кижи арыг эвес өске кижиге (оон кээп турар, бужартап боор янзы-бүрү арыг эвес чүүлдерниң кандыызы-даа хамаан чокка) деггеш, ону билип кааш, база буруулуг болур. 4# Башт. 11:30, 35; 1 Хаан. 14:24, 29; Эккл. 5:4Азы бир кижи улустуң черле даңгыраглап чаңчыккан чүүлүнге хамаарыштыр бир-ле багай азы эки чүүл кылыр бооп, бодал чокка аксы-даңгыраан берген болза, ону билип кааш, база буруулуг болур. 5Шак ындыг кижи ол таварылгаларның кайызы-даа дээш буруулуг болза, кандыг бачыт үүлгеткенин ажыы-биле билинзин. 6Ооң соонда үүлгеткен бачыды дээш Дээрги-Чаяакчыга буруузун билингениниң өргүлү кылдыр кыс шээр малды: хойну азы дүктүгүр өшкүнү эккеп салзын. Бурганның бараалгакчызы ынчан ону бачыдындан арыглап каар.
7 # Лев. 1:14; 12:8А бир эвес ол кижиниң шээр мал эккеп салыр харык-шинээ чок болза, бачыды дээш буруузун билингениниң өргүлү кылдыр Дээрги-Чаяакчыга ийи көге-буганы азы ийи көгээзинни эккеп салзын: бирээзи бачыт дээш өргүл, а өскези – бүрүн өрттедир өргүл болзун. 8Ол кижи куштарын Бурганның бараалгакчызынга чедире берзин, а Бурганның бараалгакчызы баштай бачыт дээш өргүлдүң кужун өргүп, ооң мойнун оора долгазын, чүгле бажын мага-бодундан аңгылавазын. 9Оон куштуң ханындан өргүл салыр бедигээштиң ханазынче бызай чашсын, а арткан ханны өргүл бедигээжиниң дөжээнче төпсүн: бачыт дээш өргүл ол-дур. 10А өске кушту доктааткан чурум ёзугаар бүрүн өрттедир өргүл кылдыр салзын. Бурганның бараалгакчызы ол кижини үүлгеткен бачыдындан ынчалдыр арыглаарга, ол кижи Бурганның өршээлин алыр. 11# Сан. 5:15Бир эвес ол кижи ийи көге-буганы азы ийи көгээзинни эккеп салып шыдавас болза, үүлгеткен бачыды дээш бир эфа иштиниң оннуң бир кезээ эң шынарлыг далганны эккеп салзын; ооң бачыт дээш өргүлү ол-дур. Ол кижи өргүлүнүң далганынче олива үзү кутпазын база ладанны салбазын – ындыг чүүлдер өргүлге турбас ужурлуг. 12Оон өргүлүн Бурганның бараалгакчызынга эккеп берзин. А Бурганның бараалгакчызы өргүлдүң сагындырыг боор кезээ кылдыр бир долу адышты уруп алгаш, өргүл бедигээжинге Дээрги-Чаяакчыга салып, отка өрттетсин: бачыт дээш өргүл ол-дур. 13# Лев. 2:3Бурганның бараалгакчызы демги кижини ол таварылгаларның кайы-бирээзинде үүлгеткен бачыдындан ынчалдыр арыглаарга, ол кижи Бурганның өршээлин алыр. Далган-тараа өргүлүн салып турда дег, артып калган далган Бурганның бараалгакчызыныы болур».
Кем-буруу дээш өргүл
14Дээрги-Чаяакчы Моисейге мынча деп чугаалаан: 15# Лев. 4:2, 27; Сан. 15:22-29; Хост. 30:13«Кандыг-бир кижи частырыг кылып бачыт үүлгеткеш, Дээрги-Чаяакчыга бараалгадыр ужурлуг ыдыктыг чүүлдерин бараалгатпайн барган дижик. Ол кижи кем-буруузу дээш өргүл кылдыр шээр малындан четпес-дудуу эвес кошкарны Дээрги-Чаяакчыга эккеп салзын. Кошкарның өртээн ыдыктыг черге ажыглаар мөңгүн шекелге тодаратсын. 16# Лев. 6:5; 22:14; 27:13, 15, 27, 31; Сан. 5:7Ыдыктыг чүүлдерге чедирген когаралы дээш, демги кижи ооң өртээн төлээш, өртектиң бештиң бирин база немей бергеш, Бурганның бараалгакчызынга хүлээдир ужурлуг. А Бурганның бараалгакчызы кем-буруу дээш өргүлдүң кошкарын өргээш, демги кижини арыглаарга, ол кижи Бурганның өршээлин алыр.
17А бир эвес кандыг-бир кижи бачыт үүлгедип, Дээрги-Чаяакчының айтыышкыннарының бирээзинге удур кылып болбас чүве кылыр болза, боду-даа билбейн буруудай бергени ол-дур, ынчангаш буруузун ол боду чүктээр ужурлуг. 18Ол кижи кем-буруузу дээш өргүл кылдыр бодунуң шээр малындан четпес-дудуу эвес кошкарны доктаадып каан өртектиң аайы-биле Бурганның бараалгакчызынга эккелзин. Бурганның бараалгакчызы демги кижини боду-даа билбейн кылган частырыындан арыглаарга, ол кижи Бурганның өршээлин алыр. 19Демги кижиниң Дээрги-Чаяакчының мурнунга буруудаан кем-буруузу дээш салыр өргүлү ол-дур».
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025