Римӧ 3
3
Енмыс веськыд
1Мый бурыс, тэ кӧ иудей? Мый сетӧ вундыштчӧмыс? 2Унатор сетӧ, да быд боксянь бур. Медводз, налы вӧлі сетӧма Енлысь кывсӧ. 3На пӧвстысь кӧ кодсюрӧ эз эскыны, налӧн эскытӧмысь ӧмӧй бырӧ Енлӧн эсканлуныс? 4Дерт, оз. Енмыс эскана, а мортыс пӧръясьысь. Гижӧма:
– Шуӧмыд Тэнад веськыд,
Аслад ёрд вылын Тэ верман.
5Миян лёк вӧчӧмным кӧ восьтӧ Енлысь веськыдлунсӧ, сэки мый миянлы шуны? Енмыс ӧмӧй абу веськыд, кисьтӧ кӧ миян вылӧ Ассьыс скӧрлунсӧ? Тадзи мортыс мӧвпалӧ. 6Дерт, тайӧ абу тадз. Енмыс кӧ оз ло веськыд, вермас-ӧ Сійӧ мыждыны муюгыдсӧ? 7Менам ылалӧмысь кӧ тыдовтчӧ Енлӧн збыльыс да Сійӧс ошкӧмыс содӧ, сідзкӧ, мыйла менӧ мыждынысӧ мыжаӧс моз? 8Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.
Енсӧ некод оз корсь
9Сідзкӧ, ми, иудейяс, ӧмӧй бурджыкӧсь? Абу. Ме водзынджык нин висьтавлі, мый иудейяс да грекъяс – ставныс мыжыслӧн кипод улынӧсь. 10Гижӧма:
– Веськыда олысьыс весиг ӧтик абу,
11абу гӧгӧрвоысьыс,
некод оз корсь Енсӧ.
12Ставныс кежӧмаӧсь,
ӧтитӧг шогмытӧмӧсь,
бур вӧчысьыс абу,
весиг ӧтик абу.
13Налӧн горшныс – восьса гу,
кывнас найӧ пӧръясьӧны,
льӧб выланыс налӧн змей яд.
14Налӧн вомныс тырӧма курыд ёрӧмӧн,
15кокныс тэрыб вир кисьтны,
16налӧн туй вылын – бырӧдӧм да шог.
17Найӧ оз тӧдны лӧньлунсӧ,
18Енсьыс полӧмыс налӧн абу.
19Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын. 20Индӧд серти уджъяс некодӧс оз вӧчны Ен водзас веськыдӧн. Индӧдыс сӧмын восьтӧ мыжсӧ.
21Ӧні Индӧд вылӧ видзӧдтӧг воссис Енлӧн веськыдлуныс. Та йылысь висьталӧ Индӧдыс да пророк гижӧдъяс. 22Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд. 23Ӧд ставныс мыжмисны да олӧны Ен дзирдлунтӧг. 24Но Сылӧн буралӧмсянь, дон мынтытӧг найӧ лоӧны веськыдӧн, ӧд Исус Кристос став пыддиыс вештысис. 25-26Енмыс сетіс Кристосӧс мыж вештан вись пыдди, Сылӧн вирыс мездӧ быдӧнӧс эскӧм пыр. Терпитӧмнас Ен петкӧдліс Ассьыс веськыдлунсӧ: прӧститіс йӧзлысь важся мыжъяссӧ. Ӧні Енмыс петкӧдлӧ Ассьыс веськыдлунсӧ сыын, мый Сійӧ Ачыс веськыд да вӧчӧ веськыдӧн Исуслы эскысьясӧс.
27Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн. 28Ми аддзам, мый мортсӧ веськыднас вӧчӧ эскӧмыс, а оз Индӧд серти уджъясыс. 29Енмыс ӧмӧй сӧмын иудейяслӧн Ен, абу-ӧ тшӧтш мукӧд войтыръяслӧн? Дерт, тшӧтш мукӧд войтыръяслӧн Ен. 30Енмыс ӧти. Вундыштчӧмаӧс и вундыштчытӧмӧс Сійӧ вӧчӧ веськыдӧн эскӧм пыр. 31Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.
Tans Gekies:
Римӧ 3: КБ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Institute for Bible Translation, Finland, amp Finnish Bible Society, 2023
Римӧ 3
3
Енмыс веськыд
1Мый бурыс, тэ кӧ иудей? Мый сетӧ вундыштчӧмыс? 2Унатор сетӧ, да быд боксянь бур. Медводз, налы вӧлі сетӧма Енлысь кывсӧ. 3На пӧвстысь кӧ кодсюрӧ эз эскыны, налӧн эскытӧмысь ӧмӧй бырӧ Енлӧн эсканлуныс? 4Дерт, оз. Енмыс эскана, а мортыс пӧръясьысь. Гижӧма:
– Шуӧмыд Тэнад веськыд,
Аслад ёрд вылын Тэ верман.
5Миян лёк вӧчӧмным кӧ восьтӧ Енлысь веськыдлунсӧ, сэки мый миянлы шуны? Енмыс ӧмӧй абу веськыд, кисьтӧ кӧ миян вылӧ Ассьыс скӧрлунсӧ? Тадзи мортыс мӧвпалӧ. 6Дерт, тайӧ абу тадз. Енмыс кӧ оз ло веськыд, вермас-ӧ Сійӧ мыждыны муюгыдсӧ? 7Менам ылалӧмысь кӧ тыдовтчӧ Енлӧн збыльыс да Сійӧс ошкӧмыс содӧ, сідзкӧ, мыйла менӧ мыждынысӧ мыжаӧс моз? 8Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.
Енсӧ некод оз корсь
9Сідзкӧ, ми, иудейяс, ӧмӧй бурджыкӧсь? Абу. Ме водзынджык нин висьтавлі, мый иудейяс да грекъяс – ставныс мыжыслӧн кипод улынӧсь. 10Гижӧма:
– Веськыда олысьыс весиг ӧтик абу,
11абу гӧгӧрвоысьыс,
некод оз корсь Енсӧ.
12Ставныс кежӧмаӧсь,
ӧтитӧг шогмытӧмӧсь,
бур вӧчысьыс абу,
весиг ӧтик абу.
13Налӧн горшныс – восьса гу,
кывнас найӧ пӧръясьӧны,
льӧб выланыс налӧн змей яд.
14Налӧн вомныс тырӧма курыд ёрӧмӧн,
15кокныс тэрыб вир кисьтны,
16налӧн туй вылын – бырӧдӧм да шог.
17Найӧ оз тӧдны лӧньлунсӧ,
18Енсьыс полӧмыс налӧн абу.
19Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын. 20Индӧд серти уджъяс некодӧс оз вӧчны Ен водзас веськыдӧн. Индӧдыс сӧмын восьтӧ мыжсӧ.
21Ӧні Индӧд вылӧ видзӧдтӧг воссис Енлӧн веськыдлуныс. Та йылысь висьталӧ Индӧдыс да пророк гижӧдъяс. 22Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд. 23Ӧд ставныс мыжмисны да олӧны Ен дзирдлунтӧг. 24Но Сылӧн буралӧмсянь, дон мынтытӧг найӧ лоӧны веськыдӧн, ӧд Исус Кристос став пыддиыс вештысис. 25-26Енмыс сетіс Кристосӧс мыж вештан вись пыдди, Сылӧн вирыс мездӧ быдӧнӧс эскӧм пыр. Терпитӧмнас Ен петкӧдліс Ассьыс веськыдлунсӧ: прӧститіс йӧзлысь важся мыжъяссӧ. Ӧні Енмыс петкӧдлӧ Ассьыс веськыдлунсӧ сыын, мый Сійӧ Ачыс веськыд да вӧчӧ веськыдӧн Исуслы эскысьясӧс.
27Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн. 28Ми аддзам, мый мортсӧ веськыднас вӧчӧ эскӧмыс, а оз Индӧд серти уджъясыс. 29Енмыс ӧмӧй сӧмын иудейяслӧн Ен, абу-ӧ тшӧтш мукӧд войтыръяслӧн? Дерт, тшӧтш мукӧд войтыръяслӧн Ен. 30Енмыс ӧти. Вундыштчӧмаӧс и вундыштчытӧмӧс Сійӧ вӧчӧ веськыдӧн эскӧм пыр. 31Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Institute for Bible Translation, Finland, amp Finnish Bible Society, 2023