Эге дөс 15
15
Бурганның Аврам-биле чагыг-керээзи
1 # 2 Хаан. 22:3; Ыд. ыр. 3:4Ол болуушкуннар соонда элээн болганда, Дээрги-Чаяакчы Аврамче көстүүшкүннү чорудуп: «Кортпа, Аврам. Мен – сээң дозуг-камгалалың-дыр мен. Сээң шаңналың дыка улуг болур-дур» – деп сөзүн ажыткан.
2-3Аврам Аңаа: «Дээрги-Чаяакчы, Дээргим! Мен ажы-төл, үре-салгал чок болганымда, меңээ чүнү-даа бээриңге, канчаар деп мен? Мээң салгакчым болур кижи Дамаскыдан келген Элиезер ол-дур. Сен меңээ ажы-төл хайырлаваан болганыңда, аалымда кул кижи мээң салгакчым болур-ла ыйнаан» – дээн.
4Ынчан Дээрги-Чаяакчы Аврамга: «Чок, ол кул кижи сээң салгакчың болбас; сээң салгакчың бодуңнуң үреңден тыптып бодараар» – дээн. 5# Э. д. 22:17; Ы. х. к. 1:10; 10:22; Рим. 4:18Дээрги-Чаяакчы Аврамны майгындан үндүрүп эккелгеш, чугаалаан: «Өрү дээрже көр! Шыдаар болзуңза, сылдыстарны сана. Ол хире эмге-тикчок хөй үре-салгалдыг болур сен!» 6# Рим. 4:3; Гал. 3:6; Иак. 2:23Аврам Дээрги-Чаяакчыга бүзүрей бээрге, Ол ону актыг-шынныг деп санаан.
7 # Э. д. 11:28«Бо черни ээлеп чурттазын дээш, халдей чурттуң Ур хоорайындан сени бээр эккелген Дээрги-Чаяакчы-дыр мен» – деп, Бурган Аврамга чугаалаан.
8 # Башт. 6:17; Лк. 1:18Аврам: «Дээрги-Чаяакчы, Дээргим! Бо черни ээлеп чурттап болурунуң демдээн кайыын билип аар мен?» – деп айтырган.
9Дээрги-Чаяакчы аңаа: «Меңээ хунан инектен, хунан өшкүден, хунан кошкардан, көге-бугадан база көгээзинден эккеп бер» – дээн. 10# Лев. 1:17; Иер. 34:18-19Аврам ол амытаннарның шуптузун эккелгеш, мөчүлерин ийи үзе шапкаш, бот-боттарынга удурланыштыр салгылап каан#15:10 Дээрги-Чаяакчы биле Аврам Эрте-бурунгу Чөөн чүкте хүлээп көрдүнген чаңчыл ёзугаар керээ чарган: боттарының хүлээлгелерин шынзыдар дээш, дугуржукчулар ийи чара одура шаапкан малдың чартыктарының аразы-биле эртер. Одура шаапкан мал керээни үрээн таланың хуу-салымын символчудуп көргүзүп турар (Иер. 34:18-19 көр).; чүгле куштарны ол үзе шаппаан. 11Ынчан ол мөчүлерге араатан куштар кээп хонгулапкан, ынчалза-даа Аврам оларны хоюскулапкан.
12 # Э. д. 2:21; 1 Хаан. 26:12; Иов 33:15Кызыл-хүнней бергенде, Аврам ханы уйгуже дүлнү берген; ол өйде ону коргунчуг дүмбей бүргей апкан. 13# Хост. 1:11; 12:40; Аж.-ч. 7:6Дээрги-Чаяакчы ынчан мынча дээн: «Сээң үре-салгалың 400 чыл иштинде хары чуртка кулданыгның болгаш дарлалдың адаанга чурттап кээр деп чүвени ыяк сактып ал. 14# Хост. 11:3; Аж.-ч. 7:7Ынчалза-даа Мен оларны дарлаан чонну шиидер мен. Ооң соонда сээң салгалың ол черден бай-шыдалдыг кижилер бооп үнерлер. 15А сен сагыш амыр, буурул баштыг кырган бооп, өгбелериңче аъттаныр сен. 16# Ы. х. к. 9:4; 3 Хаан. 21:26Сээң ажы-төлүңнүң чүгле дөрткү салгалы бо черже ээп кээр; чүге дээрге амор чоннуң бачыттыг үүлгедиглери ам-даа аяан долбаан-дыр».
17Хүн ажа бээрге, дүмбей дүшкен. Ынчан үзе шаап каан мөчүлерниң аразы-биле ышталып турар сава база чалбырааштыг оттуг кезек эрте бергенин Аврам көрүп каан. 18# Хост. 23:31; Сан. 34:1-12; Иис. 21:43; 3 Хаан. 4:21; 2 Чыл. 9:26Дээрги-Чаяакчы ол хүн Аврам-биле керээ кылып алган: «Сээң үре-салгалыңга Египеттиң хеминден#15:18 Нил хемни эвес, а Синай чартык ортулукта кадып каар турган бир хемчигешти бодап турары ылап болгу дег. Ол хемчигеш эрте-бурунгу шагда Израиль биле Египеттиң кызыгаары бооп турган. улуг Евфрат хемге чедир бо черни бээр мен: 19-21кен, кенез, кедмон, хет, ферез, рефа, амор, хананей, гергес база иевус чоннарның черлерин бээр мен».
Tans Gekies:
Эге дөс 15: Ы.Б.2025
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025
