Эге дөс 35
35
Иаковтуң Вефилче ээп келгени
1 # Э. д. 28:10-22Бурган Иаковка: «Ам Вефилче чорупкаш, аңаа барып чуртта. Акың Исавтан дезипкен үеңде, ол черге сеңээ көстүп келген мен. Ынчангаш орта баргаш, Меңээ өргүл салыр бедигээштен тудуп каг» – дээн. 2Ынчан Иаков өг-бүлезинге болгаш бодунга хамааржыр улузунуң шуптузунга мынча деп чагаан: «Бодуңарда бар хары бурганнарны октапкаш, арыгланып чунуп алыңар. Идик-хевиңерни база солуп алыңар. 3Вефилче чоруур бис. Берге үемде мени деткип, мээң-биле каяа-даа кады чораан Бурганга өргүл салыр бедигээшти ол черге тудуп каар мен». 4# Иис. 24:26; Башт. 9:6Ынчан Иаковтуң улузу боттарында бар турган хары бурганнарын база кулактарында сагыызын-сыргаларын шуптузун аңаа уштуп бергеннер. Иаков оларны Сихемде турар дуб ыяштың адаанга хөөп каапкан.
5Оон олар орукче үнүпкеннер. Бургандан коргуушкун ол кавының хоорайларын бүргей апкан болгаш, Иаковтуң оолдарын кым-даа сүрбейн барган. 6Иаков бодунуң кады чораан улузу-биле ханаан черде Луз (азы Вефил) деп хоорайга чедип келгеш, 7# Э. д. 28:19аңаа өргүл салыр бедигээш тудуп кааш, ол черни Эл-Вефил#35:7 «Эл-Вефил» деп ат «Вефилдиң Бурганы» дээн уткалыг. деп адап каан, чүге дээрге акызындан дезип турар үезинде, орта Бурган аңаа ажыдыышкын кылган чүве-дир.
8 # Э. д. 24:59Ол үеде Ревекканың азыракчызы Девора өлүп калган. Ону Вефилдиң чоогунда дуб ыяш чанынга ажаап кааннар. Ынчангаш ол дубту «Ыы-сыының ыяжы» деп адап каан чүве-дир.
9Иаков Паддан-Арамдан ээп чанып келген соонда, аңаа Бурган катап көстүп келгеш, ону алгап-йөрээп: 10# Э. д. 32:28«Сээң адың Иаков болгай. Ынчалза-даа моон соңгаар сээң адың Иаков эвес, а Израиль болур» – дээн. Ынчалдыр ону Израиль деп адап каан. 11# Э. д. 17:6Бурган аңаа мынча дээн: «Мен Күчүлүг Бурган-дыр мен. Өзүп-төрүп, салгалыңны көвүдет-ле, сенден чон тыптыр, хөй чоннар тыптыр, сээң үре-салгалыңдан хааннар база үнер. 12Авраам биле Исаакка берген черимни сеңээ бээр мен, сээң үре-салгалыңга база бо черни бээр мен». 13Ынча дээш, Бурган Иаковка чүве чугаалап турган черинден чорупкан. 14# Э. д. 28:18; 31:45Иаков Бурганның турган черинге даш тураскаал тургузуп кааш, аңаа өргүл кылдыр арага төп, олива үзү кудуп, ону ыдыктаан. 15# Э. д. 28:19Бурганның аңаа чүве чугаалап турган черин Иаков Вефил деп адап каан.
Вениаминниң төрүттүнгени болгаш Рахилдиң өлгени
16Ооң соонда олар Вефилден чорупканнар. Эфратага бичии-ле четпээнде, Рахилдиң эъди аарый бергеш, бергедеп божаан. 17# 1 Хаан. 4:20Рахил бергедеп божуп турда, тудугжу кадай аңаа: «Кортпа, ам база оолдуг болган-дыр сен» – дээн. 18Рахил сөөлгү күжү төнүп, өлүп чыда, оглун Бен-они деп адап каан. Ынчалза-даа ачазы ону Вениамин деп адап алган#35:18 «Бен-они» деп ат «хилинчектенип божаан оглум» дээн уткалыг. «Вениамин» деп ат «оң таламга орар оглум» азы «мурнуу чүкке төрүттүнген оглум» дээн уткалыг.. 19# Руф 1:2; Мих. 5:2Рахил өлүп калган, ону Эфрата (азы Вифлеем) баар орук ара ажаап кааннар. 20Иаков ооң хөөрүнге тураскаал тургузуп каан. Ол тураскаал ам-даа ында турар. 21Оон чоруткаш, Израиль бодунуң майгынын Гадер суургазының чанынга тип алган.
22 # Э. д. 49:4; Лев. 20:11Израильдиң бир доктаап турупкан черинге Рувим ачазының кул-кадайы Валла-биле хонупкан. Израиль ол дугайында дыңнап каан.
Иаков он ийи оолдуг турган.
23Лияның божаан оолдары: Рувим (Иаковтуң дун оглу), ооң адаа Симеон, Левий, Иуда, Иссахар база Завулон.
24Рахилдиң божаан оолдары: Иосиф биле Вениамин.
25Рахилдиң чалчазы Валланың божаан оолдары: Дан биле Неффалим.
26Лияның чалчазы Зелфаның божаан оолдары: Гад биле Асир.
Иаковтуң Паддан-Арамга төрүттүнген оолдары бо-дур.
Исаактың мөчээни
27 # Иис. 14:15; Башт. 1:10 || Э. д. 13:18; 23:2Ынчалдыр Иаков Мамреде (азы Кириат-Арбада, азы Хевронда) бодунуң адазы Исаакка чедип келген. Авраам биле Исаактың турумчуп алганы хоорай ол чүве-дир. 28Исаак 180 чыл чурттаан. 29# Э. д. 25:8Исаак мага хандыр чурттааш, кыраан назынында өлүп калган, өгбелериниң соондан өске оранче чоруй барган. Ону оолдары Исав биле Иаков ажаап кааннар.
Tans Gekies:
Эге дөс 35: Ы.Б.2025
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025
