Хосталыышкын 32
32
Алдын бугажык
(Ы. х. к. 9:11-19)
1 # Хост. 24:18 || Аж.-ч. 7:40Чон Моисейниң дагдан дыка үр дүшпейн турарын көргеш, Ааронну долгандыр чыглып келгеш, аңаа: «Бисти баштаар бургандан#32:1 Азы: «Бурганнардан». кылып бер че. Бисти Египеттен үндүрүп эккелген Моисей дээр кижиниң канчап барганын билбес-тир бис» – дээн. 2# Башт. 8:24-27Аарон оларга: «Кадайларыңарның, оолдар-кыстарыңарның кулактарында алдын сыргаларны ужулгаш, меңээ эккеп бериңер» – деп чугаалаан. 3Бүгү улус кулактарында алдын сыргаларын уштуп, чыггаш, Ааронга эккеп берген. 4# 3 Хаан. 12:28Аарон улустуң холдарындан сыргаларны ап алгаш, ол алдындан бугажык шуткааш, ону кески-биле аян киир хевирлеп алган. Израильчилер ынчан: «Израиль чон, сээң Бурганың бо-дур! Сени египет черден үндүрүп эккелген Бурган бо-дур!» – деп турганнар. 5Аарон ол бүгүнү көргеш, бугажыктың мурнунга өргүл салыр бедигээш тургускаш: «Даарта Дээрги-Чаяакчыга тураскааткан байырлал болур» – деп чарлаан. 6# 1 Кор. 10:7Израильчилер даартазында эртен эрте тургаш, бүрүн өрттедир өргүлдерни база эп-найырал өргүлдерин эккеп салганнар. Улус-чон ижип-чиири-биле олуруп алган, а ооң соонда самнап-хөглеп эгелээн.
7Дээрги-Чаяакчы Моисейге мынча деп чугаалаан: «Дагдан дүрген дүш, сээң египет черден үндүре берген чонуң самыырап ат болду. 8Олар Мээң айтып бергеним оруктан дүргени кончуг соора барганнар-дыр. Боттарынга бугажык шуткуп алгаш, аңаа мөгейип, өргүлдер салып: „Израиль чон, сээң Бурганың бо-дур! Сени египет черден үндүрүп эккелген Бурган бо-дур!“ – дижип турарлар-дыр». 9# Ы. х. к. 10:16Оон Дээрги-Чаяакчы Моисейге улаштыр мынча дээн: «Мен бо чоннуң чөрүүзүн көрүп тур мен, дедири кончуг чон-дур. 10# Сан. 14:12Ам Меңээ шаптыктава, Мээң килеңим оларга удур кыптыксын, оларны узуткап кааптайн, а оон-даа хөй санныг чон сенден укталыр кылып каайн».
11 # Дан. 9:15Ынчалза-даа Моисей Дээрги-Чаяакчы Бурганындан ээрежип дилеп эгелээн: «Дээрги-Чаяакчы, Сээң килеңиң чонуңга удур кыптыкпазын! Сен бо чонну египет черден күштүг холуң-биле үндүрүп эккелдиң чоп. 12Египетчилер: „Ол израильчилерни Египеттен кара сагыштыы-биле, дагларга өлүрүп каар дээш база чырык чер кырынга амылыг арттырбас дээш үндүрүп эккелген-дир“ – деп хыы ханып чугаалавазын. Кыптыгып турар килеңиңни чайладып көрем, Бодуңнуң чонуңну узуткаарындан ойталап көрем. 13# Э. д. 22:16-17; 26:4Авраам, Исаак болгаш Иаковту бодап келем. Олар Сээң чалчаларың чордулар, оларга Бодуңнуң амы-тының-биле: „Үре-салгалыңарны дээрниң сылдыстары дег кылдыр көвүдедир мен; аазап турганым черниң шуптузун оларга бээр мен, олар ону кезээ-мөңгеде ээлээр“ – деп даңгыраглап турдуң чоп».
14 # Сан. 14:20; 2 Хаан. 24:16; Иер. 18:8; Иона 3:10Дээрги-Чаяакчы ынчан Бодунуң чонунга таварыштырар бооп аазааны айыыл-халаптан ойталап, ону узуткавайн барган.
Моисейниң килеңнээш, буруулугларны узуткааны
15А Моисей эргилгеш, дагдан дүжүп келген. Ол ийи талазында айтыышкыннар бижээн чагыг-керээниң ийи калбак дажын ап алгаш чораан. 16Бурган Боду ол даштарны кылган, даштарда бижиктер база Бурганның оюп бижээни бижиктер турган. 17Ол өйде Нуннуң оглу Иисус чоннуң шимээргеп турарын дыңнааш, Моисейге: «Улустуң турлаанда дайын-чааның кышкызы дыңналып тур!» – дээн. 18А Моисей: «Бо дээрге тиилекчилерниң-даа алгы-кышкызы эвес-тир, тиилеттиргеннерниң-даа алгызы эвес-тир; ыры-хөгжүм үнүн дыңнап тур мен!» – деп харыылаан.
19Улустуң турлаанга чеде бергеш, Моисей бугажыкты база самнаан улусту көрүп каан. Ооң килеңи кыптыга бергеш, тудуп чораан калбак даштарын октап, дагның дөжээнге буза шаап каапкан. 20# Ы. х. к. 9:21Ол оон улустуң шуткуп алганы бугажыкты отка өрттедипкеш, алдынны хүлгүлештир чууруп, сугже тогладыр чажыпкаш, ол сугну израиль чонга албадап ижиртип турган.
21Моисей Аарондан: «Бо улус сээң чүңнү канчапты, чүге оларны ындыг улуг бачытче киирдиң?» – деп айтырган. 22А Аарон аңаа мынча деп харыылаан: «Дээргимниң килеңи кыптыкпазын. Бо чоннуң бузут-бакка сундулуун билир-ле болгай сен. 23Олар меңээ: „Бисти баштап, эдертип аппаар бургандан кылып бер. А Египеттен бисти үндүрүп эккелген Моисей дээр кижиниң канчап барганын билбес-тир бис“ – деп чугааладылар. 24Мен оларга: „Кымнарда алдын каасталгалар барыл, уштуп бериңер“ – дээримге, ужулгаш, меңээ эккеп бердилер. А мен алдынны отче киир кааптарымга, оттан бо бугажык үнүп келди».
25 # У. ч. 29:18Моисей чоннуң калчаарап барганын, Аароннуң улусту сула салып, дайзыннарының мурнунга Израильдиң адын баксыратканын көрүп каан. 26Ол ынчан чоннуң турлаанче кирер черге туруп алгаш: «Дээрги-Чаяакчының талазында кымнар барыл? Меңээ чедип келиңер!» – дээн. Левийниң салгакчылары шуптузу ооң чанынга чыглып келген. 27# Ы. х. к. 13:6-9Моисей оларга: «Израильдиң Бурганы Дээрги-Чаяакчы мынча деп тур: „Кижи бүрүзү хылыжын курунга астып алгаш, улустуң турлаанга бир кыдыындан өске кыдыынга чедир кылаштап, кымны-даа болза – бодунуң акы-дуңмазын, эжин, чоок кижизин безин – өлүрүп кагзын!“» – дээн. 28Левийниң салгакчылары Моисейниң чугаазын ёзугаар кылганнар: ол хүн израиль чондан 3000 хире кижи өлүртүп каан. 29А Моисей левиттерге: «Бөгүн кайыңар-даа бодунуң оглунга, акы-дуңмазынга удур үнүп, боттарыңарны Дээрги-Чаяакчыга бараалгаткан-дыр силер. Ол ам силерге ачы-буянын хайырлаар» – деп чугаалаан.
Моисейниң чонга база катап болушканы
30Даартазында хүндүс Моисей чонга: «Аажок улуг бачытты үүлгеткен-дир силер. Ынчаарга мен ам Дээрги-Чаяакчыже үне берейн, бачыдыңарны арыглаарын чедип аарым чадавас» – деп чугаалаан. 31Моисей Дээрги-Чаяакчыже ээп келгеш: «О, бо чон аажок улуг бачытты үүлгетти; бодунга алдындан бурган кылып алды – деп чугаалаан. – 32Оларның бачыдын өршээп көрем. Бир эвес өршээвес болзуңза, Сээң бижээниң номдан#32:32 Сээң бижээниң ном – Бурганның Бодунга хамааржыр улустуң аттарын киир бижээни Мөңге амыдыралдың номун ынча деп турар. (Дан. 12:1; Ажыд. 20:12 көр.) мээң адымны база балап каавыт!»
33 # Иез. 18:4, 20Дээрги-Чаяакчы Моисейге мынча деп харыылаан: «Чүгле Меңээ удур бачыт үүлгеткен кижиниң адын Бодумнуң номумдан балаар мен. 34Сен чоруй бар, Мээң сеңээ айыткан черимче бо чонну эдертип аппар; Мээң төлээм сээң мурнуңга орук баштап чоруптар эвеспе. А демги улусту бачыды дээш кеземче хүнү кээрге, кезедир мен». 35Аарон израиль чонга бугажык шуткуп берген өйде, оларның кылып турган үүлгедиглери дээш Дээрги-Чаяакчы оларже айыыл-халапты чоруткан.
Tans Gekies:
Хосталыышкын 32: Ы.Б.2025
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025
Хосталыышкын 32
32
Алдын бугажык
(Ы. х. к. 9:11-19)
1 # Хост. 24:18 || Аж.-ч. 7:40Чон Моисейниң дагдан дыка үр дүшпейн турарын көргеш, Ааронну долгандыр чыглып келгеш, аңаа: «Бисти баштаар бургандан#32:1 Азы: «Бурганнардан». кылып бер че. Бисти Египеттен үндүрүп эккелген Моисей дээр кижиниң канчап барганын билбес-тир бис» – дээн. 2# Башт. 8:24-27Аарон оларга: «Кадайларыңарның, оолдар-кыстарыңарның кулактарында алдын сыргаларны ужулгаш, меңээ эккеп бериңер» – деп чугаалаан. 3Бүгү улус кулактарында алдын сыргаларын уштуп, чыггаш, Ааронга эккеп берген. 4# 3 Хаан. 12:28Аарон улустуң холдарындан сыргаларны ап алгаш, ол алдындан бугажык шуткааш, ону кески-биле аян киир хевирлеп алган. Израильчилер ынчан: «Израиль чон, сээң Бурганың бо-дур! Сени египет черден үндүрүп эккелген Бурган бо-дур!» – деп турганнар. 5Аарон ол бүгүнү көргеш, бугажыктың мурнунга өргүл салыр бедигээш тургускаш: «Даарта Дээрги-Чаяакчыга тураскааткан байырлал болур» – деп чарлаан. 6# 1 Кор. 10:7Израильчилер даартазында эртен эрте тургаш, бүрүн өрттедир өргүлдерни база эп-найырал өргүлдерин эккеп салганнар. Улус-чон ижип-чиири-биле олуруп алган, а ооң соонда самнап-хөглеп эгелээн.
7Дээрги-Чаяакчы Моисейге мынча деп чугаалаан: «Дагдан дүрген дүш, сээң египет черден үндүре берген чонуң самыырап ат болду. 8Олар Мээң айтып бергеним оруктан дүргени кончуг соора барганнар-дыр. Боттарынга бугажык шуткуп алгаш, аңаа мөгейип, өргүлдер салып: „Израиль чон, сээң Бурганың бо-дур! Сени египет черден үндүрүп эккелген Бурган бо-дур!“ – дижип турарлар-дыр». 9# Ы. х. к. 10:16Оон Дээрги-Чаяакчы Моисейге улаштыр мынча дээн: «Мен бо чоннуң чөрүүзүн көрүп тур мен, дедири кончуг чон-дур. 10# Сан. 14:12Ам Меңээ шаптыктава, Мээң килеңим оларга удур кыптыксын, оларны узуткап кааптайн, а оон-даа хөй санныг чон сенден укталыр кылып каайн».
11 # Дан. 9:15Ынчалза-даа Моисей Дээрги-Чаяакчы Бурганындан ээрежип дилеп эгелээн: «Дээрги-Чаяакчы, Сээң килеңиң чонуңга удур кыптыкпазын! Сен бо чонну египет черден күштүг холуң-биле үндүрүп эккелдиң чоп. 12Египетчилер: „Ол израильчилерни Египеттен кара сагыштыы-биле, дагларга өлүрүп каар дээш база чырык чер кырынга амылыг арттырбас дээш үндүрүп эккелген-дир“ – деп хыы ханып чугаалавазын. Кыптыгып турар килеңиңни чайладып көрем, Бодуңнуң чонуңну узуткаарындан ойталап көрем. 13# Э. д. 22:16-17; 26:4Авраам, Исаак болгаш Иаковту бодап келем. Олар Сээң чалчаларың чордулар, оларга Бодуңнуң амы-тының-биле: „Үре-салгалыңарны дээрниң сылдыстары дег кылдыр көвүдедир мен; аазап турганым черниң шуптузун оларга бээр мен, олар ону кезээ-мөңгеде ээлээр“ – деп даңгыраглап турдуң чоп».
14 # Сан. 14:20; 2 Хаан. 24:16; Иер. 18:8; Иона 3:10Дээрги-Чаяакчы ынчан Бодунуң чонунга таварыштырар бооп аазааны айыыл-халаптан ойталап, ону узуткавайн барган.
Моисейниң килеңнээш, буруулугларны узуткааны
15А Моисей эргилгеш, дагдан дүжүп келген. Ол ийи талазында айтыышкыннар бижээн чагыг-керээниң ийи калбак дажын ап алгаш чораан. 16Бурган Боду ол даштарны кылган, даштарда бижиктер база Бурганның оюп бижээни бижиктер турган. 17Ол өйде Нуннуң оглу Иисус чоннуң шимээргеп турарын дыңнааш, Моисейге: «Улустуң турлаанда дайын-чааның кышкызы дыңналып тур!» – дээн. 18А Моисей: «Бо дээрге тиилекчилерниң-даа алгы-кышкызы эвес-тир, тиилеттиргеннерниң-даа алгызы эвес-тир; ыры-хөгжүм үнүн дыңнап тур мен!» – деп харыылаан.
19Улустуң турлаанга чеде бергеш, Моисей бугажыкты база самнаан улусту көрүп каан. Ооң килеңи кыптыга бергеш, тудуп чораан калбак даштарын октап, дагның дөжээнге буза шаап каапкан. 20# Ы. х. к. 9:21Ол оон улустуң шуткуп алганы бугажыкты отка өрттедипкеш, алдынны хүлгүлештир чууруп, сугже тогладыр чажыпкаш, ол сугну израиль чонга албадап ижиртип турган.
21Моисей Аарондан: «Бо улус сээң чүңнү канчапты, чүге оларны ындыг улуг бачытче киирдиң?» – деп айтырган. 22А Аарон аңаа мынча деп харыылаан: «Дээргимниң килеңи кыптыкпазын. Бо чоннуң бузут-бакка сундулуун билир-ле болгай сен. 23Олар меңээ: „Бисти баштап, эдертип аппаар бургандан кылып бер. А Египеттен бисти үндүрүп эккелген Моисей дээр кижиниң канчап барганын билбес-тир бис“ – деп чугааладылар. 24Мен оларга: „Кымнарда алдын каасталгалар барыл, уштуп бериңер“ – дээримге, ужулгаш, меңээ эккеп бердилер. А мен алдынны отче киир кааптарымга, оттан бо бугажык үнүп келди».
25 # У. ч. 29:18Моисей чоннуң калчаарап барганын, Аароннуң улусту сула салып, дайзыннарының мурнунга Израильдиң адын баксыратканын көрүп каан. 26Ол ынчан чоннуң турлаанче кирер черге туруп алгаш: «Дээрги-Чаяакчының талазында кымнар барыл? Меңээ чедип келиңер!» – дээн. Левийниң салгакчылары шуптузу ооң чанынга чыглып келген. 27# Ы. х. к. 13:6-9Моисей оларга: «Израильдиң Бурганы Дээрги-Чаяакчы мынча деп тур: „Кижи бүрүзү хылыжын курунга астып алгаш, улустуң турлаанга бир кыдыындан өске кыдыынга чедир кылаштап, кымны-даа болза – бодунуң акы-дуңмазын, эжин, чоок кижизин безин – өлүрүп кагзын!“» – дээн. 28Левийниң салгакчылары Моисейниң чугаазын ёзугаар кылганнар: ол хүн израиль чондан 3000 хире кижи өлүртүп каан. 29А Моисей левиттерге: «Бөгүн кайыңар-даа бодунуң оглунга, акы-дуңмазынга удур үнүп, боттарыңарны Дээрги-Чаяакчыга бараалгаткан-дыр силер. Ол ам силерге ачы-буянын хайырлаар» – деп чугаалаан.
Моисейниң чонга база катап болушканы
30Даартазында хүндүс Моисей чонга: «Аажок улуг бачытты үүлгеткен-дир силер. Ынчаарга мен ам Дээрги-Чаяакчыже үне берейн, бачыдыңарны арыглаарын чедип аарым чадавас» – деп чугаалаан. 31Моисей Дээрги-Чаяакчыже ээп келгеш: «О, бо чон аажок улуг бачытты үүлгетти; бодунга алдындан бурган кылып алды – деп чугаалаан. – 32Оларның бачыдын өршээп көрем. Бир эвес өршээвес болзуңза, Сээң бижээниң номдан#32:32 Сээң бижээниң ном – Бурганның Бодунга хамааржыр улустуң аттарын киир бижээни Мөңге амыдыралдың номун ынча деп турар. (Дан. 12:1; Ажыд. 20:12 көр.) мээң адымны база балап каавыт!»
33 # Иез. 18:4, 20Дээрги-Чаяакчы Моисейге мынча деп харыылаан: «Чүгле Меңээ удур бачыт үүлгеткен кижиниң адын Бодумнуң номумдан балаар мен. 34Сен чоруй бар, Мээң сеңээ айыткан черимче бо чонну эдертип аппар; Мээң төлээм сээң мурнуңга орук баштап чоруптар эвеспе. А демги улусту бачыды дээш кеземче хүнү кээрге, кезедир мен». 35Аарон израиль чонга бугажык шуткуп берген өйде, оларның кылып турган үүлгедиглери дээш Дээрги-Чаяакчы оларже айыыл-халапты чоруткан.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Институт перевода Библии, 2025